Framkvæmdaráð

Framkvæmdaráð

Hlutverk framkvæmdaráðs er að gæta hagsmuna háskólans í heild og vera vettvangur samráðs og ákvarðana um lykilþætti í starfseminni, þ.m.t. reglur, stefnur, fjármál og gæði.

Dagskrárliðir eru fyrst kynntir á fundi framkvæmdaráðs til umræðu og síðan teknir til samþykktar á öðrum fundi. Einnig eru tekin til kynningar málefni sem gott er talið að kynna fyrir framkvæmdaráði og eru þess eðlis. Hér má finna starfsreglur framkvæmdaráðs.

Fundargerðir framkvæmdaráðs eru birtar á Orion.

Framkvæmdaráð HR er skipað rektor sem er formaður ráðsins, forsetum sviða, forsetum deilda, framkvæmdastjórum, formönnum námsráðs og rannsóknaráðs og öðrum lykilstarfsmönnum samkvæmt ákvörðun rektors. Fulltrúi nemenda situr fundi framkvæmdaráðs og hefur hann bæði tillögurétt og málfrelsi. Heimilt er að fulltrúi nemenda víki af fundi óski framkvæmdaráð þess.