Barnalæknirinn Dr. Josko Markic heldur fyrirlestur í Háskólanum í Reykjavík um mikilvægi og hlutverk D-vítamíns, mánudaginn 20. september klukkan 12:00 í stofu M209. 

Dr. Markic er dósent við læknadeild háskólans í Split og vinnur einnig sem sérfræðingur á barnadeild háskólasjúkrahússins í Split. Undanfarin ár hafa rannsóknir hans beinst að hlutverki D-vítamíns en skortur á því getur leitt til alvarlegra heilsufarsvandamála og sjúkdóma. Hann beinir sjónum sínum í fyrirlestrinum að Íslandi, ekki síst þar sem sólarljós, sem er af skornum skammti hér norður í hafi, er nauðsynlegt fyrir myndun D-vítamíns.