Hjá Háskólanum í Reykjavík starfar öflugt vísindafólk á heimsmælikvarða. Eggjaskurn sem verður að beini. Ryð sem sést ekki utan á skipinu. Parkinson sem greinist í heilaöldum. Þetta eru dæmi um það sem rannsakað hefur verið í skólanum. Lestu sögurnar á bak við rannsóknirnar.
HR hlaðvarpið er mikilvægur hluti af vísindamiðlun Háskólans í Reykjavík til samfélagsins; allt frá nemendum og starfsfólki til kollega og almennings. Í hlaðvarpinu fjalla vísindafólk, kennarar og aðrir sérfræðingar háskólans um metnaðarfullar rannsóknir sínar og verkefni. HR-hlaðvarpinu er ætlað að næra starfsemi háskólans og miðla í leiðinni fjölbreyttri þekkingu út fyrir veggi hans. Samhliða er skyggnst inn í veröld nemenda og fróðleik miðlað um margvíslega starfsemi í skólanum. HR-hlaðvarpið er í umsjón samskiptasviðs HR (samskipti@hr.is).
Rannsóknir í HR
Lögð er áhersla á að stunda alþjóðlega viðurkenndar rannsóknir sem efla kennsluna og orðstír skólans á alþjóðavettvangi, ásamt því að veita nýrri þekkingu inn í íslenskt atvinnulíf og samfélag.
HR hefur mótað sér skýra og framsækna rannsóknastefnu og markviss skref hafa verið stigin til að efla rannsóknir á öllum fræðasviðum háskólans. Þá hefur háskólinn hlotið viðurkenningu framkvæmdastjórnar Evrópusambandsins sem vinnustaður sem fylgir viðmiðum ESB um gott starfsumhverfi fyrir rannsóknafólk.
Upplýsingar um rannsóknir við HR:
Bókasafn HR
Á bókasafninu býðst framúrskarandi þjónusta og aðstaða fyrir nemendur HR. Þar starfa fjölmargir bókasafns- og upplýsingafræðingar sem eru tilbúnir að veita þér ráðgjöf.
AFGREIÐSLUTÍMAR - VETUR
- Mán - Fös 8:00 - 16:00 Aðgangur með korti 24/7
- Lau - Sun Lokað - Aðgangur með korti 24/7
Áhugaverðir hlekkir
Háskólinn í Reykjavík er miðstöð kennslu og rannsókna
Háskólinn býður framúrskarandi nám, stuðning og starfsaðstöðu. Hann styrkir nemendur í að byggja brýr á milli fræðigreina, tengir þau við atvinnulíf og býður upp á námsleiðir sem hægt er að sníða að eigin hæfni og áhugasviðum. Í rannsóknarstarfi leggur háskólinn áherslu á samvinnu, skapandi hugsun og heilindi.
Háskólinn er driffjöður nýsköpunar í gegnum hagnýtingu rannsókna og þjálfun fyrir alla nemendur. Sjálfbærni er undirliggjandi þáttur í námi, rannsóknum og rekstri háskólans.
