Háskóladagurinn 2026 fer fram hér í Háskólanum í Reykjavík laugardaginn 28. febrúar frá kl. 12:00 til 15:00. Allir háskólar landsins standa saman að Háskóladeginum og er tilgangurinn að kynna fjölbreytt námsframboð sem í boði er á Íslandi.

Boðið verður upp á opnar kennslustundir í öllum deildum HR og fara þær fram í stofum M101 og V101. Til þess að taka þátt þarf einungis að mæta og engin þörf er á skráningu.

Gestum og gangandi gefst tækifæri til að spjalla við nemendur og starfsfólk um allt sem viðkemur námi í HR. Eins býðst áhugasömum að skella sér í gönguferð um bygginguna og skoða frábæra aðstöðu til náms og kennslu.

Dagskráin í Háskólanum í Reykjavík er eftirfarandi:

👉 12:10 í stofu V101 | Hver er rétta leiðin fyrir mig?
Nemendaráðgjöf HR  fer yfir val á háskólanámi

👉 12:30 í stofu M101 | Hvernig virka sveiflur?
Opin kennslustund í verkfræði:
Sveiflur er mikilvægt hugtak í eðlisfræði og við sjáum þær alls staðar í kringum okkur þegar ýtt er við kerfum og þau leitast við að komast aftur í jafnvægi. Í fyrirlestrinum verður farið í það hvernig eðlisfræðin útskýrir sveiflur og við prófum að gera einfaldar sveiflutilraunir og skoðum samanburðinn við fræðin.

👉 12:30 í stofu V101 |
Opin kennslustund í lögfræði: Lögfræði og gervigreind

12:45 er farið í skipulagða gönguferð um skólann

👉 13:00 í stofu M101 | Grundvallaratriði litafræði, áhrif lita og notkun í hönnun og vöruþróun.
Opin kennslustund í tæknifræði:
Farið verður yfir grundvallaratriði litafræði og útskýrt hvað litir í rauninni eru. Við ætlum að skoða hvaða áhrif litir hafa og hvernig þeir eru notaðir á meðvitaðan hátt í hönnun og vöruþróun. Það er margt í kringum okkur, sem við tökum sem sjálfsögðum hlut, sem hefur áhrif á okkur og við ætlum að fara yfir nokkra af þeim þáttum.

👉 13:00 í stofu V101 | Réttarsálfræði
Opin kennslustund í sálfræði

13:15 er farið í skipulagða gönguferð um skólann

👉 13:30 í stofu M101 | Kerfishugsun í leikjahönnun
Opin kennslustund í tölvunarfræði:
Í tölvunarfræði hönnum við og smíðum tölvukerfi fyrir alls konar notendur og aðstæður þ.m.t. tölvuleiki. Við hönnum reglur, skilgreinum hvað er leyfilegt og hvað breytist, og hvernig kerfin bregðast við. Í þessum fyrirlestri skoðum við hvernig leikjahönnun nýtir kerfishugsun til að gera hugmyndir áþreifanlegar. 

👉 13:30 í stofu V101 | Næring íþróttafólks
Opin kennslustund í íþróttafræði:
Fjallað verður um mikilvægi hennar og hvernig hún er tímasett

13:45 er farið í skipulagða gönguferð um skólann

👉 14:00 í stofu M101 | Af hverju skiptir stjórnun máli?
Opin kennslustund í viðskipta- og hagfræði

👉 14:00 í stofu V101 | Hver er rétta leiðin fyrir mig?
Nemendaráðgjöf HR  fer yfir val á háskólanámi

14:15 er farið í skipulagða gönguferð um skólann

Í Háskólanum í Reykjavík munu eftirtaldir háskólar, auk HR, kynna námsframboð sitt:

• Háskólinn á Akureyri
• Háskólinn á Bifröst
• Landbúnaðarháskóli Íslands
• Listaháskóli Íslands

Nánar um Háskóladaginn hér.
Verið öll velkomin!