Rafmagns-tæknifræði
Hvað læri ég?
Í tæknifræði er lögð áhersla á að byggja upp verkvit, fræðilega fagþekkingu og tengsl við atvinnulífið. Námið er tilvalið fyrir þau sem vilja geta hafið starfsferil sinn strax að loknu BSc–námi. Þau sem útskrifast með lokapróf í tæknifræði hljóta lögverndaða starfsheitið tæknifræðingur.
Rafmagnstæknifræðingar fást við hluti sem eru allt í kringum okkur; í tæknibúnaði, orkuverum, farartækjum, framleiðslu og iðnaði. Ör þróun er fyrirsjáanleg í faginu í nánustu framtíð með tilkomu nýjunga í líftækni, sjálfvirkni og kraftrafeindatækni.
Nemendur í rafmagnstæknifræði við HR fá ótal tækifæri til þess að leysa raunveruleg vandamál, allt frá hugmyndastigi að hönnun og smíði, ásamt því að öðlast sterkan og breiðan fræðilegan bakgrunn. Nemendur eru hvattir til að taka þátt í hönnunarverkefnum og/eða hönnunarnámskeiðum og skoða kosti starfsnáms til að kynnast raunverulegum og aðkallandi hagnýtum verkefnum.
Þekking og færni
Í lærdómsviðmiðum má sjá hvaða þekkingu, leikni og hæfni nemendur eiga að búa yfir að námi loknu.
Hvernig læri ég?
Hagnýtt nám og tenging við atvinnulífið
Í rafmagnstæknifræði fást nemendur við rafmagnsfræði, rafeindatækni, raforkufræði, fjarskiptatækni, stýritækni, tölvutækni, stóriðju og orkutækni á breiðum grundvelli. Nemendur taka þátt í spennandi hönnunarverkefnum strax á fyrsta ári. Lokaverkefni eru tengd sérhæfingu á sviði sterkstraums, veikstraums eða tölvutækni og endurspegla hagnýta hlið námsins. Þau eru oftar en ekki unnin í samstarfi við leiðandi tæknifyrirtæki.
Sérhæfing
Nemendur geta valið hvort þeir sérhæfi sig í háspennu eða lágspennu og velja þá fyrirfram skilgreind námskeið. Hægt er að blanda saman námskeiðum ef nemendur kjósa ekki að sérhæfa sig. Sérhæfing fæst einnig í starfsnámi sem og með lokaverkefni á 7. önn. Til að útskrifast með sérhæfingu þarf að ljúka a.m.k. 3 námskeiðum í sérhæfingu, auk lokaverkefnis á því sviði.
Dæmi um sérhæfingu í háspennu:
| RT PWR1003 Kraftrafeindatækni | RT RVE1003 Rafmagnsvélar | T 403 RAFO Hermun Raforkukerfa |
Dæmi um sérhæfing í lágspennu:
| T-201-GSKI Gagnaskipan | T-411-MECH Mechatronics I | T-535-MECH Mechatronics II |
Dæmi um valnámskeið:
| Kraftrafeindatækni | Mechatronics II | Orka í iðnaðarferlum |
| Rekstur raforkukerfa | Kælikerfi og varmadælur | Lýsingartækni |
| Reiknirit | Töluleg greining | |
| Sjálfbærni | Línuleg kvik kerfi | Mælitækni og lífsmörk |
| Verkefnastjórnun og stefnamarkandi áætlanagerð |
Lifandi nám
Nemendur í rafmagnstæknifræði við HR fá ótal tækifæri til þess að leysa raunveruleg vandamál, allt frá hugmyndastigi að hönnun og smíði, ásamt því að öðlast sterkan og breiðan fræðilegan grunn. Nemendur eru hvattir til að taka þátt í hönnunarverkefnum og/eða hönnunarnámskeiðum til að kynnast raunverulegum og aðkallandi hagnýtum verkefnum.
