Gervigreind
Hvað læri ég?
Gervigreind er spennandi fræðasvið sem fjallar um hvernig smíða megi vélar sem hugsa. Hún er þegar orðin lykilafl í samfélaginu og mun gegna sífellt stærra hlutverki á komandi árum. Námið er undirbúningur fyrir næstu áratugi af framförum í gervigreind og kynnir nemendur fyrir helstu aðferðum, hagnýtum tæknilausnum og sjálfvirknivæðingu með gervigreind, auk tengsla hennar við tölvunarfræði og önnur rannsóknarsvið. Námið veitir innsýn í grundvallarhugtök rannsókna í gervigreind, kosti og galla nútímatækni og þá þætti sem munu móta þróun hennar í framtíðinni.
Gervigreind má beita á flestum sviðum samfélagins en í náminu er lögð áhersla á verkfræðilega nálgun sem gerir það mjög hagnýtt. Gervigreind er ungt fræðasvið þar sem enn er margt ókannað. Markmiðið með náminu er að veita nemendum yfirgripsmikla grunn þekkingu á faginu í heild sinni samhliða því að nemendur geta valið sér sína leið í náminu eftir áhugasviði.
Meðal kennslugreina eru gervitaugakerfi, reynslumiðuð rökhugsunarkerfi, stýringarkerfi, vélmennatækni og ýmsar aðrar aðferðir gervigreindar. Með því að kafa djúpt í og skýra grunnstoðir fyrirbæra á borð við þekkingu, vélrænt nám, skilning, tungumál, áætlanagerð, og rökhugsun, ásamt því að efla sjálfstæði nemenda og gagnrýna hugsun, eru þeir undirbúnir fyrir þau fjölmörgu framtíðar tækifæri sem bíða á sviðinu.
Hvernig læri ég?
MSc-námið í gervigreind samanstendur af verkefnum og námskeiðum þar sem fjallað er um nýjustu aðferðir og rannsóknir á sviði gervigreindar. Nemendur hafa tækifæri til að velja sér námskeið eftir áhugasviði og öðlast færni sem gerir þeim kleift að vinna rannsóknir og starfa með vísindamönnum á sviði gervigreindar. Flest námskeið eru kennd yfir 12 vikna tímabil,
Námið er rannsóknartengt, bæði fræðilegt og hagnýtt, og lýkur með 30 eða 60 ECTS lokaverkefni um viðfangsefni sem nemandi velur í samráði við leiðbeinanda sinn. Ef 30 ECTS lokaverkefni/ritgerð í stafrænum umbreytingum er valið tekur nemandinn einnig 18 ECTS starfsnám hjá samstarfsfyrirtæki HR. Þar leggur nemandinn grunn að lokaverkefni sínu með því að mæta þörfum fyrirtækis og þróa frumgerð sem nýtir gervigreindartækni.
Forkröfur
Gert er ráð fyrir að nemendur hafi grunngráðu (BSc) í tölvunarfræði, verkfræði eða tengdum greinum. Grunngráða í greinum eins og stærðfræði, tölfræði eða eðlisfræði auk grunnfærni í forritun reynist einnig vel. Framhaldsnám veitir nemendum sérhæfða og hagnýta tæknilega þekkingu. Nemendur móta einstaklingsmiðaða námsáætlun í samráði við leiðbeinanda út frá sínu áhugasviði og er námið rannsóknartengt. Það gerir nemendum kleift að sérhæfa sig enn frekar á ákveðnu sviði. Kennslan fer fram á ensku og nemendur geta leitað reglulega til kennara í gegnum námið.
Skipulag
Á fyrsta ári ljúka nemendur skyldunámskeiðum á sviði gervitaugakerfa, reynslumiðaðrar rökhugsunar, stýrikerfa, vélmennafræði og ýmissa annarra aðferða gervigreindar. Í sumum námskeiðum fá nemendur tækifæri til að vinna að verkefnum sem tengjast þeirra áhugasviði.
Á öðru ári geta nemendur sérsniðið námið enn frekar að eigin áhugasviði, ekki síst í tengslum við rannsóknir. Lokaverkefnið getur verið 30 eða 60 einingar og skilgreinir nemandi viðfangsefnið í samráði við leiðbeinanda sinn. 30 ECTS lokaverkefni í stafrænni umbreytingu, t.d. á sviði máltækni eða öðrum sviðum, felur einnig í sér 18 ECTS starfsnám. Í slíku tilviki snýst lokaverkefnið um að mæta þörfum fyrirtækis með því að þróa frumgerð sem nýtir gervigreindartækni.
Samstarf við aðrar deildir
Tölvunarfræðideildin vinnur náið með öðrum deildum innan skólans, svo sem verkfræðideild og sálfræðideild. Einnig á hún reglulegt samstarf við Rannsóknarsetur um greindar hugbúnaðarlausnir (CADIA – Gervigreindarsetur HR) og Íslensku gervigreindarstofnunina (IIIM), auk ýmissa samstarfsaðila úr atvinnulífinu. Nemendur njóta oft góðs af slíku samstarfi bæði í rannsóknum og við val á rannsóknarefnum.
