Löggild starfsheiti

Nám við HR undirbýr nemendur í mörgum tilfellum undir að hljóta löggilt starfsheiti. Háskólinn veitir ekki löggildingu á starfsheiti heldur þarf að námi loknu að sækja um löggildingu hjá ráðuneyti eða fagfélagi. Í sumum tilfellum þarf að ljúka starfsþjálfun líka. 

Verkfræðingur

Fimm ára nám í verkfræði (BSc + MSc) veitir löggilda starfsheitið verkfræðingur. 

Til að öðlast starfsréttindi og leyfi til að nota lögverndaða starfsheitið verkfræðingur þarf að ljúka MSc-gráðunni, í samræmi við kröfur atvinnuvega- og nýsköpunarráðuneytisins.

Iðnfræðingur

Iðnfræði veitir löggilda starfsheitið „iðnfræðingur“. Til að útskrifast sem iðnfræðingur þarf nemandi að hafa lokið sveinsprófi í iðngrein á viðkomandi sviði og veitir námið þá rétt til meistarabréfs. ​​Sýslumenn sjá um að gefa út iðnmeistarabréf.

Byggingafræðingur

Nám í byggingafræði veitir löggilda starfsheitið „byggingafræðingur“.

Sálfræðingur

Tveggja ára sérnám á meistarastigi (MSc) til viðbótar við grunnnám (BSc). Þarf einnig: að ljúka 12 mánaða verklegri þjálfun undir leiðsögn sálfræðings. Embætti landlæknis sér um að veita lögverndaða starfsheitið sálfræðingur.

Tæknifræðingur

Þau sem ljúka lokaprófi í tæknifræði (BSc) hljóta staðfestingu atvinnuvega- og nýsköpunarráðuneytisins og full réttindi til að starfa sem tæknifræðingar og nota lögverndaða starfsheitið tæknifræðingur sbr. Certified Engineer.

Tölvunarfræðingur

BSc í tölvunarfræði – færð löggilt starfsheiti tölvunarfræðingur

BSc í tölvunarfræði með viðskiptafræði sem aukagrein – færð löggilt starfsheiti tölvunarfræðingur

Kennari - sérleyfi

Endurskoðandi

Nemendur útskrifast með MAcc-gráðu í reikningshaldi og endurskoðun sem veitir réttindi til að þreyta löggildingarpróf. Að auki þarf að ljúka starfsþjálfun í endurskoðun á endurskoðunarstofu.