Sálfræðideild HR setur á laggirnar árlega málstofu til að miðla þekkingu og rannsóknum á áskorunum sem eru efst á baugi í samfélaginu. Í fyrstu málstofunni þann 20. febrúar næstkomandi verður tekið fyrir málefnið; Samfélagsmiðlar, tölvuleikir og líðan: Hvað vitum við og hvað getum við gert?”. 

Á þessari málstofu munu erlendir og innlendir fyrirlesarar fjalla um rannsóknir á þessu sviði sem og hagnýt ráð varðandi samfélagsmiðla- og tölvuleikjanotkun hjá börnum, unglingum og fullorðnum. 

Forseti Íslands, Halla Tómasdóttir, opnar málþingið og fundarstjóri er Kamilla Rún Jóhannsdóttir, deildarforseti sálfræðideildar Háskólans í Reykjavík.