Torgið
Hugmyndasamkeppni Reita og HR
Hvað er Torgið?
Torgið er samstarfsverkefni Háskólans í Reykjavík og Reita fasteignafélags. Samstarfið felur í sér árlega hugmyndasamkeppni fyrir nemendur HR. Þátttakendur fá tækifæri til að vinna að raunverulegum verkefnum úr starfsemi Reita og spreyta sig á spennandi áskorunum á sviði fasteigna og þróunar sem skipta íslenskt samfélag og atvinnulíf máli.
Skilyrði til þátttöku:
Torgið er opið öllum nemendum HR, þvert á deildir skólans.
3-5 nemendur skulu vera saman í liði (hægt er að skrá sig sem einstakling og þá eiga möguleikann á því að vera paraður með öðrum).
Nemendur þurfa að vera í fullu námi í HR (Grunnnámi eða Meistaranámi).
Hámark 10 lið geta tekið þátt.
Af hverju að taka þátt ?
Sigurvegarar Torgsins vinna ferð til Kaupmannahafnar í vettvangsferð
- Leystu verkefni fyrir alvöru fyrirtæki
- Þróaðu og settu fram hugmynd á þremur dögum
- Kynntu hugmynd fyrir dómnefnd
- Fáðu útrás fyrir sköpunargleðina
- Settu þetta „extra“ á ferilskrána þína
- Fara í fjögurra daga ferð til Kaupmannahafnar – þar sem þú færð að kynnast borginni á einstakan hátt, efla tengslanet við fagaðila úr bransanum og kynna hugmyndina þína.
Torgið er vettvangur þess að:
- Takast á við raunverulegar áskoranir í fasteignageiranum og fasteignaþróun
- Þróa og setja fram hugmynd á fjórum dögum
- Kynna hugmynd fyrir dómnefnd
- Njóta aðgangs að sérfræðingum úr atvinnulífinu
- Fá útrás fyrir sköpunargleðina
- Efla tengsl við háskólasamfélagið og atvinnulífsins með áherslu á nýsköpun og hagnýta reynslu
Opið er fyrir skráningar til og með 30. september 2026
"Fasteignafélög á Íslandi og víðar standa á tímamótum. Við hjá Reitum hlökkum til að fá einstakt sjónarhorn og innsýn nemenda HR við að takast á við áskoranir og móta skapandi lausnir sem styrkja samfélagið okkar. Framþróun og nýsköpun er nauðsynleg til þess að tryggja sjálfbæran rekstur, vöxt og verðmætasköpun. Við hjá Reitum erum gífurlega spennt að fá öfluga nemendur HR að borðinu við að velta við hverjum steini og leggja fram hugmyndir að fasteignafélagi og þróun framtíðar."
Guðni Aðalsteinsson, forstjóri Reita
Karitas Líf og Emilía sem skipa vinningsliðið í ár eru báðar nemendur í heilbrigðisverkfræði í HR á fyrsta ári. Þær unnu ferð til Kaupmannahafnar
„Það var algjör skyndiákvörðun hjá okkur að taka þátt í Torginu í ár. Við dýrkum að leysa flóknar áskoranir, þannig við létum bara vaða og það gekk svona ljómandi vel. Okkur fannst þetta fáránlega gaman, bæði að nýta okkar styrkleika á sviði sem er svona víðtækt, en einnig að fá reynsluna út úr þessu öllu. Þetta er gríðarlega stórt tækifæri og við erum mjög þakklátar,“ segir Karitas Líf.
Ertu með spurningu?
Opið er fyrir skráningar til og með 30. september
Dagskrá
- Miðvikudagurinn 7. október
- kl 9:00 - 10:30 Setningarathöfn - (staðsetning auglýst síðar)
- Fimmtudagur 8. október
- Engin formleg dagskrá
- Föstudagur 9. október
- Engin formleg dagskrá
- Laugardagurinn 10. október - Úrslit
- kl 10.00 Skilafrestur á lausnum á atvinnulif@ru.is
- Kl 12:00 Kynningar fyrir dómnefnd (stofa auglýst síðar) - Hver kynning má ekki vera lengri en 10 mínútur. Liðin fá ekki að fylgjast með öðrum kynningum, heldur bíða frammi þar til röðin kemur að þeim.
Nemendur mæta í stofu (auglýst síðar) og verða sótt þangað. - Kl 17:00 Kokteill í Sólinni
- Kl 17:30 Verðlaunaafhending - Sólin
Ertu með spurningu?
Lokað hefur verið fyrir skráningu.