Power BI - skýrslur og mælaborð

Námskeiðslýsing

 

Á námskeiðinu verður farið yfir framsetningu og dreifingu gagna með skýrslum, mælaborðum og smáforritum (e. Apps) í Power BI.

Við köfum ofan í möguleika Power BI Desktop og skýjaþjónustunnar Power BI Service til að hanna og dreifa markvissum og skýrum gagnagreiningum og skýrslum.

Við förum yfir notkun og virkni skýrslna og tökum sérstaklega fyrir gagnvirkni gagnastýringa og tengingar á milli skýrslna.

Það verður farið yfir skýrsluhönnun og gagnabirtingu. Hvað virkar og hvað ber að varast.

Við tengjumst einföldum gagnalindum og greinum með Power BI Desktop og birtum í skýrslum, útfærum aðgangsstýringar og notum loks Power BI Service til að dreifa niðurstöðunum.

Við lærum bæði á staðlaðar gagnasýnir (e. Visuals) sem fylgja með Power BI og aðfengnar gagnasýnir sem boðið er uppá til að útvíkka möguleika forritsins (e. custom visuals).

Við förum yfir birtingu landfræðigagna og þá möguleika sem Power BI bíður uppá, bæði með stöðluðum gagnasýnum og aðfengnum gagnasýnum.

Við könnum möguleika gervigreindarinnar sem innbyggð er í Power BI til að flokka gögn og finna mynstur í gögnunum sem erfitt er að koma auga á.

Við æfum okkur í að greina gögn á mannamáli (e. natural language queries) og förum yfir hvernig best er að haga fyrirspurnum til að fá réttar niðurstöður. Einnig verður farið yfir leiðir til að auðvelda aðgengi að upplýsingum með „fyrirspurnum á mannamáli“.

Námskeiðið nýtist öllum þeim sem vilja setja fram gögn með myndrænum hætti og nútímalegum aðferðum.

Námskeiðið byggir á virkri þátttöku nemenda og er mikilvægt að allir mæti með Power BI Desktop uppsett en það má nálgast hér án endurgjalds."

 

Athugið að þátttakendur mæta sjálfir með tölvur með sér á námskeiðið.

Skipulag

Tími: Námskeiðið fer fram eftirfarandi daga á milli kl. 9:00 - 13:00.

  • Þriðjudagur 29. janúar
  • Fimmtudagur 31. janúar

Lengd: 8 klst. (2 x 4 klst)

Staður: Opni háskólinn í HR, Menntavegi 1, 101 Reykjavík, Mars-álma, 2. hæð.

Vinsamlegast athugið að dagsetningar eru birtar með fyrirvara um að lágmarksþátttaka náist á námskeiðið.

Leiðbeinandi

Grimur-saemundsson_net-4

Grímur Sæmundsson

Ráðgjafi hjá Deloitte

Grímur er kerfisfræðingur frá HR og MBA. Hann hefur starfað sem ráðgjafi í viðskiptagreind undanfarin 15 ár, m.a. hjá Annata, Applicon og Umoe Consulting í Osló. Grímur hefur langa reynslu af kennslu og þjálfun, bæði í tengslum við innleiðingar á viðskiptagreind og sjálfstæð námskeið.


Verð

Verð: 61.000 kr.  

Innifalið í verði eru námskeiðsgögn.

Flest stéttarfélög niðurgreiða hluta námskeiðsgjalda fyrir sína félagsmenn. Opni háskólinn hvetur þig til að kynna þér þína möguleika. 

Hafðu samband

Ingibjörg Sandholt

Ingibjörg Sandholt

Verkefnastjóri


Skráning