Nemendaráðgjöf

Nemendur Háskólans í Reykjavík sem hafa hug á því að sækja um skiptináms- eða starfsþjálfunardvöl erlendis á vegum Erasmus+ geta sótt um viðbótarstyrk.

Í hvaða tilfellum á ég rétt á viðbótarstyrk?

1. Inngildingarstyrkur sem föst upphæð 

Top-up to individual support for students and recent graduates with fewer opportunities 

Þeir nemendur sem uppfylla viðmiðin sem hafa verið sett af Landskrifstofu geta sótt um inngildingarstyrk sem fasta upphæð til viðbótar við dvalarstyrk. Í skiptinámi/starfsþjálfun er föst upphæð inngildingarstyrks 250 evrur á mánuði. Í styttri stúdentaskiptum er föst upphæð 100 evrur fyrir 5 – 14 daga og 150 evrur fyrir 15 – 30 daga. Tafla með styrkupphæðum á heimasíðu 

Nemandi þarf að tilheyra að lágmarki einum þessara hópa: 

• Nemendur sem eru innflytjendur eða börn innflytjenda 
• Nemendur með stöðu flóttafólks 
• Nemendur sem glíma eða hafa glímt við alvarleg veikindi, langvarandi veikindi eða andlegar áskoranir 
• Nemendur með líkamlega fötlun, þroskafrávik, sjón-/heyrnarskerðingu eða námshamlanir 
• Nemendur með börn 

Styrkurinn margfaldast ekki þó að nemandi uppfylli fleiri en eitt viðmið. Ef stúdent uppfyllir ekki viðmiðin til þess að hljóta inngildingarstyrk sem fasta upphæð en getur sýnt fram á raunverulega þörf á auknu fjármagni vegna færri tækifæra er háskólum heimilt að veita inngildingarstyrk fyrir aukalegan kostnað vegna þátttöku í Erasmus+, sjá neðar.  

Undirrituð yfirlýsing 

Til þess að staðfesta að nemandi tilheyri einum eða fleirum af ofangreindum hópum nemenda, þarf viðkomandi að undirrita yfirlýsingu þess efnis. Háskólanum er heimilt að óska eftir viðbótargögnum til staðfestingar, þó ekki kvittunum. 

2. Inngildingarstyrkur (raunkostnaður) fyrir aukalegan kostnað  

Inclusion support for participants 
 
Inngildingarstyrkir byggðir á raunkostnaði eru fyrst og fremst hugsaðir fyrir þá sem með þátttöku myndu mæta aukalegum kostnaði umfram aðra vegna fötlunar eða veikinda, hvort sem þau eru líkamleg eða andleg. 

Til þess að sækja um þennan styrk þarf að óska eftir honum með tölvupósti til alþjóðaskrifstofu heimaskóla, eftir að búið er að senda inn umsókn um skiptinám/starfsþjálfun. Næst fylla heimaskóli/alþjóðaskrifstofa og umsækjandi út eyðublað um viðbótarstyrk í sameiningu og senda undirritað til Landskrifstofu.

Ef stúdent uppfyllir viðmiðin fyrir inngildingarstyrk sem fasta upphæð og getur þar að auki sýnt fram á raunverulega þörf á auknu fjármagni er hægt að veita viðkomandi bæði inngildingarstyrk sem fasta upphæð og inngildingarstyrk byggðan á raunkostnaði. Í þeim tilvikum er mikilvægt að borga ekki tvisvar fyrir það sama, heldur líta á föstu upphæðina sem aukafjármögnun fyrir grunn ferða- og uppihaldskostnað og raunkostnaðinn til að fjármagna það sem þarf að borga aukalega (svo sem auka sæti eða farmiða fyrir fylgdarmanneskju). 

Nemendur sem eru valdir í afrekshóp geta stillt námshraða sinn eftir álagi í íþróttum. Þeir geta þannig valið fjölda eininga sem þeir ljúka á ári með meiri sveigjanleika en aðrir nemendur. Meðlimir í afreksíþróttahópi geta sótt um að fá aðlögun á námsáætlun sem byggir á æfinga- og keppnisáætlun (sjá betur hér fyrir neðan í kafla um skilyrði).

Taka skal fram að nemendur í afrekshópi þurfa að standast sömu námskröfur og aðrir nemendur skólans.

Mælingar og ráðgjöf

Einstaklingum í afrekshópi bjóðast grunnmælingar á vegum íþróttafræðideildar og geta verið í sambandi við íþróttafræðideild um frekari aðstoð.

