„Munt þú forrita framtíðina? Eða munu aðrir forrita hana fyrir þig?“

Nám í tölvunarfræði gefur þér verkfæri til að bæta heiminn og leysa vandamál sem okkur finnst í dag óleysanleg. Í dag búa útskrifaðir nemendur til hugbúnað sem fólk notar á hverjum degi, og tæki og tól sem eru alltumlykjandi í daglegu lífi auk þess að starfa hjá leikjaframleiðendum út um allan heim. Slástu í för með okkur.

Diplómanám

Diplómanám í tölvunarfræði er hægt að stunda með vinnu, þá eru fyrirlestrar aðgengilegir á netinu en mæta þarf í dæmatíma á kvöldin í HR einu sinni í viku. 

Grunnnám (BSc)

Grunnnám við tölvunarfræðideild HR er góður undirbúningur fyrir þátttöku í atvinnulífinu og traust undirstaða fyrir framhaldsnám. Nám við tölvunarfræðideild er staðarnám.

Meistaranám (MSc)

Sérhæfing sem fæst með meistaragráðu veitir meiri hreyfanleika innan fyrirtækja, sérstaklega í stjórnunarstörfum. Í framhaldsnámi hafa nemendur mörg tækifæri til sjálfstæðra rannsókna og þverfaglegs náms. Takmarkaður nemendafjöldi gerir kennurum kleift að vinna með hverjum og einum nemanda.

Doktorsnám (PhD)

Doktorsnámið byggist á rannsóknartengdu verkefni nemenda sem vilja þróa og leiða rannsóknartengda vinnu við hin ýmsu svið tölvunarfræðinnar.

Doktorsnámið er skipulagt í samstarfi við erlenda háskóla og rannsóknarstofnanir því er gerð krafa um að nemendur dvelji erlendis hluta námstímabilsins.

Tölvunarfræðideild Háskólans í Reykjavík

Deildin er sú stærsta sinnar tegundar hér á landi. Kennarar eru í fararbroddi á sínu fræðasviði og nemendur taka þátt í öflugu rannsóknar- og nýsköpunarstarfi í samstarfi við innlendar og erlendar rannsóknarstofnanir og fyrirtæki. Rík áhersla er á gæði kennslu og jafnvægi milli styrkrar fræðilegrar undirstöðu og hagnýtrar þekkingar á nýjustu tækni og aðferðum.


Viðburðir

Engin grein fannst.


Fréttir

kennari skrifar stærðfræði jöfnu á töflu

4.2.2021 : Rannsóknasjóður HR úthlutar 10 doktorsnemastyrkjum

Rannsóknasjóður HR hefur úthlutað alls 10 nýjum doktorsnemastyrkjum að heildarupphæð 57.480.000 kr. 

Gabríela Jóna Ólafsdóttir, BSc í tölvunarfræði, flutti ávarp fyrir hönd útskriftarnemenda.

30.1.2021 : 204 brautskráðir frá Háskólanum í Reykjavík í tíu athöfnum

204 nemendur voru brautskráðir frá Háskólanum í Reykjavík við hátíðlegar athafnir í Hörpu í dag, laugardaginn, 30. janúar. Vegna samkomutakmarkana var hátíðinni skipt upp í tíu minni athafnir þar sem hámark tuttugu nemendur voru brautskráðir í hverri athöfn. 158 nemendur voru brautskráðir úr grunnnámi, 44 úr meistaranámi og tveir úr doktorsnámi.

20.5.2020 : Sigruðu í lestrarkeppni Almannaróms og Mál- og raddtæknistofu HR

Hraunvallaskóli bar sigur úr býtum og Salaskóli varð í öðru sæti í flokki skóla með yfir 450 nemendur í Lestrarkeppni grunnskólanna sem Almannarómur og Mál- og raddtæknistofa Háskólans í Reykjavík stóðu fyrir nýverið. Í flokki skóla með færri en 450 nemendur varð Smáraskóli í fyrsta sæti og Grunnskólinn á Þórshöfn í öðru sæti.

Eldri fréttir