Námið
Rannsóknir
HR

Gæðastefna HR

Gæðastefnan miðar að því að tryggja að öll starfsemi Háskólans í Reykjavík (HR) uppfylli kröfur um gæði, fagmennsku og stöðugar umbætur. Hún tekur mið af evrópskum viðmiðum um gæðamat háskóla, metnaði starfsmanna og nemenda og byggir á virku samstarfi háskólasamfélagsins ( Standards and Guidelines for Quality Assurance in the European Higher Education Area (ESG)), viðmiðum fyrir vottanir, viðmiðunarskólum og metnaði starfsmanna og nemenda og nær yfir alla starfsemi skólans.

  1. Gæði og ábyrgð
    • Allir starfsmenn og nemendur leggja sitt af mörkum til að tryggja gæði og fagmennsku.
    • Reglulegt sjálfsmat og úttektir styðja við umbætur.
    • Samfélagsleg ábyrgð og sjálfbærni eru leiðarljós í öllu starfi HR.
  2. Nám og kennsla
    • Nám og kennsla uppfylla alþjóðleg viðmið.
    • Nemendur taka virkan þátt í umbótum og þróun náms.
    • Nýsköpun og stafrænar lausnir stuðla að betri árangri nemenda.
  3. Rannsóknir og nýsköpun
    • Rannsóknir stuðla að nýsköpun og framþróun samfélagsins.
    • Niðurstöður eru birtar á ritrýndum og viðurkenndum vettvangi.
    • Akademískt frelsi og siðferðileg viðmið eru í heiðri höfð.
  4. Þjónusta og stjórnsýsla
    • Þjónusta við nemendur, starfsfólk og samstarfsaðila er skilvirk og notendavæn.
    • Ákvarðanir byggjast á traustum gögnum og greiningu.
    • Markmið eru skýr og árangur mældur reglulega.

HR leggur áherslu á jafnrétti, fjölbreytileika og virka samvinnu við atvinnulíf og samfélag til að skapa öruggt og framsækið háskólasamfélag.


Samþykkt í framkvæmdaráði HR 11. febrúar 2025.

Fara efst