Skilyrði - Íþróttamaðurinn þarf:

• Að æfa og keppa reglulega á efsta stigi í sinni íþróttagrein.
• Að geta lagt fram æfinga- og keppnisáætlun, viku eftir að önn hefst, sem nær yfir alla önnina. Áætlunin skal vera staðfest af þjálfara eða sérsambandi. Að slíkri áætlun sé skilað á réttum tíma er forsenda fyrir því að vera gjaldgeng/ur í afrekshóp.
• Að fara í einu og öllu eftir lyfjareglum ÍSÍ. Ef meðlimur í afrekshóp gerist brotlegur við þær reglur missir hann öll réttindi sem því fylgja umsvifalaust..
• Að vera tilbúinn að taka þátt í kynningarstarfi á vegum HR.
• Að fylgja reglum um nám og námsmat í HR í einu og öllu.

Gjaldgengar greinar

Íþróttafólk sem stundar íþróttir innan vébanda ÍSÍ sem og íþróttir utan ÍSÍ eins og til dæmis MMA, Crossfit og aflraunir er gjaldgengt í afrekshóp HR.

Umsóknir

Skila þarf inn umsóknum viku eftir að önn hefst. Það sem þarf að koma fram í umsókn er að minnsta kosti eftirfarandi:

Lýsing á helstu afrekum síðastliðna 12 mánuði. Þar þarf krækjur (linka) á hvar hægt er að sannreyna gefnar upplýsingar (heimslistar, innlendar afrekssíður, úrslitasíður, blaðagreinar, mótadagskrá og svo framvegis).

• Æfinga- og keppnisáætlun næstu fjóra mánuði
• Markmið með æfingum á næstu misserum
• Staðfestur námsárangur, annar en innan HR

Valferlið
Þriggja manna valnefnd fer yfir allar umsóknir og ákvarðar hvort umsækjandi uppfylli viðmið fyrir afrekshóp. Allir þeir sem uppfylla viðmið afrekshópsins komast í hann. Við val inn í hópinn hefur nefndin eftirfarandi viðmiðið í huga.

• Staða á heimslistum
• Fjöldi alþjóðlegra verkefna
• Landsliðssæti
• Staða á afrekslistum innanlands
• Námsárangur
• Fyrirmynd/ímynd
• Gæði umsóknar

Nánari upplýsingar

Nemandi ber ábyrgð á að sækja um þann sveigjanleika sem við á hverju sinni og samskipti við sína deild. Ekki er tekið við erindum/beiðnum frá öðrum aðilum en nemandanum sjálfum.

Nemendur eru sjálfir ábyrgir fyrir því að láta vita með góðum (að minnsta kosti þriggja vikna) fyrirvara ef mikilvæg keppni eða æfingar lenda á próftíma, eða inn í námskeiði til að hægt sé að koma til móts við þá.

Möguleiki á að taka lokapróf á keppnisstað ef því er viðkomið. Í slíkum tilfellum ber nemandi ábyrgð á búnaði sem fellst í því að ef eitthvað fer úrskeiðis þá getur skólinn ekki borið ábyrgð á því. Nemandi ber ábyrgð á að fylgja fyrirmælum um próftöku og að búið sé að samþykkja ábyrgðaraðila.

Aðlögun á skilafresti stórra verkefna.

Gera einstaklings verkefni í stað hópverkefna.

Upplýsingar og umsóknir
Umsóknir berast á afrekshopur@ru.is. Vinsamlegast sendið fyrirspurnir til verkefnastjóra náms.

Umsóknir þurfa að berast í fyrstu viku annar eða áður en frestur til að breyta skráningu í námskeið annar rennur út.

Skipulag náms er mismunandi eftir deildum og því getur verið munur á því hvernig leyst er úr einstaka málum.

Deildir áskilja sér rétt til að hafna beiðnum ef fyrirmælum hefur ekki verið fylgt.

Nemandi verður að framvísa greiningu frá sérfræðingi þar sem til að mynda er notast við einhverja af eftirfarandi aðferðum:

• GRP 14 greiningarpróf (GRP 14H hópgreining dugar ekki ein og sér)
• Aston Index lestrargreining
• Logos dyslexiugreining
• ICD 10 greiningarviðmið (notuð af sálfræðingum)

Greiningar þurfa að vera frá viðurkenndum fagaðila á sama sviði og sú hömlun sem nemandinn glímir við. Greiningar þurfa að vera á einstaklingsgrundvelli og er ekki tekið við hópgreiningum. Greiningar mega ekki vera eldri en frá því að einstaklingur var á efsta stigi í grunnskóla.

