Rafíþróttir fyrir stelpur – Helgarnámskeið
Rafíþróttir fyrir stelpur – Helgarnámskeið
Rafíþróttadeild KR & Skema
Helstu upplýsingar
- Undanfari: Enginn
- Aldur: 9 - 12 ára
Um námskeiðið
Helgarnámskeið eingöngu fyrir stelpur þar sem þátttakendur kynnast rafíþróttum í öruggu og hvetjandi umhverfi. Engin reynsla er nauðsynleg – námskeiðið hentar jafnt þeim sem hafa aldrei spilað í liði og þeim sem spila reglulega heima.
Hver æfing hefst á hreyfingu undir handleiðslu þjálfara, til dæmis teygjum, samhæfingaræfingum eða léttum leikjum. Þá taka við skipulagðar æfingar í tölvuleikjum þar sem þátttakendur æfa tæknileg atriði, samvinnu, samskipti innan liðs og samhæfingu augna og handa. Helginni lýkur á litlu móti þar sem allir fá að spreyta sig.
Áhersla er lögð á samvinnu, sjálfstraust og jákvæða leikjamenningu. Þátttakendur kynnast öðrum stelpum með sama áhugamál og fá að sjá hvernig rafíþróttaæfingar fara fram hjá KR & Skema. Næsta námskeið Rafíþróttadeildar KR & Skema hefst 11. janúar 2027 og helgarnámskeiðið er því gott tækifæri til að fá smjörþefinn af því sem er í boði.
Skipulag og verð
- Dagar: laugardagur og sunnudagur
- Tími: 15:30–17:30
- Verð: 10.900 kr.
- Dagsetningar: 21. og 22. nóvember 2026
Hagnýtar upplýsingar
- Systkinaafsláttur: 15% afsláttur fyrir hvert systkini úr sömu fjölskyldu
- Skráning í gegnum Sportabler
- Hafa samband: Starfsfólk Skema — skema@ru.is, 599 6300