Prófessor Robert (Bob) Harris, vísindamaður á sviði taugamótefnafræði við Karolinska Institutet (KI) í Stokkhólmi, hélt nú í byrjun mánaðar fyrirlestur um þróun áhrifaríkra meðferða við taugahrörnunarsjúkdómum. Harris hefur verið tengiliður KI við NeurotechEU samstarfið þar sem HR er samstarfsaðili. 

Dr. Harris hefur byggt upp öflugt og alþjóðlegt rannsóknarstarf sem beinist að samspili ónæmiskerfisins og taugakerfisins. Sérstaklega hefur hann rannsakað hlutverk átfrumna, örglía og stjórnunaráhrif boðefna á borð við TGF-β í bólgusvörun og viðgerðarferlum í taugavef. 

Rannsóknir Harris hafa meðal annars varpað nýju ljósi á hvernig ónæmisfrumur komast yfir blóð–heilaþröskuldinn, hvernig þær taka þátt í taugahrörnun og afmýlingu, og hvernig nýta má þær í meðferð við sjúkdómum á borð við mænusigg, Alzheimer-sjúkdóm og Parkinson-sjúkdóm. 

Auk vísindalegra afreka sinna hefur Harris gegnt lykilhlutverki sem leiðtogi innan Karolinska Institutet, meðal annars sem námsbrautastjóri og leiðbeinandi í doktorsnámi, þar sem hann hefur stuðlað að uppbyggingu næstu kynslóðar fræðimanna. 

Öflugt rannsóknastarf á sviði taugavísinda fer fram í HR. Við verkfræðideild skólans stundar til að mynda vísindamaðurinn Karl Ægir Karlsson, prófessor í heilbrigðisvekfræði, rannsóknir á ýmsum taugasjúkdómum með því að rannsaka áhrif lyfja í Zebra fiska módelum. Paolo Gargiulo, prófessor í heilbrigðissverkfræði, notar sýndarveruleika til að rannsaka snemm greiningu á Parkinssong og Hanna Steinunn Steingrímsdóttir dósent í Sálfræðideild HR, hvernig EEG-mælingar geti endurspeglað breytingar á heilastarfsemi sem gætu bent til vægrar vitrænnar hnignunar.

S

Nánari upplýsingar um rannsóknir innan HR og Neurotech samstarfið:

• Rannsóknir og ferill Harris
• NeurotechEU samstarfsnetið
• Rannsóknir og rannsóknasetur innan HR