Stuðningur fyrir nemendur
Náms- og starfsráðgjafar veita upplýsingar um námið við HR og aðstoða einstaklinga við að ná árangri í námi, átta sig á áhuga sínum og styrkleikum. Þar er einnig hægt að taka áhugasviðspróf gegn vægu próftökugjaldi.
Boðið er upp á einstaklingsviðtöl, sálfræðiþjónustu, hópráðgjöf og fjölbreytt þverfagleg námskeið. Opnir viðtalstímar eru alla daga nema föstudaga.
Hér á vefnum er að finna upplýsingar um úrræði í boði og ýmsar gagnlegar upplýsingar. Fylgstu einnig með Facebook síðu náms- og starfsráðgjafar. Þar er sagt frá námskeiðum, hádegisfyrirlestrum og hinum ýmsum úrræðum sem gagnast geta í námi og starfi.
Bestu kveðjur,
Gréta, Lóa Hrönn, Hildur Katrín og Sigríður María.
Náms- og starfsráðgjafar Háskólans í Reykjavík
Opnir viðtalstímar
- Opnir viðtalstímar náms- og starfsráðgjafa eru alla virka daga nema föstudaga kl. 13.30 - 15:30.
- Ekki þarf að bóka tíma í opna viðtalstíma.
- Ef þið komist ekki á þessum tíma þá vinsamlegast hafið samband við okkur. Til að bóka viðtal á öðrum tíma er hægt að senda tölvupóst til námsráðgjafa eða hringja.
Náms- og starfsráðgjöf
Við leggjum áherslu á að:
- efla færni og metnað nemenda varðandi nám og störf.
- styrkja nemendur sem námsmenn og sérfræðinga þannig að þeir nái hámarksárangri.
- auka sjálfsöryggi og sjálfsþekkingu nemenda.