Styrkir fyrir nemendur

Fyrir nemendur í grunnnámi

Nýnemastyrkir í grunnnámi

Háskólinn í Reykjavík veitir afburðanemendum nýnemastyrk á fyrstu önn þeirra við skólann. Styrkurinn nemur skólagjöldum á fyrstu önn námsins. Styrkurinn er veittur nemendum sem hefja grunnnám á haustönn og vorönn.

Forsetalisti HR

Þeir nemendur sem bestum árangri ná á hverju próftímabili eiga kost á að komast á forsetalista og fá skólagjöld næstu annar niðurfelld.

Frumkvöðlasjóður Guðfinnu S. Bjarnadóttur

 Frumkvöðlasjóðnum er ætlað að verðlauna þá nemendur Háskólans í Reykjavík sem leggja fram bestu viðskiptaáætlun í verkefnum innan skólans á ári hverju.

Hvatningarverðlaun Codex
Bókaútgáfan Codex veitir árlega þeim nemanda við lagadeild HR sem hlýtur hæstu meðaleinkunn í öllum námskeiðum á fyrsta námsári, sérstök hvatningarverðlaun.

Styrkir fyrir nemendur í tækni- og verkfræðideild og tölvunarfræðideild
Nemendur  í tækni- og verkfræðideild og tölvunarfræðideild geta sótt um styrk í námssjóð Sameinaðra verktaka við Háskólann í Reykjavík.

Nýsköpunarsjóður námsmanna
Nýsköpunarsjóður námsmanna útvegar áhugasömum nemendum sumarvinnu við metnaðarfull og krefjandi rannsóknarverkefni. Styrkjum er úthlutað til kennara á háskólastigi, fyrirtækja, rannsóknastofnana eða einstaklinga sem teljast hafa sérþekkingu á ákveðnu sviði, til þess að ráða stúdenta til sumarstarfa.

Fyrir nemendur í meistaranámi

Forsetastyrkir
Allar deildir skólans veita forsetastyrki til framúrskarandi nemenda í meistaranámi. Handhöfum gefst kostur á að greiða grunnnámsskólagjöld í allt að 4 annir. Umsókn um meistaranám jafngildir styrkumsókn.

Forsetastyrkur fyrir meistaranema í lagadeild
LOGOS lögmannsþjónusta veitir peningaverðlaun að fjárhæð kr. 100.000.- í viðurkenningarskyni fyrir hæstu einkunn á samanlögðum námsárangi á BA og ML prófi við útskriftir í júní og janúar.

Forsetastyrkur (Dean's selection grant) sem felur í sér niðurfellingu hluta skólagjalda þannig að nemandi greiðir einungis skólagjöld grunnnáms meðan á meistaranámi stendur.

Styrkir fyrir meistaranema í viðskiptadeild
Til viðbótar við Forsetastyrk veitir IFS, samstarfsaðili viðskiptadeildar, einum nemanda á ári styrk fyrir skólagjöldum á námstíma styrkþega.Styrkurinn er veittur nemanda sem stundar fullt nám til MSc-gráðu í fjárfestingarstjórnun eða fjármálum fyrirtækja.

Gamma verðlaunar bestu lokaritgerðina
Gamma veitir árlega verðlaun fyrir bestu lokaritgerðina í meistaranámi á sviði fjármála og efnahagsmála. Verðlaun eru veitt 12. desember á fæðingardegi Skúla Magnússonar fógeta, stofnanda fyrsta íslenska hlutafélgasins. Um er að ræða peningaverðlaun.

Frumgreinar

Þeir nemendur í frumgreinanámi sem bestum árangri ná á hverju próftímabili eiga þess kost að fá námsstyrk og fá skólagjöld næstu annar felld niður. Nánar um námsstyrkinn.

Niðurfelld skólagjöld sem hluti af verðlaunum

Forritun.is
Forritun.is - forritunarkeppni framhaldsskólanna er fyrir framhaldsskólanemendur sem hafa áhuga á forritun. Keppnin er ekki eingöngu ætluð þeim sem hafa mikla forritunarkunnáttu fyrir heldur fyrir alla þá sem hafa áhuga á forritun þrátt fyrir að hafa ekki lært það í framhaldsskóla. Verðlaunin fyrir 1. sætið eru niðurfelld skólagjöld í eina önn.

Raungreinaverðlaun HR
Raungreinaverðlaun HR eru veitt fyrir framúrskarandi námsárangur í raungreinum.
Verðlaunin, sem veitt eru þeim nemanda sem hlýtur hæstu meðaleinkunn í raungreinum af náttúrfræðibraut í hverjum framhaldsskóla, eru vegleg bókargjöf. Auk þess fá verðlaunahafar sem kjósa að hefja nám við Háskólann í Reykjavík nýnemastyrk og niðurfelld skólagjöld fyrstu önnina í námi.

HR áskorunin
HR áskorunin er hönnunarkeppni sem er opin öllum þeim sem hvorki hafa lokið háskólanámi né eru skráðir í háskólanám. Keppendur þurfa að leysa ákveðna þraut sem reynir á tæknilegt innsæi og úrræðasemi. Keppt er árlega á vorönn og glímt er við nýja þraut hverju sinni. Verðlaunin fyrir 1. sætið eru niðurfelld skólagjöld í eina önn.

