Skiptinám er góð leið til að læra á lífið

Ágúst Örn Eiðsson, tölvunarfræðinemi við HR mælir heilshugar með skiptinámi til að kynnast öðru námsumhverfi og samfélagi og um leið til að læra á lífið.

Þú munt líta aftur á þennan tíma og hugsa hvað þetta var frábær hugmynd hjá þér að ákveða að fara í skiptinám

„Þú munt líta aftur á þennan tíma og hugsa hvað þetta var frábær hugmynd hjá þér að ákveða að fara í skiptinám,“ segir Ágúst Örn Eiðsson, tölvunarfræðinemi við HR, sem nú stundar skiptinám við TUM eða Technical University of Munich í Þýskalandi. Ágúst Örn mælir heilshugar með skiptinámi til að kynnast öðru námsumhverfi og samfélagi og um leið til að læra á lífið.

Nemendur HR eru hvattir til þess að nýta sér þau alþjóðlegu tækifæri sem bjóðast á meðan þeir eru í háskólanámi. Hægt er að fara í skiptinám og starfsnám erlendis á Erasmus styrkjum og í sumarskóla á Norðurlöndunum á Nordplus styrkjum.

Opið er fyrir umsóknir um skiptinám er frá 1. til 20. september.

Allar frekari upplýsingar hjá Alþjóðaskrifstofu.