The Digital Identity Management Workshop fer fram í Háskólanum í Reykjavík miðvikudaginn 6. ágúst 2025, frá kl. 9:00 til 15:00 í stofu M208. Vinnustofan er ætluð og opin nemendum í tölvunarfræði, fræðimönnum og fagaðilum sem hafa áhuga á stýringu stafrænna auðkenna.

Aðalfyrirlesari er Michael J. Fischer, prófessor í tölvunarfræði við Yale-háskóla, og ber yfirskrift erindis hans "Impossibility of Asynchronous Distributed Consensus (FLP) – a retrospective".
Stýring stafrænna auðkenna er lykilatriði í að draga úr hættu á gagnaleka og netógnum, auk þess að styrkja reglufylgni og auka skilvirkni ferla – en er í framkvæmd afar flókið viðfangsefni, sérstaklega í stórum kerfum.

Á dagskrá eru fjölbreytt erindi, ásamt pallborðsumræðum eftir hádegi þar sem meðal annars verður fjallað um netkerfismælikvarða (e. information network scaling) og samhljóðaferla (distributed consensus), áskoranir við innleiðingu stafrænnar auðkenningartækni og hvernig málum er háttað á Íslandi.

Skráning á viðburðinn er nauðsynleg og frestur til þess er til og með 29. júlí 2025.
Dagskrá og skráning fer fram hér.