Vel lukkaður sjálfbærnidagur haldinn í HR

Sjálfbærnidagur HR fór fram miðvikudaginn 29. október. Fjölbreytt dagskrá var í boði yfir daginn fyrir starfsfólk, nemendur og gesti og gangandi.

Dagskrá hófst með kynningum í Sólinni þar sem samstarfsaðilar og bakhjarlar SIF (Rannsóknarseturs um sjálfbæra þróun), Landsvirkjun og Landsnet kynntu starfsemi sína í þágu aukinnar sjálfbærni, með áherslu á hringásarhugsun. Þá var fríbúð Sorpu opin að vanda og Freyr Eyjólfsson, verkefnastjóri kynninga hjá Sorpu leiddi nemendur í gegnum KAHOOT spurningakeppni um hringrásarhagkerfið.

Í hádeginu var haldin málstofa á vegum Sjálfbærni- og loftslagsréttarstofnunar HR CLoCCS er bar heitið Loftslagsaðgerðir: Hvar liggur ábyrgðin? Skuldbindingar íslenska ríkisins á sviði loftslagsmála. Þar ræddu sérfræðingar úr háskólanum og atvinnulífinu helstu skuldbindingar íslenska ríkisins á sviði loftslagsmála með sérstakri áherslu á framlag og ábyrgð fyrirtækja í baráttunni gegn loftslagsvánni.

Framsögumenn voru:

• Ketill Berg Magnússon, Program Manager Safety Excellence hjá JBT Marel
  Loftslagsmál – er það mitt mál?
• Elva Rakel Jónsdóttir, framkvæmdastjóri Festu 
  Samspil milli skyldna ríkja og fyrirtækja
• Bára Alexandersdóttir, doktorsnemi í loftslagsrétti
  Regluverk um kolefnisföngun- og förgun
• David Finger, dósent í verkfræðideild HR og Orkuskólanum (Iceland School of Energy)-Engineering Perspective on Circular Carbon Reutilization in Iceland
• Jóhanna Hlín Auðunsdóttir, forstöðumaður Loftslags- og áhrifastýringar, Landsvirkjun - Framlag Landsvirkjunar til loftslagsmála

Þátttakendur í pallborði voru þeir Freyr Eyjólfsson, verkefnastjóri fræðslu og kynninga, hjá Sorpu og Magni Þ. Pálsson, verkefnastjóri rannsókna, hjá Landsneti. Með fundarstjórn fór Snjólaug Árnadóttir, dósent og forstöðumaður Sjálfbærni- og loftslagsréttarstofnunar HR.

Að lokinni málstofu voru afhentir styrkir í Sólinni en SIF leggur áherslu á að efla rannsóknir og menntun í sjálfbærri þróun. Sá forsvarsfólk Landsvirkjunar og Landsnets, samstarfsaðilar og styrktaraðilar SIF, um að afhenda styrki til valinna doktors- og rannsóknarverkefna. Eftirtalin hlutu styrki;

Styrk frá Landsvirkjun fyrir doktorsverkefni hlutu;

• Anna Sigríður Islind, Brynjar Halldórsson og Hafrún Kristjánsdóttir fyrir verkefnið Healthcare Innovation for Sustainable Delivery of Anxiety Care Across Iceland
• Hlynur Stefánsson fyrir verkefnið Pathways of Microplastics

Eftirtalin verkefni hlutu einnig verkefnastyrk frá Landsvirkjun;

• Ingunn Ýr Guðbrandsdóttir fyrir verkefnið Supporting the sustainability transition of salmon aquaculture: Policy leverage
• Hlynur Stefánsson fyrir verkefnið Equipment for microplastic research

Styrk frá Landsneti hlutu eftirtalin;

• David Christian Finger, Guðmundur Kristjánsson, Ágúst Valfells, Aldís Ingimarsdóttir og Michael Shannon Moorhead fyrir verkefnið Off grid hydropower
• María Sigríður Guðjónsdóttir and Nursanty Elisabeth Banjarnahor fyrir verkefnið Pilot Scale testing of GeoEjector integrated with real-time measurements of two-phase geothermal flow.

Sameiginlegan styrk frá Landsneti og Landsvirkjun hlaut Þórður Víkingur Friðgeirsson fyrir verkefnið Effectiveness and Efficiency in the Public Sector Through the Lens of Sustainability.