Ný þekking
Með nýsköpun á sínu áhugasviði öðlast nemendur markvissa sérþekkingu og gæði í sérhæfingu. Fjölbreytt tækifæri bjóðast til að kafa dýpra í rannsóknarspurningar sem nemendur hafa áhuga á að rannsaka. Nemendur hafa til dæmis unnið rannsóknarverkefni á sviðum eins og vélmennafræði, sýndarveruleika, samskipta manna og tölva, máltækni og fleira.
Starfsnám
Nemendur geta valið starfsnám hjá samstarfsaðilum HR eða öðrum viðeigandi aðila. Þar leggur nemandinn grunn að lokaverkefni sínu með því að mæta þörfum fyrirtækis og þróa frumgerð sem nýtir gervigreindartækni. Samkvæmt reglum um ECTS einingar mun 18 ECTS námskeið í stafrænni umbreytingu krefjast 37,5 til 45 klukkustunda vinnu á viku (þar af um 18 klst. á vettvangi hjá samstarfsaðilanum) yfir 12 vikna tímabil, sem felur í sér bæði viðveru og vinnu utan starfsstöðvar.
Styrkir
Styrkir eru í boði fyrir nemendur sem innritast í áherslulínu í gervigreind og máltækni. Áhugasamir umsækjendur þurfa að fylla út umsóknareyðublað um styrk.
Að námi loknu?
Framtíðartækifæri
Að námi loknu hafa nemendur öðlast þekkingu á helstu viðfangsefnum og áskorunum gervigreindar, eru kunnugir helstu rannsóknaraðferðum og kenningum fagsins og geta sett nýjustu aðferðir, grunnrannsóknir og fjölbreytta notkun gervigreindar í stærra samhengi við stöðu fagsins og samfélagsins í heild.
Út í atvinnulífið
Notkun gervigreindartækni eykst stöðugt á öllum sviðum samfélagsins og fjölbreytt atvinnutækifæri bjóðast því þeim sem ljúka meistaranámi í gervigreind við Háskólann í Reykjavík. Má nefna að útskrifaðir nemendur vinna að sjálfvirknivæðingu hjá fjölmörgum fyrirtækjum, svo sem á sviði líftækni, framleiðslu, samfélagsmiðla og víðar. Auk þess sinna þeir rannsóknum og þróun hjá ýmsum stofnunum og sprotafyrirtækjum.
Meistaranám í gervigreind er jafnframt góður undirbúningur fyrir doktorsnám á þessu sviði.
Með fjölbreyttum verkefnum hef ég fundið mitt áhugasvið og um leið fengið innsýn í risastóran heim tölvunarfræðinnar. Meðal þeirra má nefna að setja upp gervigreind sem lærir að semja tónlist, framkvæma svefnrannsókn á sjálfri mér og spá fyrir um niðurstöður í Eurovision með Big Data.
Skipulag náms
MSc í Gervigreind
Á haustmisseri annars árs geta nemendur valið stafræna umbreytingarleið sem felur í sér 18 ECTS einingar í starfsnámi. Markmiðið er að nemendur ljúki 30 ECTS einingum á önn, sem gerir samtals 120 ECTS einingar fyrir gráðuna yfir 4 misseri.
Aðstaðan
Þjónusta og góður aðbúnaður
Kennsla fer fram á netinu og í háskólabyggingu HR.
Verkleg kennsla á margvíslegum vettvangi
Í HR er áhersla lögð á verkkunnáttu og þjálfun ásamt fræðilegri undirstöðu. Því er aðstaða til verklegrar kennslu til fyrirmyndar.
Kennslustofur og lesherbergi
Húsnæði Háskólans í Reykjavík býður upp á afar góða aðstöðu til kennslu, lesturs og samvinnu nemenda. Kennslustofur eru vel búnar og nemendur geta nýtt sér hópavinnuherbergi. Almenn aðstaða er opin nemendum allan sólarhringinn. Sjá frekari upplýsingar um aðstöðuna í HR.
Góð þjónusta
Í háskólabyggingunni er greiður aðgangur að náms- og starfsráðgjöf, alþjóðaskrifstofu og tækniaðstoð. Á bókasafninu er góð og fjölbreytt vinnuaðstaða. Safnið býður aðgang að bókum og fræðigreinum og upplýsingafræðingar eru með opna tíma þar sem nemendur geta litið við og fengið ráðleggingar og aðstoð vegna heimildavinnu.
Verslanir og kaffihús
Í HR er Háskólabúðin sem selur nauðsynjavörur, kaffihús, æfingasalur World Class og Málið veitingasala.
Kennarar
Af hverju tölvunarfræði í HR?
- Eftirsótt sérfræðiþekking fyrir framtíðina.
- Fáðu dýpri þekkingu á því sviði sem þú hefur mestan áhuga á.
- Fáðu reynslu í rannsóknum og þjálfun í að hugsa út fyrir boxið og leita nýrrar þekkingar - út starfsferilinn.
- Taktu þátt í raunverulegum vísindaverkefnum sem hafa jákvæð áhrif á samfélagið.
- Njóttu betri starfsmöguleika, hvar sem er í heiminum.
- Nýttu valnámskeið til að móta námið að þínu áhugasviði.
- Fáðu tækifæri til að vinna með mörgum af afkastamestu fræðimönnunum í tölvunarfræði á Íslandi.*
- Góður undirbúningur doktorsnám.