Vísindavaka 2025

Vísindavaka 2025 verður haldin í Laugardalshöllinni laugardaginn 27. september. Háskólinn í Reykjavík mun kynna þar fjöldamörg verkefni og rannsóknir og vísindamenn leyfa gestum að prófa tæki og tól sem þeir nota í sínum daglegu störfum.

Á Vísindavöku verður að vanda spennandi framboð frá Háskólanum í Reykjavík. Þar býðst yngstu kynslóðinni að spreyta sig á ýmsum verkefnum og finna út hvar þeirra hæfileikar til að skapa framtíðina liggja.

Hjá SKEMA býðst m.a. að hanna HR í Minecraft, sameina tónlist og forritun, læra grunn í tölvuleikjagerð og stjórna vélmenni. Nemendur í RU racing sjá um að gera alla klára fyrir formúluna og Systur sjá um forritunarkennslu.  Hjá RU robotics færðu að sjá vísindin við hönnun vélmenna og frostbyte sýnir þér hversu auðvelt er að hakka þitt heimili og hvernig megi bregðast við því. Þá munu fulltrúar íþróttafræðideildar leyfa gestum að prófa mælingarbúnað sem mælir hversu hátt þú getur stokkið og hversu fast þú getur gripið.

Hlökkum til að skapa framtíðina með þér!