Tekið skal fram að Davis-greining nægir ekki til að fá úrræði þar sem hún er ekki greining á sértækum námsörðugleikum.

Nemendur með lesblindu og allir þeir sem ekki geta nýtt sér prentað mál, hafa aðgang að talgervli hjá Hljóðbókasafninu. Talgervillinn er nemendum að kostnaðarlausu.

Viðkomandi þarf að vera skráður hjá Hljóðbókasafni Íslands (áður Blindrabókasafn) sem sendir staðfestingu varðandi greiningu til Blindrafélagsins. Nemandinn fær þá sendan hlekk fyrir niðurhal á talgervli og lykil fyrir raddir. Fyrirspurnir varðandi talgervilinn sendist á afgreidsla@blind.is 

Hægt er að nálgast námsefni á tölvutæku formi með eftirfarandi hætti:

• Hljóðbókasafn Íslands er í samstarfi við erlend rafræn bókasöfn. Þegar leitað er eftir námsefni hjá Hljóðbókasafninu í fyrsta skipti þarf nemandi að sækja um aðgang. Tengiliður er Hafþór Ragnarsson, hafthor@hbs.is og veitir hann allar upplýsingar og ráðgjöf. 
• Bóksala stúdenta er með rafbækur til sölu og leigu. Hér má nálgast leiðbeiningar um bækurnar hjá þeim.
• Heimkaup hefur einnig verið með rafrænar bækur til sölu og Amazon.
• Einnig bendum við á Atlas Primer. Atlas Primer er talþjónn sem er ætlað að gera námsumhverfið sveigjanlegra. Nánari upplýsingar er að finna hjá Atlas Primer.

Miðanna-/hlutapróf

Í miðanna/hlutaprófum er það á ábyrgð nemanda að láta kennara vita um sértæka námserfiðleika. Í framhaldi af því setur kennari sig í samband við prófstjóra eða náms- og starfsráðgjafa sem sendir staðfestingu á viðkomandi kennara. Úrræði í prófum eiga þó fyrst og fremst við lokapróf.

Ekki er unnt að tryggja lengri próftíma í miðanna/hlutaprófum þar sem þau eru oft tekin í kennslustund.

Lokapróf

Náms- og starfsráðgjafi upplýsir nemendur um fyrirkomulag á prófatímabili, staðsetningu sérstofu og annað er viðkemur sérúrræðum í lokaprófum. Ef eitthvað er óljóst vinsamlegast sendið tölvupóst á namsradgjof@ru.is.

Bendill er samheiti fyrir fjórar ólíkar kannanir sem meta starfsáhuga fólks á ólíkum aldri. Niðurstöður birtast myndrænt. Bendill ýtir undir sjálfsskilning og öflun upplýsinga um nám og störf. Náms- og starfsráðgjafar HR hafa réttindi til að leggja fyrir og túlka könnunina.

• Bendill - III Tekur mið af þörfum fullorðinna sem hafa fyrst og fremst hug á háskólanámi.
• Bendill IV Tekur mið af þörfum fullorðinna sem eru á vinnumarkaði

Nánari upplýsingar
Könnunin er lögð fyrir hjá náms- og starfsráðgjöfum og tekur ferlið um klukkustund. Bendill er rafræn áhugakönnun og niðurstöður liggja strax fyrir. Könnunin kostar 6000 krónur sem greiðist á þjónustuborðinu áður en viðtal hefst. Vinsamlegast komDU með eigin tölvu til að taka könnunina á en látið vita ef slíkt er ekki valkostur svo hægt sé að gera aðrar ráðstafanir. Ef þú hefur áhuga á að taka Bendil, vinsamlegast settu þig í samband við náms- og starfsráðgjöf HR, namsradgjof@ru.is eða bókaðu í gegnum bókunarkerfið okkar.

Það getur reynst hjálplegt að taka styrkleikakönnun á borð við VIA til að átta sig á hvar styrkleikar manns liggja. Könnunin mælir 24 skapgerðarstyrkleika fólks. Hún er vísindalegt mælitæki og hafa yfir 35 milljónir manna tekið könnunina í dag í yfir 190 löndum. Hún byggist á sex flokkum; visku, hugrekki, manngæsku, réttlæti, yfirvegun og vitundarstigi.

Könnunin byggist á því að taka afstöðu til 120 setninga en könnunin er á ensku og niðurstöður sína 24 sameiginlega skapgerðarstyrkleika fólks sem hægt er að flokka niður eftir því hvort þetta eru toppstyrkleikar, meðal eða minna notaðir styrkleikar.

Hér getur þú tekið könnunina þér að kostnaðarlausu.