Lagadeild Háskólans í Reykjavík stendur fyrir málþingi þann 20. apríl frá 14:30-16:00.

Á landssamráðsfundi um ofbeldi sem haldinn var 4. mars sl. í samstarfi félags- og húsnæðsmálaráðherra og embættis ríkislögreglustjóra komu fram ábendingar um að ríkjandi framkvæmd á sviði persónuverndar og beiting þagnarskylduákvæða fagstétta gæti komið í veg fyrir árangursríkt samstarf í þágu þolenda ofbeldis og fólks í viðkvæmri stöðu.

Á málþinginu verður fjallað um skörun persónuverndarlaga, þagnarskylduákvæða og annarra reglna sem koma í veg fyrir að upplýsingum um þolendur eða ætlaða þolendur ofbeldis berist á milli opinberra kerfa.

Áhersla verður lögð að þolendamiðaða nálgun og leiðir ræddar til þess að auka samstarfs lykilaðila án þess að brjóta gegn persónuvernd einstaklinga.

Fundarstjóri verður Sigríður Björk Guðjónsdóttir, sérfræðingur í Mennta- og barnamálaráðuneytinu þau sem flytja erindi eru:

• Arndís Soffía Sigurðardóttir, lögreglustjóri á Suðurlandi - Öruggt Suðurland
• Rögnvaldur G. Gunnarsson, yfirlögfræðingur Landspítalans - Þagnarskylda heilbrigðisstarfsmanna
• Sigurður Örn Hilmarsson, lögmaður
• Jenný Kristín Valberg, teymisstýra í Bjarkarhlíð - af hverju er mikilvægt að það sé viðeigandi miðlun upplysinga á milli kerfa frá sjónarhóli þolenda