Í náminu vinna nemendur hagnýt, raunhæf verkefni á hverri önn þar sem markmiðið er að undirbúa þá fyrir atvinnulífið. Á fyrsta námsári standa nemendur frammi fyrir raunhæfu verkefni sem þarf að takast á við og skoða frá mörgum hliðum. Námskeiðið heitir Inngangur að tæknifræði. Sjá nánar í flipa um þriggja vikna námskeið.
Viðamikið lokaverkefni
Nemendur ljúka lokaverkefni á sjöundu og síðustu önn námsins. Lokaverkefnið byggist á sérhæfingu hvers og eins og það má vinna í samvinnu við fyrirtæki eða í tengslum við rannsóknarverkefni starfsmanna.
Starfsnámið veitir forskot
Nemendur í rafmagnstæknifræði taka 6 ECTS í starfsnámi. Tæknifræðideild er með samninga við um 40 fyrirtæki og stofnanir. Margir nemendur hafa fengið tilboð um starf til lengri eða skemmri tíma í kjölfar starfsnáms og lokaverkefna sem unnin eru í samstarfi við fyrirtæki.
Með því að ljúka starfsnámi auka nemendur þekkingu sína á því sviði sem þau stunda nám á. Nemendur búa sig jafnframt undir störf að námi loknu.
Ávinningur af starfsnámi er margvíslegur. Markmið með starfsnámi er meðal annars að efla tengs nemenda við atvinnulífið, auka innsýn þeirra og skilning á viðfangsefnum viðkomandi fagsviðs og reynslu af því að vinna að úrlausn raunhæfra hönnunar-, greiningar- og/eða rannsóknarverkefna á fagsviðinu undir leiðsögn leiðbeinenda úr atvinnulífinu.
Dæmi um fyrirtæki þar sem tæknifræðingar starfa og nemendur hafa farið í starfsnám:
- Orka náttúrunnar
- Mannvit
- HB Grandi
- HS Orka
- Jáverk
- Orkuveita Reykjavíkur
- Ístak
- VSÓ
- Ráðgjöf
- Landsvirkjun
- Össur
- Marel
- VSB verkfræðistofa
- Verkís
- VHE vélaverkstæði
- Efla
- Landsnet
- Norðurorka
- Alcoa
- Stálsmiðjan
- Framtak
- Elkem
- Trefjar
- Síminn
Skiptinám
Nemendur geta sótt um að fara í skiptinám við erlendan háskóla. Skiptinám er tilvalið tækifæri fyrir upprennandi tæknifræðinga til að kynnast námi og störfum í öðrum löndum. Jafnvel getur verið mögulegt að nýta skiptinám til að öðlast meiri sérhæfingu á tilteknu áhugasviði. Nemendur í BSc-námi þurfa að vera með 7 eða yfir í meðaleinkunn og hafa lokið 60 einingum þegar farið er í skiptinámið. Alþjóðaskrifstofa veitir frekari upplýsingar um áfangastaði í boði.
CDIO-samstarfsnetið
Tæknifræðideild er aðili að samstarfsneti um að þróa og bæta kennslu í tæknifræði, CDIO (Conceive, Design, Implement, Operate). Í dag eru um 100 háskólar frá öllum heimshornum þátttakendur og innan þeirra er kerfisbundið unnið að því að þróa námsbrautir í tæknifræði og verkfræði með áherslu á þarfir atvinnulífsins.
Í tæknifræði við HR er færni í hugmyndavinnu, verkefnastjórnun, samskiptum og kynningum þjálfuð í ýmsum námskeiðum gegnum allt námið.
Í CDIO-aðferðafræðinni er lögð áhersla á samráð háskóla og atvinnulífs og fagfélaga. Mótun námsbrauta í anda CDIO á að tryggja að nemendur fái lausnamiðaða tæknilega færni sem vinnuveitendur sækjast eftir, án þess að slegið sé af fræðilegum kröfum.
Að námi loknu
Lögverndað starfsheiti
Þau sem ljúka lokaprófi í tæknifræði (BSc) hljóta staðfestingu viðkomandi ráðuneytis og lögverndaða starfsheitið tæknifræðingur (enska: Certified Engineer).
