Vefkökustefna Háskólans í Reykjavík

Á vefsíðu Háskólans í Reykjavík (HR) https://www.ru.is/, er að finna nokkrar gerðir af vefkökum (e. cookies). Stefnu þessari er ætlað að upplýsa notendur vefsíðunnar um hvaða kökur þetta eru og um notkun HR á vefkökunum.

1. HVAÐ ER VEFKAKA?

Vefkökur eru litlar textaskrár sem settar eru inn á tölvuna þína eða önnur snjalltæki þegar vefsíða HR er heimsótt. Vefkökur gera vefsíðum kleift að þekkja tölvur og snjalltæki notenda og því er vefkaka eins konar stafrænt merki sem man hvar þú hefur verið á netinu.

Gerður er greinarmunur á setukökum og viðvarandi vefkökum. Setukökur gera vefsíðum kleift að tengjast aðgerðum notanda á meðan hann er á síðunni. Setukökur eyðast almennt þegar notandi fer af síðunni og eru því ekki vistaðar til lengri tíma. Viðvarandi vefkökur vistast hins vegar á tölvu notanda og muna þannig val eða aðgerðir notenda á síðunni. HR notast bæði við setukökur og viðvarandi vefkökur.

2. VEFKÖKUR Á VEFSÍÐU HR

Vefkökur eru fyrstu aðila kökur eða þriðju aðila kökur. Það ræðst af léni vefsíðunnar sem notar vefkökuna hvort hún telst fyrsta- eða þriðja aðila vefkaka. Fyrstu aðila vefkökur eru í grundvallaratriðum vefkökur sem verða til á þeirri vefsíðu sem notandi heimsækir. Þriðju aðila vefkökur eru þær vefkökur sem verða til á öðru léni en því sem notandi heimsækir, en hafa þó ákveðna virkni á vefsíðu okkar. 

Vefsíða HR notast bæði við fyrstu aðila kökur og þriðju aðila kökur. Þær vefkökur sem finna má á vefsíðu HR eru eftirfarandi: 

Fyrstu aðila kökur

Við notum tvær tegundir af fyrstu aðila setukökum til að greina umferð um vefsíðu okkar og safna tölfræðiupplýsingum um notkun síðunnar. Kökunum er eytt þegar þú lokar þeim vafra sem notaður er til að skoða vefsíðuna. Upplýsingarnar sem safnast með kökunum eru notaðar til að greina hvaða hlutar vefsíðunnar eru skoðaðir meira en aðrir. 

Þá notum við eina viðvarandi fyrstu aðila setuköku sem er geymd á búnaði notanda í allt að tvö ár, en hún er notuð til þess að greina hvort notandi hafi skoðað vefsíðu HR áður og hversu oft notandi heimsækir vefsíðuna.

Notkun HR á ofangreindum kökum teljast tölfræðikökur og er notkun þeirra byggð á lögmætum hagsmunum HR. Notandi getur valið að slökkva á þessum kökum.

Þriðju aðila kökur

Á vefsíðu HR er að finna þriðju aðila kökur sem koma frá Google Analytics, Facebook og Siteimprove. Google og Facebook nota kökurnar til að sérsníða auglýsingar og birta notendum annars staðar á netinu og greina notkun á vefsíðu HR. Þessar vefkökur eru geymdar á búnaði notanda í allt að 24 mánuði. Þessar þriðju aðila kökur flokkast sem markaðskökur. Markaðskökurnar safna persónugreinanlegum upplýsingum um notendur og þær byggja á samþykki notenda sem geta slökkt á þeim sbr. leiðbeiningar neðar í texta. 

Ef þú býrð í landi innan Evrópusambandsins og vilt fræðast nánar um hvernig auglýsendur nota fótspor sem þessi eða vilt hafa val um að taka ekki við þessum kökum, farðu þá á Your Online Choices

Búir þú hinsvegar í Bandaríkjunum og vilt kynna þér fótspor nánar, heimsæktu þá Your Ad Choices.

Vefmælingar

Google Analytics, Siteimprove og Facebook pixel eru notuð til notkunarmælinga á vefnum. Við hverja komu inn á vefinn eru nokkur atriði skráð, svo sem tími og dagsetning, leitarorð, frá hvaða vef er komið og gerð vafra og stýrikerfis. Þessar upplýsingar má nota við endurbætur á vefnum og þróun hans, t.d. til að gera það efni áberandi sem notendur sækjast mest eftir, ákveða hvaða vafra vefurinn ætti að styðja, finna brotna tengla og til að mæla árangur markaðsstarfs. Upplýsingarnar eru ekki persónurekjanlegar í okkar notkun.

SSL-skilríki

Vefsíða HR er með SSL-skilríki. Það þýðir að allur gagnaflutningur til og frá síðunni er dulkóðaður og því öruggari. SSL-skilríki varna því að óprúttnir aðilar komist yfir gögn sem eru send í gegn um vefinn, eins og til dæmis lykilorð.

3. HVERNIG ER HÆGT AÐ SLÖKKVA Á VEFKÖKUNUM?

Notendur geta breytt stillingum á vefkökum og komið í veg fyrir að HR safni tölfræðikökum. Veitir þú samþykki fyrir markaðskökum getur þú hvenær sem er afturkallað það samþykki með því að loka á kökur á vefsíðunni eða eyða þeim úr vafra þínum.

Notendur geta eytt vefkökum í þeim vafra sem notast er við hverju sinni. Leiðbeiningar fyrir mismunandi vafra má finna á upplýsingasíðum viðkomandi vafra: 

4. NÁNARI UPPLÝSINGAR UM PERSÓNUVERND

HR getur frá einum tíma til annars breytt stefnu þessari í samræmi við breytingar á viðeigandi lögum, reglugerðum eða vegna breytinga á því hvernig skólinn vinnur með vefkökur. Verði gerðar breytingar á stefnunni verður notendum kynnt það á sannanlegan hátt. 


Nánari upplýsingar um vinnslu HR á persónuupplýsingum má finna í persónuverndarstefnu skólans . Skólinn hefur tilnefnt Margréti H. Þóroddsdóttur sem persónuverndarfulltrúa skólans. Hægt er að hafa samband við persónuverndarfulltrúa í gegnum netfangið personuvernd@ru.is eða í síma 599 6200.



Var efnið hjálplegt? Nei