Sprenging í aðsókn í einstakt nám

„Helstu áskoranir fyrir byggingafræðinga eru margþættar. Byggingargallar, myglumál og mistök í byggingariðnaðinum eru of algeng og við reynum að höfða til nemenda að hafa þessi atriði ætíð ofarlega í huga við lausnir á verkefnum sínum. 

Núna í haust sækja nemendur á fimmtu önn námskeið sem kallast Breytingar og endurbætur á húsnæði. Miðað er við að hafa  verkferla eins raunverulega og mögulegt er en að þessu sinni vinna nemendur með byggingu í Árbæ þar sem kominn er tími á endurbætur. Nemendur gera sjónræna úttekt á ástandi hússins og skila inn skýrslu um það, síðan fá þau það verkefni að hanna breytingar á húsinu með það að markmiði að færa það til betra horfs og taka í raun algerlega í gegn. Í ferlinu er haft að leiðarljósi nýtt hverfisskipulag Reykjavíkurborgar og áherslur þess.