Kennarar verkfræðideildar

Guðrún hefur kennt ýmis fög sem tengjast orku og efnisfræði og byggja á varma- og straumfræði. Orka er hreyfiafl bæði náttúrulegra og manngerðra kerfa og varmafræðin er lykill þess að skilja hvað hægt er eða ekki hægt að gera með orku. Varmafræðin segir okkur hversu stórum hluta varmaorku sem kemur frá jarðihitaborholu má breyta í raforku, og hún segir okkur líka hversu hátt hitastig þarf til að súrefni vilji frekar bindast kolefni en kísli, svo unnt sé að framleiða kísilmálm. Rafefnafræðin fjallar um það hvernig nota má rafmætti til að hliðra varmafræðilegu efnajafnvægi og framleiða efni sem annars myndu ekki verða til. Þetta prinsipp er jafnframt lykilþáttur í lausnum til að geyma orku, hvort sem er í rafhlöðum eða með tilbúnu eldsneyti. Stór hluti loftslagsvandans er tilkominn vegna varmafræðilegra ferla, og lykillinn að lausn þess vanda liggur jafnframt í þessari fræðigrein og hliðargreinum hennar. Guðrún leggur áherslu á að nemendur, sem vilja leggja sitt af mörkum til að leysa loftslagsvandann sem og aðrar áskoranir mannkyns, fái góðan skilining á grunnþáttum varmafræðinnar og skyldra greina með því að beita þeim á hagnýt viðfangsefni.

Halldór er prófessor við verkfræðideild. Hann hefur einkum kennt námskeið í efnafræði, efnisfræði, aðferðafræði rannsókna og einnig samrásum (e. integrated circuits). Megin rannsóknasvið hans er örtækni með áherslu á örmæðar-byggingar úr kísli og tengdum efnum. Einnig hefur Halldór mikið unnið að ræktun og rannsóknum á örþörungum við Bláa Lónið. Þar hefur áherslan verið á tilraunir með að nota jarðvarmagas sem fóður fyrir þörungana og að vinna afleiddar afurðir úr þeim.

Rannsóknir Hauks Inga eru fjölþættar og lúta einkum að samþættingu þekkingar úr hug-, félags-, verk- og raunvísindum. Haukur Ingi vinnur ötullega að því að miðla þekkingu sinni bæði innanlands og erlendis og er höfundur fjölda bóka á þekkingarsviðum sínum.

Heiðar kennir meðal annars námskeið þar sem fjallað er um líkindafræði, slembiferli og afleiður. Í kennslu leggur Heiðar áherslu á samspil fræða og hagnýtinga, að nemendur geti nýtt sér fræðin til úrlausnar og ákvarðanatöku í hagnýtum verkefnum. Heiðar hefur starfað við tölfræðiráðgjöf, líkanagerð, hermun og áhættustýringu. 

Rannsóknir Heiðars eru á sviði fjármálastærðfræði og tölulegra aðferða í fjármálastærðfræði. Sem dæmi um hagnýtingar má nefna tölulegar nálganar á verði afleiðna og hermun fjármálamarkaða með slembiferlum og slembisviðum. Ýmsar rannsóknir Heiðars snúa að fjármálamörkuðum fyrir rafmagn og hrávörur, þar sem vöruverð getur breyst mikið á skömmum tíma og því þarf að taka tillit til þess við líkanasmíði. Heiðar lauk grunnnámi í stærðfræði frá HÍ (2007), MSc prófi frá Háskólanum í Gautaborg (GU), Svíþjóð (2010) og PhD prófi frá Háskólanum í Osló (UiO), Noregi (2013). 

Orcid profile
Google scholar profile

Helgi Þór er prófessor við verkfræðideild HR og forstöðumaður MPM-náms, meistaranáms í verkefnastjórnun. Helgi Þór kennir námskeið í fræðilegum grunni verkefnastjórnunar og áætlanagerð, en einnig kennir hann námskeið á sviði gæðastjórnunar og stjórnunar verkefnadrifinna skipulagsheilda. Rannsóknir Helga Þórs eru á margvíslegum sviðum verkefnastjórnunar sem alhliða stjórnunaraðferðar í rekstri fyrirtækja en einnig á sviði innleiðingar gæðakerfa, sem og á sviðum framleiðsluferla, efnisfræði og umhverfismála í stóriðju. 

Helgi Þór er meðhöfundur sjö bóka um verkefnastjórnun og gæðastjórnun og hann er einn af sex stjórnarmönnum í rannsóknarráði IPMA - Alþjóðasamtaka verkefnastjórnunarfélaga. Helgi Þór lauk CS og MSc prófi í véla- og iðnaðarverkfræði frá Háskóla Íslands og PhD-gráðu frá Norska Tækniháskólanum í Þrándheimi. Einnig hefur hann SCPM-gráðu í verkefnastjórnun frá Stanford University, BNA. 

Orcid profile
Google scholar profile

Hlynur er dósent við verkfræðideild HR. Hlynur kennir námskeið á sviði aðgerðarannsókna og ákvarðanatökufræða þar sem fjallað er um hagnýtingu á gögnum og reikniaðferðum til að taka ákvarðanir og leysa flókin vandamál með kerfisbundnum hætti. Hlynur hefur einnig kennt námskeið í framleiðslustjórnun, birgðastjórnun, gæðastjórnun og fleiri þáttum sem snúa að stýringu og rekstri aðfangakeðjunnar.

