Hagnýt og raunhæf verkefni

Í heiminum búa meira en sjö milljarðar manna. Öllu þessu fólki viljum við tryggja fæði, klæði og húsnæði. Við viljum líka tryggja því heilbrigði, aðgang að orku, öryggi og afþreyingu. Verkfræðingar og tæknifræðingar byggja á vísindum og beita skipulögðum vinnubrögðum til þess að takast á við þessa áskorun og hjálpa þannig til við að móta framtíðina. 

Tækninám í HR gefur ykkur tækifæri á að leggja ykkar af mörkum á skapandi og skemmtilegan hátt. HR útskrifar flesta nemendur í tæknigreinum á háskólastigi á Íslandi, og er með mestu rannsóknarvirkni á landinu í þeim greinum. Nemendur í verkfræði og tæknifræði eru þjálfaðir til að takast á við þau vandamál sem liggja fyrir í dag með raunhæfum aðferðum byggðum á traustum fræðilegum grunni.

Í tækninámi við deildina er lögð sérstök áhersla á verklega hluta námsins við kennslu undirstöðugreina og hagnýtra fag- og tæknigreina. Tækni- og verkfræðideild er aðili að alþjóðlegu samstarfsneti um þróun tæknináms sem kallast CDIO (e. Conceive, Design, Implement, Operate). Í netinu eru um 100 framsæknir háskólar og megináhersla er lögð á gæði náms í verkfræði og tæknifræði með því að setja undirstöðugreinar í samhengi við raunveruleg viðfangsefni. 

Diplómanám

Iðnfræði er hagnýtt 90 ECTS eininga nám til diplómagráðu á háskólastigi. Kennt er í fjarnámi með tveimur staðarlotum á önn, eina helgi í senn. 

Grunnnám (BSc) 

Verkfræði - 180 ECTS einingar

Lengd verkfræðináms er fimm ár. Eftir þriggja ára nám til BSc-gráðu bæta nemendur við sig tveggja ára námi til MSc-gráðu til að öðlast starfsréttindi sem verkfræðingar. 

Íþróttafræði - 180 ECTS einingar

Nemendur kynnast undirstöðuatriðum í þjálfun og kennslu og ljúka einingum í verknámi. Jafnframt er kennt hvernig nota má niðurstöður rannsókna og nýjustu tækni til að efla þjálfun, afreksíþróttir og heilsu almennings. 

Tæknifræði - 210 ECTS einingar

Í tæknifræði er lögð áhersla á að byggja upp verkvit, fræðilega fagþekkingu og tengsl við atvinnulífið. Námið er  tilvalið fyrir þá sem vilja geta hafið starfsferil sinn strax að loknu BSc–námi. Þeir sem útskrifast með lokapróf í tæknifræði hljóta lögverndaða starfsheitið tæknifræðingur. 

Byggingafræði - 210 ECTS

Byggingafræði í HR er 210 ECTS eininga nám. Fyrri hluti námsins er 90 ECTS einingar, kennt í fjarnámi sem kennt er með námsbraut í byggingariðnfræði.  Síðari hluti námsins er 120 ECTS eininga verkefnamiðað nám, kennt í staðarnámi. 

Meistaranám (MSc)

MPM - Master of Project Management - 90 ECTS einingar

MPM-námið er stjórnunar- og leiðtoganám með sérstakri áherslu á stjórnun umfangsmikilla verkefna, verkefnaskráa og verkefnastofna. Námið býr nemendur undir að stjórna fyrirtækjum, félögum, stofnunum og teymum. Það er skipulagt sem nám samhliða vinnu og varir í tvö ár. 

Verkfræði - 120 ECTS einingar

Í meistaranámi í verkfræði nýta nemendur sér hagnýtt meistaranám í verkfræði til sérhæfingar, auk þess sem meistaragráða í verkfræði er forsenda þess að nemendur geti öðlast lögverndað starfsheiti sem verkfræðingar. 

Íþróttafræði - 120 ECTS einingar 

Íþróttafræði við HR undirbýr íþróttafræðinga og íþróttakennara fyrir störf á fjölmörgum sviðum íþrótta, líkams- og heilsuræktar er lúta að kennslu, þjálfun og stjórnun. Í náminu er lögð áhersla á tengsl við samfélag og atvinnulíf og eru unnin mörg verkefni á námstímanum sem geta nýst samfélaginu beint. 

Orkuverkfræði - 120 ECTS einingar

Við Íslenska orkuháskólann (Iceland School of Energy) er boðið upp á tvær námsbrautir á meistarastigi þar sem endurnýjanlegir orkugjafar og nýting þeirra er í forgrunni.  

