Frumkvöðlastarf
Viltu vera frumkvöðull?
Háskólinn í Reykjavík er virkur þátttakandi í nýsköpunarumhverfinu á Íslandi. Skólinn veitir starfsfólki og nemendum ýmsan stuðning þegar kemur að nýsköpun og frumkvöðlastarfi, bæði beint og í gegnum aðild að Auðnu tæknitorgi, KLAK og ýmsum nýsköpunarkeppnum.
HR leitast við að veita nemendum góðan skilning á nýsköpun og hvetur þá til að verða frumkvöðlar og skapa störf í framtíðinni. Í BSc-námi ljúka nemendur í tilteknum deildum námskeiðinu Nýsköpun og stofnun fyrirtækja. Einnig eru nemendur hvattir til að vinna að verkefnum í samstarfi við fyrirtæki.
Taktu þátt í umhverfi þar sem hugmyndir fá að vaxa og verða að veruleika. Kynntu þér málið!
Starfsfólk
Stuðningur við starfsfólk fer eftir því hvort um sé að ræða hugverk sem unnt er að hagnýta með nytjaleyfi (nytjaleyfaferli) eða stofnun sprotafyrirtækis (sprotaferli). Þetta getur jafnframt farið saman.
Nemendur
Háskólinn í Reykjavík gerir ekki kröfu til hugverka sem nemendur þróa sjálfstætt í námi sínu. Skólinn hvetur nemendur til að feta nýsköpunarveginn og hafa jákvæð samfélagsleg áhrif! Hér að neðan er listi yfir þann stuðning sem nemendur geta fengið við þróun viðskiptahugmynda og stofnun fyrirtækja:
- Nýsköpunarnámskeið í skólanum, t.d. nýsköpun og stofnun fyrirtækja.
- Aðstaða: SERES nýsköpunar- og frumkvöðlasetur HR. Nemendandi getur sótt um aðstöðu.
- Ráðgjöf frá KLAK: HR er einn af eigendum KLAK. KLAK rekur árlega 3-4 nýsköpunarhraðla og veitir nemendum HR ráðgjöf við að feta nýsköpunarveginn.
- Ráðgjöf frá sérfræðingum háskólaskrifstofu, m.a. um hugverkarétt og lögfræði.
- Ráðgjöf frá Sprota- nýsköpunar- og frumkvöðlanefnd SFHR
- Nýsköpunarkeppnir: HR er bakhjarl Gulleggsins og Snjallræði.