Nýnemadagar 2026

Nýnemadagar í stuttu máli:

• Nemendur sem eru að hefja nám í tölvunarfræði, sálfræði, íþróttafræði og tæknifræði mæta í deildarkynningu klukkan 11:00 fimmtudaginn 13. ágúst (sjá stofur hér að neðan). Eftir kynninguna verða nemendafélög í Sólinni að kynna dagskrá vetrarins.
• Nemendur sem eru að hefja nám í verkfræði, lögfræði og viðskipta- og hagfræði mæta klukkan 13:00 fimmtudaginn 13. ágúst (sjá stofur hér að neðan). Við hvetjum þessa nemendur til að koma snemma og kynna sér starfsemi nemendafélaganna áður en deildarkynning hefst.
• Fræðslufyrirlestrar fara fram milli 10:30 og 11:30 föstudaginn 14. ágúst. Í hádeginu verður boðið upp á pylsur, gos og almennt fjör.

Nýnemadagar fara fram dagana 13. - 14. ágúst í Háskólanum í Reykjavík. Á nýnemadögum eru nýnemar í grunnnámi við HR boðnir velkomnir með fjölbreyttri dagskrá. 

Á nýnemadögunum fá nemendur að kynnast húsakynnum skólans, hitta kennara og samnemendur, starfsfólk deilda og annað starfsfólk HR. Auk þess geta nemendur kynnt sér fjölbreytta stoðþjónustu skólans, til dæmis bókasafnið, nemendaráðgjöf og alþjóðasvið. 

Mæting er frjáls á alla viðburðina en við hvetjum nýnema til að mæta á sem flesta þeirra og hita upp fyrir komandi önn. 

FIMMTUDAGUR 13. ÁGÚST  

Nemendur eftirfarandi deilda mæta á kynningar klukkan 11:00 og fá gagnlegar upplýsingar um skólaárið framundan: 

• Tölvunarfræðideild - Stofa M101  
• Sálfræðideild - Stofa V101 
• Íþróttafræðideild - Stofa M103 
• Tæknifræðideild - Stofa V102 

Milli 11:30 og 13:00 verða nemendafélögin í HR í Sólinni að kynna starfsemi sína.

Við hvetjum þau sem eru á deildakynningum fyrir hádegi að staldra við og spjalla við nemendur og eins þau sem eru á kynningu eftir hádegi að koma fyrr. 

Nemendur eftirfarandi deilda mæta á kynningar klukkan 13:00 og fá gagnlegar upplýsingar um skólaárið framundan: 

• Verkfræðideild - Stofa M101 
• Viðskipta- og hagfræðideild - Stofa V101 
• Lagadeild – Stofa M103 

FÖSTUDAGUR 14. ÁGÚST  

Fræðslufyrirlestrar fyrir alla nýnema grunnnáms hefjast klukkan 10:30 föstudaginn 14. ágúst. Nemendur á tæknisviði (tölvunarfræðideild, verkfræðideild og tæknifræðideild) mæta í stofu M101 og nemendur á samfélagssviði (lagadeild, íþróttafræðideild, viðskipta- og hagfræðideild og sálfræðideild) í stofu V101.

Að lokinni fræðslu verður pylsupartý í Sólinni, stúdentafélagið heldur uppi góðu stuði, hægt verður að kaupa HR peysu og boli, ganga um húsakynnin og rabba við nemendur og starfsfólk. Einnig verður hægt að fara í símaratleik til þess að kynnast aðstöðunni á skemmtilegan og lifandi hátt.