Lögfræði
Hvað læri ég?
Aðaleinkenni laganáms við HR er hversu verkefnatengt það er. Nemendur læra að tileinka sér sjálfstæð og skipulögð vinnubrögð til að leysa úr álitaefnum með rökstuddum hætti.
Lögfræði er í heildina fimm ára nám. Fyrst lýkur nemandi þriggja ára grunnnámi og að því loknu tveggja ára meistaranámi.
Lögfræðinámið er fjölbreytt og nemendur hafa umtalsvert val til að haga því eftir áhugasviði. Á þriðja ári gefst nemendum kostur á að velja tvö valnámskeið úr meistaranámi lagadeildar. Enn fremur geta þeir valið námskeið á öðrum fræðasviðum innan HR eða annarra háskóladeilda hér á landi.
Hvernig læri ég?
Verkefnatengt nám
Nemendur öðlast traustan, fræðilegan grunn en eru líka virkjaðir til þátttöku í náminu eins mikið og kostur er. Í náminu er beitt fjölbreyttum kennsluaðferðum og nemendur ljúka málflutningsnámskeiði og taka þátt í nýsköpunarnámskeiði, svo dæmi séu tekin.
Ekki bara próf
Árangur nemenda er metinn með ýmsum hætti og ekki eingöngu með prófum. Miðanna- og lokapróf í BA-náminu gilda að hámarki 60% af heildarnámsmati í einstökum námskeiðum.
Dæmatímar
Nemendur á fyrsta ári geta tekið þátt í dæmatímum þar sem meistaranemar aðstoða þá og þjálfa til að efla skilning og fræðilega þekkingu þeirra á efninu.
Smærri hópar í kennslu
Kennslan fer fram í smærri hópum og minni áhersla er á fyrirlestra. Nemendur fá vandaða endurgjöf. Kennarar hvetja til umræðu og þjálfa nemendur með því að láta þá fást við raunhæf verkefni í tímum.
Val á þriðja ári
Á þriðja ári stendur nemendum til boða að skrifa 15 ECTS BA ritgerð, ljúka tveimur valnámskeiðum úr meistaranámi lagadeildar eða námskeiðum á öðrum fræðasviðum innan HR eða annarra háskóla hér á landi.
Námsferð til Brussel
Nemendum í námskeiðinu Evrópuréttur stendur til boða að fara til Brussel þar sem þeir kynnast starfsemi Evrópusambandsins með heimsóknum til meðal annars EFTA, framkvæmdastjórnarinnar, ráðherraráðsins og á lögmannsstofur.
Starfsnám í meistaranámi
Starfsnám er ekki í boði í BA-námi en hægt er að sækja um starfsnám í meistaranáminu.
Að námi loknu
Út í atvinnulífið
Lögfræði er í heildina fimm ára nám. Fyrst lýkur nemandi þriggja ára grunnnámi og að því loknu tveggja ára meistaranámi. Fullnaðarpróf í lögfræði, með því að ljúka meistaranáminu, er forsenda fyrir því að hægt sé að afla sér málflutningsréttinda.
Að loknu BA-námi eiga nemendur að geta:
- Beitt gagnrýnum fræðilegum vinnubrögðum og siðferðilegri dómgreind við úrlausn verkefna.
- Túlkað og kynnt lögfræðileg atriði og niðurstöður.
- Sett sér markmið og fylgt verkáætlunum.
- Tekið virkan þátt í samstarfi og leitt verkhópa.
- Beitt þekkingu sinni og þjálfun til lögfræðistarfa og til þess að hefja ML-nám.
Áframhaldandi nám & fullnaðarpróf í lögfræði
Þeir sem ljúka meistaranámi við lagadeild að undangengnu grunnnámi í lögfræði og a.m.k. 240 einingum í lögfræðigreinum hafa lokið fullnaðarprófi í lögfræði. Þar með uppfylla nemendur almenn menntunarskilyrði til að starfa sem lögfræðingar eða til að afla sér málflutningsréttinda.