Styrkir út atvinnulífinu*

Nýsköpunarsjóður námsmanna
Nýsköpunarsjóður námsmanna útvegar áhugasömum nemendum sumarvinnu við metnaðarfull og krefjandi rannsóknarverkefni. Styrkjum er úthlutað til kennara á háskólastigi, fyrirtækja, rannsóknastofnana eða einstaklinga sem teljast hafa sérþekkingu á ákveðnu sviði, til þess að ráða stúdenta til sumarstarfa.

Nýsköpunarmiðstöð Íslands
Hlutverk Nýsköpunarmiðstöðvar Íslands er að hvetja til nýsköpunar og efla framgang nýrra hugmynda í íslensku atvinnulífi. Nýsköpun er forsenda fyrir fjölbreytni íslensks atvinnulífs og undirstaða sterkrar samkeppnisstöðu þess. Nýsköpunarmiðstöð Íslands veitir ýmiss konar styrki og stuðningsmöguleika til nýsköpunar. www.nmi.is

Innovit
Innovit starfar sem nýsköpunar- og frumkvöðlasetur fyrir kraftmikið og metnaðarfullt fólk með góðar viðskiptahugmyndir þar sem lögð er megináhersla á viðskiptatækifæri sem spretta úr starfi íslenskra háskóla. www.innovit.is 

Náttúruverndarsjóður Pálma Jónssonar
Markmið sjóðsins er að auka almenna þekkingu á íslenskri náttúru svo að umgengni okkar og nýting á verðmætum hennar geti í ríkari mæli einkennst af virðingu og skynsemi. Samhliða er leitast við að bæta tengsl Íslendinga við náttúru landsins og efla með því gott hugarfar, mannlíf og atvinnustarfsemi í sátt við umhverfið. Styrkir til verkefna sem fást við sköpun og miðlun þekkingar um náttúruna í víðum skilningi. Farvegurinn getur verið í gegnum listir, hvers kyns fræði og vísindi. www.natturuverndarsjodur.is

Námsstyrkjasjóður Félags löggiltra endurskoðenda
Markmið sjóðsins er að styrkja bóklega menntun endurskoðenda á Íslandi með því að veita styrki til einstaklinga sem stunda framhaldsnám í endurskoðun og reikningsskilum eða með því að styrkja stofnanir sem standa fyrir slíku námi. www.fle.is

Námsstyrkir banka og sparisjóða
Einhverjir bankar og sparisjóðir veita styrki til námsmanna sem eru í viðskiptum við þá. Sjá nánar á heimasíðum bankanna.

* Vinsamlegast athugið þetta er ekki tæmandi listi yfir styrki sem í boði eru. Vinsamlegast hafið samband við skrifstofu rektors til að koma á framfæri upplýsingum um aðra styrki.

Aðrir styrkir til nemenda

Styrkur til náms til nemenda frá Færeyjum
Háskólinn í Reykjavík veitir einum nemenda frá Færeyjum styrk til náms í formi niðurfellingar skólagjalda. Styrkurinn gildir út allan námstíma nemandans. Einn nemandi er styrktur til náms hverju sinni. Nánari upplýsingar veitir skrifstofa rektors.

Erasmus
Erasmus, háskólaáætlun Evrópusambandsins. Veigamesti þáttur í Erasmus áætluninni er að stuðla að hreyfanleika fólks úr háskólasamfélaginu um Evrópu. Í boði eru margvíslegir styrkir til stúdenta, kennara og starfsfólks og stærri samstarfsverkefni háskóla. www.erasmus.is/

Fulbright á Íslandi
Starfsemi stofnunarinnnar felst í því að efla samskipti Íslands og Bandaríkjanna á sviði mennta og rannsókna. Fulbright stofnunin veitir árlega námsstyrki fyrir námsmenn sem ætla sér að hefja master- eða doktorsnám í Bandaríkjunum en einnig eru aðrir styrkir í boði. Nánari upplýsingar á www.fulbright.is  

Viðskiptaráð
Viðskiptaráð Íslands hefur um árabil veitt styrki til framhaldsnáms við erlenda háskóla. Undanfarin ár hafa verið veittir styrkir árlega og hefur afhending þeirra farið fram á aðalfundi ráðsins eða Viðskiptaþingi. Styrkirnir eru veittir til framhaldsnáms við erlenda háskóla í greinum sem tengjast atvinnulífinu og stuðla að framþróun þess. www.vi.is 

Alþjóðaskrifstofa háskólastigsins
Upplýsingastofa um nám erlendis er öllum opin. Hægt er að koma og fá aðstoð við leit að námi og við aðra upplýsingaöflun sem við kemur námi erlendis. Alþjóðaskrifstofa háskólastigsins hefur tekið saman handbók um ýmsa íslenska og erlenda styrktarsjóði til náms og rannsókna erlendis og hér á landi. www.ask.hi.is

Mennta- og menningarmálaráðuneytið
Upplýsingar um styrki til háskólanám erlendis. www.menntamalaraduneyti.is