Þau sem ljúka BSc-námi í tæknifræði, eru með sveinsbréf og hafa lokið tilskildum starfstíma geta jafnframt sótt um meistarabréf í tilsvarandi iðngrein, en HR ber ekki ábyrgð á að gefa út slík leyfi.
Fjölbreyttur starfsvettvangur
Starfssvið rafmagnstæknifræðinga er fjölbreytt, hvort heldur sem unnið er við hönnun, framkvæmdir, stjórnun eða eftirlit með raforkukerfum og rafeindabúnaði. Góð og hagnýt tækniþekking veitir fjölbreytileg atvinnutækifæri í nútímasamfélagi og eru rafmagnstæknifræðingar frá HR eftirsóttir á vinnumarkaði.
Frekara nám
Tæknifræðinám veitir góða undirstöðu fyrir framhaldsnám í verkfræði á tengdum sviðum innanlands sem erlendis.
Þriggja vikna námskeið í tæknifræði
Í náminu eru annir brotnar upp í tvo hluta. Fjögur námskeið eru kennd í 12 vikur og síðan er prófað úr þeim. Að prófum loknum taka við þriggja vikna námskeið þar sem námsefnið er sett í hagnýtt samhengi með verkefnavinnu, hópavinnu og/eða samstarfi við fyrirtæki.
Raunveruleg verkefni
Nemendur taka þátt í spennandi hönnunarverkefnum strax á fyrsta ári. Stærri verkefni eins og lokaverkefni, eru oftast unnin í samvinnu við fyrirtæki og stofnanir.
Á fyrsta námsári standa nemendur frammi fyrir raunhæfu verkefni sem þarf að takast á við og skoða frá mörgum hliðum. Námskeiðið heitir Inngangur að tæknifræði. Nemendur vinna í hópum við að útfæra lausnir og leysa þau fjölmörgu vandamál sem upp gætu komið. Þeir kynna svo niðurstöður sínar fyrir leiðbeinendum og öðrum nemendum.
Viðfangsefni nemenda hafa meðal annars verið:
- Endurbætur á húsnæði Veraldarvina á Brú í Hrútafirði
- Færanlegar hraðhleðslustöðvar fyrir Bræðsluna
- Hönnun nýs þjóðarleikvangs
- Að koma fram með nýstárlegar hugmyndir að brú yfir Fossvoginn
- Gerð aðgerðaráætlunar vegna eldgoss í nágrenni Reykjavíkur
- Gerð aðgerðaráætlunar vegna bólusóttarfaraldurs
Skipulag náms
Nám í BSc Rafmagnstæknifræði er 210 ECTS einingar, sem skiptast í skyldunámskeið, valnámskeið, starfsnám og lokaverkefni.
Í náminu eru annir brotnar upp í tvo hluta. Fjögur námskeið eru kennd í 12 vikur og síðan er prófað úr þeim. Að prófum loknum taka við þriggja vikna námskeið þar sem námsefnið er sett í hagnýtt samhengi með verkefnavinnu, hópavinnu og/eða samstarfi við fyrirtæki.
Öll námskeið fyrstu annar í tæknifræði verða kennd samtímis skv. 15 vikna skipulagi. Nemendur á öðrum önnum fylgja hefðbundnu 12+3 skipulagi.
Ert þú með spurningar um námið?
Inntökuskilyrði
Lágmarkskrafa til að hefja nám í iðnfræði er að hafa lokið bóklegu námi til sveinsprófs frá skilgreindri rafiðngrein. Til að útskrifast sem iðnfræðingur þarf að hafa lokið sveinsprófi.
Bóklegur undirbúningur
Þau sem lokið hafa bóklegu námi til sveinsprófs geta þurft að taka allt að fjögur undirbúningsnámskeið í fjarnámi, samhliða iðnfræðináminu. Í boði eru grunnar í stærðfræði, eðlisfræði, íslensku og ensku og eru umsækjendum tilkynnt í svarbréfi hvort og þá hvaða grunna þeir þurfa að taka. Nauðsynlegt er að hafa lokið þeim grunnum sem hver og einn þarf að taka áður en farið er á 5. önn í náminu. Greitt er sérstaklega fyrir hvert og eitt námskeið, þau eru ekki innifalin í skólagjöldum.
