„Með þróun samfélagsins koma nýjar áskoranir fyrir lögfræðinga“

Samfélagið er náttúrulega alltaf að breytast og lögin þá með. Ef þú hefur gaman af því að rökræða eða vilt gæta hagsmuna fólks og standa vörð um réttindi þeirra þá er lögfræðin rétti staðurinn fyrir þig.

Í lögfræði við HR fá nemendur góðan fræðilegan grunn en jafnframt þjálfun í að beita lögfræðinni í raunhæfum verkefnum. Í boði er umtalsvert svigrúm til að haga náminu eftir áhugasviði og í meistaranáminu er boðið upp á öflugt starfsnám.

Tenglar

• Skoða kennsluskrár
• Tímarit Lögréttu
• Lagadeild HR á Facebook

Grunnnám (BA) í lögfræði

BA í lögfræði

Þriggja ára nám til BA-prófs. Fjöldi eininga: 180. 165 einingar í kjarna og 15 einingar í vali. Nemendum gefst kostur á að velja tvær kjörgreinar úr meistaranámi við lagadeild eða skrifa BA-ritgerð sem er 15 einingar.

Nám í lögfræði er verkefnatengt laganám og áhersla er lögð á að nemendur vinni að úrlausn raunhæfra verkefna. Þannig fá nemendur þjálfun í að beita lögfræðilegri aðferðafræði sem gerir þá hæfari til að takast á við þau verkefni sem bíða þeirra eftir nám.

• Lesa meira um grunnnám í lögfræði
  

BA í lögfræði með viðskiptafræði sem aukagrein

Þriggja ára nám til BA-prófs. Fjöldi eininga: 180. 120 einingar úr lögfræði og 60 einingar úr viðskiptafræði. Nemendum gefst kostur á að bæta við sig einu aukaári í viðskiptafræði eftir útskrift og ljúka þannig tveimur námsgráðum á fjórum árum.

• Lesa meira um lögfræðinám með viðskiptafræði sem aukagrein
  

BSc í viðskiptafræði með lögfræði sem aukagrein - 4 ár

Nemandi sem hefur lokið BA-gráðu í lögfræði með viðskiptafræði sem aukagrein getur sótt um að bæta við sig einu ári í viðskiptafræði og útskrifast að því loknu einnig með BSc-gráðu í viðskiptafræði með lögfræði sem aukagrein.

• Lesa meira um viðskiptafræðinám með lögfræði sem aukagrein
  

Meistaranám (ML) í lögfræði

ML-nám í lögfræði er tveggja ára nám, en heimilt er að ljúka því á fjórum árum. Námið byggist að mestu leyti á einstaklingsbundinni námsáætlun, sjálfstæðri vinnu undir handleiðslu kennara og verkefnavinnu. Eitt af megineinkennum námsins er fjölþætt val um áherslur og námsleiðir. Þetta veitir nemendum mikla möguleika á sérhæfingu innan lögfræðinnar og samþættingu við aðrar háskólagreinar. Sérstök áhersla er lögð á að bjóða kjörgreinar á sviði alþjóðalaga og alþjóðaviðskipta, dómstóla og málflutnings og fjármunaréttar.

• Lesa meira um meistaranám í lögfræði

Endurmenntun

Háskólinn í Reykjavík býður nú öllum útskrifuðum meistaranemum frá lagadeild HR 50% afslátt af gjaldskrá skólans vegna þátttöku í námskeiðum við þá námsbraut og á því námsstigi sem þeir hafa útskrifast frá. Þátttaka í námskeiðum er með fyrirvara um undanfara/forkröfur og forgang núverandi nemenda sem stunda nám við brautina til að ljúka prófgráðu. Afslátturinn nær ekki til námskeiða sem eru kennd við aðrar námsbrautir og ekki til námskeiða á vegum Opna háskólans.

• Upplýsingar um námsframboð í meistaranámi
• Skólagjöld fyrir meistaranám í lagadeild
• Sækja um nám við HR

Frekari upplýsingar gefur skrifstofa lagadeildar

Doktorsnám (PhD) í lögfræði

Doktorsnám er fullt nám í þrjú ár og er 180 einingar. Gert er ráð fyrir því að námstíminn vari í fjögur ár ef nemandi sinnir kennslu eða öðrum störfum með náminu.

Ekki er sérstök námskeiðalína í doktorsnámi. Þess í stað eru námskeið og rannsóknarmálstofur skipulögð ad hoc, eða í samstarfi við aðra háskóla og rannsóknasamstarf. Leiðbeinandi og doktorsnemi skipuleggja saman einstaklingsbundna námsáætlun sem er til þess fallin að auka hæfni og þekkingu doktorsnemans til að vinna að rannsóknum og kennslu á sínu sérsviði.

• Lesa meira um doktorsnám í lögfræði

Endurmenntun fyrir lögfræðinga

Lagadeild Háskólans í Reykjavík býður upp á endurmenntun fyrir lögfræðinga með námskeiðum í meistaranámi. Útskrifuðum meistaranemum frá deildinni stendur til boða að sækja námskeiðin með 50% afslætti. Vinsamlega hafið samband við lagadeild sé frekari upplýsinga óskað. 

• Skoða kennsluskrár