Starfsvettvangur lögfræðinga
Störf lögfræðinga eru mjög fjölbreytt; þeir starfa til dæmis á lögmannsstofum, hjá Alþingi og dómstólum, ráðuneytum, embætti ríkislögreglustjóra, alþjóðastofnunum, skatta- og tollayfirvöldum, hjá fjármálafyrirtækjum, þjónustufyrirtækjum, nýsköpunarfyrirtækjum og útflutningsfyrirtækjum, svo dæmi séu nefnd.
Ert þú með spurningar um námið?
Skipulag náms
Til að ljúka BA í lögfræði þarf að ljúka 180 ECTS einingum:
- Kjarni 165 ECTS
- Valnámskeið 15 ECTS
Nemendum gefst kostur á að velja tvær kjörgreinar úr meistaranámi við lagadeild eða skrifa BA-ritgerð sem er 15 einingar.
Þriggja vikna námskeið í lögfræði
Aðstaða
Málflutningur í dómsal
Lagadeild hefur til umráða fullbúinn dómsal sem hannaður er frá grunni og innréttaður sem slíkur. Stofan þjónar m.a. þeim tilgangi að þjálfa nemendur í störfum dómara og lögmanna. Í dómsalnum er fullkominn tölvubúnaður, hljóðkerfi og fjórar tökuvélar sem taka upp hljóð og mynd.
Kennslustofur og lesherbergi
Húsnæði Háskólans í Reykjavík býður upp á afar góða aðstöðu til kennslu, lesturs og samvinnu nemenda. Kennslustofur eru vel búnar og nemendur geta nýtt sér hópavinnuherbergi. Almenn aðstaða er opin nemendum allan sólarhringinn. Sjá frekari upplýsingar um aðstöðuna í HR.
Góð þjónusta
Í háskólabyggingunni er greiður aðgangur að náms- og starfsráðgjöf, alþjóðaskrifstofu og tækniaðstoð. Á bókasafninu er góð og fjölbreytt vinnuaðstaða. Safnið býður aðgang að bókum og fræðigreinum og upplýsingafræðingar eru með opna tíma þar sem nemendur geta litið við og fengið ráðleggingar og aðstoð vegna heimildavinnu.
Verslanir og kaffihús
Í HR er Háskólabúðin sem selur nauðsynjavörur, kaffihús, æfingasalur World Class og Málið veitingasala.
Kennarar
Sérsvið: Evrópuréttur, evrópskur stjórnskipunarréttur, mannréttindi, stjórnsýsluréttur, lyfjaréttur og réttarheimspeki
Sérsvið: Stjórnskipunarréttur, stjórnsýsluréttur, upplýsingaréttur og opinber starfsmannaréttur
Sérsvið: Bótaréttur, sjó- og flutningaréttur
Sérsvið: Stjórnsýsluréttur, stjórnskipunarréttur, mannréttindi, aðferðafræði og réttarheimspeki
Sérsvið: Fjölmiðlaréttur, Neytendaréttur, Réttarfar, Fjármunaréttur og Mannréttindi.
Sérsvið: Einkamálaréttarfar, málflutningur, samkeppnisréttur og fjarskiptaréttur
Sérsvið: Stjórnarhættir, félagaréttur, sjálfbærni og réttarumhverfi fjármálafyrirtækja
Sérsvið: Réttarfar og fjármunaréttur
Sérsvið: Evrópuréttur og stjórnsýsluréttur.
Sérsvið: Stjórnsýsluréttur, einkamála- og sakamálaréttarfar, skattaréttur, vinnuréttur, persónuvernd, evrópuréttur, fjármunaréttur og almenn lögfræði
Sérsvið: Þjóðaréttur, hafréttur, alþjóðlegur umhverfisréttur og loftlagsréttur
LinkedIn/Researchgate/Orcid
Sérsvið: Refsiréttur
Stundakennarar
Af hverju lögfræði í HR?
- Verkefnatengt laganám, með þjálfun í lausn raunhæfra verkefna.
- Góður fræðilegur grunnur með öflugum kennurum.
- Námsmat er fjölbreytt: miðanna- og lokapróf í grunnnámi gilda að hámarki 60%
af heildarnámsmati í einstökum námskeiðum og 50% í meistaranámi. - Í BA-náminu er að meðaltali kennt í um 60 manna hópum.
- Í ML-náminu er kennt í hópum með að meðtali færri en 20 nemendum.