Sjálfbærni- og loftslagsréttarstofnun HR býður til málfundar og tveggja pallborðsumræða til að ræða loftslagsaðgerðir sem viðbragð við mögulegu hruni AMOC.

Í fyrra pallborðinu verður farið yfir þróun mála hjá stjórnvöldum og afstöðu hagsmunasamtaka, þ.e. Landverndar, Ungra umhverfissinna og Vörðu, hugveitu um þjóðaröryggi og viðnámsþrótt Íslands.

Í seinna pallborðinu verður fjallað um þætti sem styðja við og vinna gegn loftslagsverkfræði, réttaróvissu í þessum málaflokki, almenningsálit og áhrif fjölmiðla.

Fundurinn fer fram í Háskólanum í Reykjavík mánudaginn 16. mars klukkan 12:00-13:45 í stofu V102. Boðið verður upp á kaffi og léttan hádegisverð.

Frummælendur:
Jóna Þórey Pétursdóttir, aðstoðarmaður umhverfis-, orku- og loftslagsráðherra
Bára Alexandersdóttir, doktorsnemi við lagadeild HR
Cody Skahan, doktorsnemi við mannfræðideild Oxford-háskóla

Þátttakendur í pallborði:
Þorgerður María Þorbjarnardóttir, Landvernd
Laura Sólveig Lefort Scheefer, Ungir umhverfissinnar
Kristinn Árni Lár Hróbjartsson, Varða
Kjartan Kjartansson, Sýn
Lilja Ólafsdóttir, Umhverfis- og orkustofnun

Fundarstjórar:
Páll Gunnarsson, Reykjavik Institute
Snjólaug Árnadóttir, Sjálfbærni- og loftslagsréttarstofnun HR