Meistarar og stúdentar
Þau sem lokið hafa meistaranámi í iðngrein, eða stúdentsprófi, uppfylla kröfur um bóklegan undirbúning og geta hafið nám í iðnfræði án frekari undirbúnings.
Umsóknarfrestur
Tekið er við umsóknum fyrir haustönn frá 5. febrúar til 5. júní ár hvert.
Fylgiskjöl með umsókn
- Námsferill
- Sveinsbréf eða meistarabréf
- Starfsferill, etv. meðmæli
Aðstaða
Þjónusta og góður aðbúnaður
Öll kennsla fer fram í háskólabyggingu HR í Nauthólsvík. Þar er lesaðstaða og bókasafn, aðstaða til verklegrar kennslu, hópavinnuherbergi, mötuneyti, náms- og starfsráðgjöf og önnur þjónusta við nemendur.
Verkleg kennsla
Í HR er áhersla lögð á verkkunnáttu og þjálfun ásamt fræðilegri undirstöðu. Því er aðstaða til verklegrar kennslu til fyrirmyndar. Nemendur í rafmagnstæknifræði hafa aðgang að rafeindatæknistofu.
Í rafeindatæknistofu er unnið að verkefnum og tilraunum á sviði rafeindatækni, rafmagnsfræði, raforku, stýringum og sjálfvirkni. Í stofunni er fjölbreytt safn af verklegum tilraunum er tengjast námsefni á þessum sviðum. Stofan býður jafnframt upp á aðsetur fyrir nemendur sem vinna að stærri verkefnum eða lokaverkefnum í grunnnámi eða meistaranámi. Í stofunni er fjöldinn allur af tækjum og mælitækjum, á borð við sveiflusjár, örtölvur, AD-breytur, iðnaðarróbóta o.s.frv. Mikið safn er af íhlutum fyrir rásavinnu og góð aðstaða til að setja saman rásir. Ábyrgðarmaður rafeindatæknistofu er Hannes Páll Þórðarson.
Kennslustofur og lesherbergi
Húsnæði Háskólans í Reykjavík býður upp á afar góða aðstöðu til kennslu, lesturs og samvinnu nemenda. Kennslustofur eru vel búnar og nemendur geta nýtt sér hópavinnuherbergi. Almenn aðstaða er opin nemendum allan sólarhringinn.
Góð þjónusta
Í háskólabyggingunni í Nauthólsvík er greiður aðgangur að náms- og starfsráðgjöf, alþjóðaskrifstofu og tækniaðstoð. Á bókasafninu er góð og fjölbreytt vinnuaðstaða. Safnið býður aðgang að bókum og fræðigreinum og upplýsingafræðingar eru með opna tíma þar sem nemendur geta litið við og fengið ráðleggingar og aðstoð vegna heimildavinnu
Verslanir og kaffihús
Í HR er jafnframt Háskólabúðin sem selur helstu nauðsynjavörur, kaffihús, æfingasalur World Class og Málið veitingasala.
Sérfræðiþekking og reynsla
Nemendur í rafmagnstæknifræði njóta leiðsagnar öflugra vísindamanna á fagsviðinu, tæknimanna og hönnuða innan háskólans, og fjölda stundakennara með sérfræðiþekkingu úr atvinnulífinu. Kennarar við HR eru að jafnaði í miklum samskiptum við nemendur og í góðum tengslum við atvinnulífið.
Kennarar
Af hverju tæknifræði í HR?
- Löggilt starfsheiti sem tæknifræðingur
- Nemendur sem eru með sveinspróf hljóta meistarabréf í tilsvarandi iðngrein
- Góð aðstaða til bóklegs og verklegs náms
- Öflugt starfsnám
- Traust undirstaða
- Hagnýt og raunhæf verkefni