Hugbúnaðarfræði

Lýsing
Viðfangsefni námskeiðsins er í meginefni vinnuferlið við þróun hugbúnaðar ásamt stuðningsferlum. Skoðuð verður saga þróunarlíkana, hlutverk einstakra aðferða rædd og sérstök áhersla á aðferðir í svokölluðum "Agile" þróunarlíkönum í hugbúnaðarþróun. Samþætting og tenging einstakra aðferða innan þessara líkana verður skoðuð og sérstök áhersla lögð á afhendingu síaukins virðis til viðskiptavina. Meðal efnis sem tekið verður fyrir er: Þróunarlíkön, aðferðir og stuðningstól, verkefnastjórnun, gæðastjórnun og tengd aðferðafræði, gerð áætlana, kostnaðarmat, mælikvarðar í hugbúnaðarverkefnum, samstæðustjórnun, prófanir og teymisvinna. Einnig verður leitast við að fá reynda einstaklinga úr atvinnulífinu til að deila sinni sýn á þessi mál með nemendum.
Námsmarkmið
Stefnt er að því að nemendur:
  • hafi skilning á samverkun hugbúnaðarferla í hugbúnaðargerð
  • tileinki sér öguð og vönduð vinnubrögð við þróun, starfrækslu og viðhalds hugbúnaðar
  • skilji mikilvægi gæðatryggingar í hugbúnaðargerð
  • kynnist grunnatriðum í verkefnastjórnun hugbúnaðargerðar
  • þekki vel samstæðustjórnun og tilgang hennar
  • hafi yfirsýn og góðan skilning á heildarmynd hugbúnaðarþróunar


Gott að vita:



Var efnið hjálplegt? Nei

Umsagnir tölvunarfræðinema

Guðbjörn situr á borði sem er greinilega í herbergi sem er aðstaða nemenda

Guðbjörn Einarsson: meistaranám í tölvunarfræði

Þetta er mjög skemmtilegt nám og atvinnumöguleikarnir að því loknu frábærir. Tenging við atvinnulífið er sterk, sem gefur nemendum tækifæri til að kynnast raunverulegum verkefnum og gefur fyrirtækjum einnig tækifæri til að kynnast mögulegum framtíðarstarfsmönnum. Ég er til dæmis að vinna verkefni með fyrirtæki núna sem snýst um að taka helling af gögnum frá þeim og sjá hvort hægt sé að bæta tölfræðilegar spár þeirra með gervigreind.