Doktorsnám (PhD)

Fyrir nemendur sem vilja stunda fræðilegar rannsóknir á einu af sérsviðum deildarinnar.

Áhugasamir einstaklingar eru hvattir til að hafa samband við akademískt starfslið deildarinnar til að ræða um mögulegar rannsóknir til doktorsgráðu.



Umsagnir nemenda í tækni- og verkfræðideild

Árni Jónas Kristmundsson - véliðnfræði

Ég valdi iðnfræði í HR vegna þess að verkleg reynsla og þekking vega þungt í náminu.


Viðburðir

26.4.2018 13:15 - 17:00 Heilbrigðistæknidagurinn 2018

Heimkynni hugsunar og drauma; Framfarir í heila og taugarannsóknum

Áttundi árlegi heilbrigðistæknidagurinn verður haldinn fimmtudaginn 26. apríl 2018 í Háskólanum í Reykjavík stofu M209 kl. 13:15- 17:00

 

11.5.2018 14:15 - 18:00 Tæknidagurinn 2018

Uppskeruhátíð vornámskeiða tækni- og verkfræðideildar

Tækni- og verkfræðideild heldur Tæknidaginn í tólfta sinn 11. maí 2018

 

Fleiri viðburðir


Fréttir

Bjarni Tryggvason geimfari hélt fyrirlestur í Háskóla Reykjavíkur

14.3.2018 : Fyrsti íslenski geimfarinn með fyrirlestur í HR

Bjarni V. Tryggvason, fyrsti og eini íslenski íslenski geimfarinn, hélt fyrirlesturinn „Ævintýri lífs míns: verkfræði og flug“ í Háskólanum í Reykjavík miðvikudaginn 14. mars, í samstarfið við ISAVIA. Bjarni fór yfir ævistarf sitt í fyrirlestrinum og lýsti þeim ótal mörgu verkefnum sem hann hefur tekið þátt í.

Honnunarkeppni-HI-1-

6.2.2018 : Sigruðu í hönnunarkeppni véla- og iðnaðarverkfræðinema

Hönnunarkeppni véla- og iðnaðarverkfræðinema við Háskóla Íslands fór fram síðastliðinn laugardag á UTmessunni í Hörpu. Keppnin er ávallt vel sótt auk þess sem þáttur um hana er sýndur á RÚV. Það lið sem hlaut fyrsta sætið í keppninni í ár er skipað nemendum við tækni- og verkfræðideild Háskólans í Reykjavík, þeim Jóni Sölva Snorrasyni, nema í hátækniverkfræði, Þórarni Árna Pálssyni, nema í rafmagnstæknifræði og Erni Hrafnssyni, nema í vélaverkfræði.

Myndin sýnir tölvuteikningu af mjaðmarlið og útreikninga

30.1.2018 : Nemendur í heilbrigðisverkfræði tilnefndir til Nýsköpunarverðlauna forseta Íslands

Verkefni þeirra Gunnars Hákons Karlssonar og Halldórs Ásgeirs Risten Svanssonar, nema í heilbrigðisverkfræði við tækni- og verkfræðideild Háskólans í Reykjavík, er tilnefnt til Nýsköpunarverðlauna forseta Íslands. Forseti Íslands, Guðni Th. Jóhannesson, afhendir verðlaunin fimmtudaginn 1. febrúar á Bessastöðum.

Á myndinni sést þrívíddarprentari í notkun

24.1.2018 : Nýr þrívíddarprentari opnar nýja möguleika á prentun líffæra

Nýir möguleikar opnast á notkun þrívíddarprentaðra líffæra við undirbúning skurðaðgerða og við fjölbreyttar rannsóknir og prófanir, með tilkomu nýs og fullkomins þrívíddarprentara sem tekinn var í notkun á heilbrigðistæknisetri Háskólans í Reykjavík og Landspítala Háskólasjúkrahúss í dag.

Nemandi framkvæmir mælingu á meðan kona í íþróttafötum stendur fyrir framan hann

23.1.2018 : Kanadíska kvennalandsliðið í handknattleik fær ráðgjöf hjá PAPESH rannsóknasetri

PAPESH-rannsóknarsetur innan íþróttafræðisviðs HR hefur undanfarna mánuði veitt landsliðum Íslands í handknattleik ráðgjöf í framhaldi af mælingum á liðsfólki bæði A-liðs og yngri landsliða. Nú hefur kanadíska kvennalandsliðið í handknattleik bæst í hóp liða sem nýta sér sérfræðiþekkingu setursins en liðið er í æfingabúðum á Íslandi þessa dagana í samstarfi við HK.

Eldri fréttir