Þann 19. mars nk. verður haldin ráðstefna í Norðurljósasal Hörpu þar sem íslenskir og erlendir sérfræðingar fjalla um samspil laga og gervigreindar frá ýmsum sjónarhornum. Áherslan verður á lögfræðileg álitaefni sem hafa komið upp, sem og komandi löggjöf og þróun á þessu sviði. Ráðstefnan er á vegum lagadeildar Háskólans í Reykjavík, menningar- nýsköpunar- og háskólaráðuneytisins og ráðgjafafyrirtækisins Bentt.

Ráðstefnan er einstakt tækifæri fyrir lögfræðinga sem vinna með eða hafa áhuga á tæknilegum og lagalegum áskorunum gervigreindar. Þar gefst einnig góður tími til samtals og tengslamyndunar, bæði á viðburðinum sjálfum og við lok hans.

• Gervigreind í lögfræðilegri vinnu: Mörk og áhrif?
• Evrópuréttur á tímum gervigreindar: Digital Services Act og the AI Act
• Áhrif gervigreindar á mannréttindi: Persónuvernd, tjáningarfrelsi og siðferðilega álitaefni

Gervigreind og stafrænar lausnir hafa á undanförnum misserum orðið sífellt stærri hluti af daglegu lífi, með margvíslegum ávinningi – en einnig áskorunum. Þegar hefur verið gripið til reglusetningar hjá Evrópusambandinu, sem mun verða hluti EES-samningsins, t.d. hin svonefnda DSA-gerð (e. Digital Services Act), og hinn nýi lagabálkur um gervigreind, (e. the AI Act), sem þegar hefur tekið gildi innan Evrópusambandsins. Þá hefur persónuverndarlöggjöfin löngu fest sig í sessi sem hluti íslensks réttar.

Lögfræðingar víða um heim velta nú fyrir sér hvernig gervigreind getur nýst í lagalegum störfum sem og á öðrum sviðum samfélagsins – en einnig hvar mörkin liggja og hvaða lagaleg álitaefni vakna í kjölfarið. Sérstaklega er horft til áhrifa gervigreindar á grundvallarréttindi, svo sem persónuvernd og tjáningarfrelsi.
Ráðstefnan markar mikilvægt upphaf á upplýstri umræðu um þessi brýnu mál.

Ráðstefnan fer fram í Norðurljósasal Hörpu 19. mars 2025, kl. 13:00-17:00.

Miðasala fer fram hér: Lög og gervi­greind: lögfræðin er mætt til leiks

DAGSKRÁ

Fundarstjóri: Berglind Einarsdóttir

13:00 Opnun og kynning
Dr. Gunnar Þór Pétursson, forseti Lagadeildar HR.

13:10 Regluverk ESB um gervigreind og fyrirséðar áskoranir
Lára Herborg Ólafsdóttir, lögmaður LEX lögmannsstofa, aðjúnkt við Lagadeild HR.

13:30 Gervigreind og höfundaréttur – er þörf á nýjum reglum?
Hafliði K. Lárusson, lögmaður BBA//Fjeldco, aðjúnkt við Lagadeild HR.

13:50 Hvert stefna stjórnvöld – lög og samkeppnishæfni
Helga Hauksdóttir, lögfræðingur, Menningar-, nýsköpunar- og háskólaráðuneyti.

14:10 Siðareglur, lagareglur og gervigreind - gagnsemi og nauðsyn
Dr. Páll Rafnar Þorsteinsson, heimspekingur og háskólakennari við HÍ, stjórnarmaður í Mannréttindastofnun Íslands.

14:40-15:00 Kaffihlé

15:00 The European AI Act - promises, perils & trade offs in a complex regulatory eco-system
Dr. Timo Minssen, Professor, University of Copenhagen and Director of Centre for Advanced Studies in Bioscience Innovation Law (CeBIL).
Dr. Hannah Louise Smith, Post Doctoral Fellow at CeBIL.

15:25 The role of law in an age of AI hype – lessons from EU digital regulation
Dr. Katie Nolan, Assistant Lecturer in Law at the Technological University Dublin, Ireland.

15:50 Mass processing of publicly accessible online personal data to train GenAI/LLMs
Taner Kuru, Doctoral researcher, Tilburg Institute for Law, Technology, and Society (TILT), Tilburg University.

16:15 Lokaorð
Logi Einarsson, Menningar-, nýsköpunar- og háskólaráðherra.

16:40 Móttaka/kokteill