Kennir áfanga á sviði burðarþolsfræði, straumfræði og tengdra greina. Í kennslu leggur hann áherslu á samspil fræða og hagnýtingar með markvissum æfingum og krefjandi verkefnavinnu.

Rannsóknir Jónasar hafa verið á sviði burðarvirkja í víðu samhengi, jarðskjálftaverkfræði og vindverkfræði. Þær hafa tengst efni og eiginleikum burðareininga og burðarvirkja af ýmsu tagi. Einkum hafa þær þó snúist um mælingar, gagnaúrvinnslu og greiningu á jarðskjálftum og vindi ásamt svörun mannvirkja við slíkri áraun.

Kennir námskeið á sviði sameinda og frumulíffræði og vefjaverkfræði. Í kennslu leggur Ólafur áherslu á að kynna nemendum fyrir helstu hugtökum innan sameindalíffræðinnar, stofnfrumulíffræði og vefjaverkfræði. Þar fá nemendur tækifæri á að nýta þekkingu sína til ræktana og sérhæfinga stofnfruma og hönnun á smíði á tækjum sem nýtast á sviði vefjaverkfræði. Rannsóknir hans snúa að þróun aðferða til GMP-ræktunar á stofnfrumum til notkunar í mönnum, og þróun á 3D-beinumhverfi til að skilja betur hvernig bein myndast og eyðast. Ólafur stundar líka rannsóknir á metabóliskum breytingum sem eiga sér stað við fjöglun og sérhæfingu stofnfruma. Einnig stundar hann rannsóknir með kerfislíffræðilegum nálgunum á áhrifum á rauðfrumur og blóðflögur við geymslu utan líkama í Blóðbönkum. Auk þess að vera prófessor við HR er Ólafur forstöðumaður rannsókna og nýsköpunar í Blóðbankanum og stýrir stofnfrumuvinnslu Blóðbankans. Að loknu grunnnámi og meistaranámi á sviði heilbrigðisvísinda við Háskóla Íslands, lauk Ólafur doktorsprófi frá Háskólanum í Osló, Noregi (2006) á sviði stofnfrumulíffræði og ónæmisfræði.

Orcid profile
Google scholar profile

Paolo Gargiulo is Professor in Biomedical Engineering and works at center of Medical Technology Center - Reykjavik University /University Hospital Landspitali. He studied at TU Wien and finished his PhD in 2008. Paolo interests and expertise are mostly in: Medical Image processing, Neuroengineering, 3-D printing and Medical technologies. He developed at Landspitali a 3D-Printing service to support surgical planning with over 200 operation planned with a significant impact on the Icelandic health care system and and he currently cooperate with institutions in Italy and UK to establish similar infrastructures.

Paolo Gargiulo is the director of the Institute of Biomedical and Neural Engineering and the Icelandic center of Neurophysiology and manages the center of Medical Technology at the University Hospital Landspitali/ Reykjavik University.

He has published 65 papers in peer reviewed international journals, several chapters in academic books and presented his work in many international conferences and workshops.

Paolos Lab is currently involved in the following projects: 1. High-density EEG measurements and the assessment of schizophrenic patients undergoing Transcranial Magnetic Stimulation. 2. Establish measurements protocols to assess postural control disorders and seasickness using virtual reality systems 3. Optimization of prosthetic device for total Hip Replacement. The main International collaborations of Paolo Labs are: University of Naples, Italy; University of Bologna Italy; Washington University, Seattle USA; Aston University UK and University of Rennes, France.

Orcid profile
Google scholar profile

Páll hefur starfað við ráðgjöf og sem framkvæmdastjóri fyrirtækja í iðnaði, m.a. Vífilfells, Sólar, Varma og fleiri, frá 1981. Hann var forstjóri Iðntæknistofnunar Íslands (nú Nýsköpunarmiðstöð Íslands) 1986-1990 og Nýsköpunarsjóðs atvinnulífsins 1997-2000. Þá hefur Páll setið í fjölda stjórna fyrirtækja og sent frá sér nokkrar bækur á sviði rekstrar og stjórnunar.

Orcid profile
Google scholar profile

Síðastliðin ár hefur Sverrir unnið að rannsóknum á fjármálastöðuleika, eignastýringu og greiningu fjárfestingarmöguleika við óvissu. Hann hefur stundað ráðgjafastörf í mismunandi löndum, haldið fyrirlestra um áhættustýringu á ráðstefnum og fyrir starfsnmenn fjármálastofnana. Sverrir er meðhöfundur fjögurra binda verks um fjármálastærðfræði sem er gefið út af John Wiley. Áður en Sverrir hóf störf hjá Háskólanum í Reykjavík var hann m.a. lektor við Kings College London og síðast yfirmaður langtímarannsókna í rannsóknarstofum British Telecommunications á Englandi. Hann gegnir einnig stöðu gestaprófessors við Queen Mary University of London. Sverrir hlaut doktorsgráðu í fræðilegri öreindaeðlisfræði (1985) frá Háskólanum í Karlsruhe, Þýskalandi.

Orcid profile
Google scholar profile