- PDF bæklingur: Hagfræði
Efnahagslífið verður sífellt flóknara og margbrotnara og um leið þörfin meiri fyrir skilning á því. Fyrir fyrirtæki og stjórnvöld er mikilvægt að skilja þróun og lögmál sem eru til staðar í efnahagsstarfseminni og hafa mikla þýðingu fyrir afkomu fyrirtækja og almennings.
Nám í hagfræði við viðskiptadeild HR er þriggja ára nám, 180 ECTS. Tvær námsleiðir eru í boði:
Námið er eins uppbyggt að því frátöldu að í hagfræði og fjármálum eru tekin þrjú námskeið á sviði fjármála en hagfræði og stjórnun taka þrjú námskeið á sviði stjórnunar.
Hagfræði grundvallast á því að við búum við skort á hagrænum gæðum. Viðfangsefnið verður því hvernig við skiptum þeim gæðum meðal okkar, hvað við framleiðum og hvers við neytum og efnahagslegar afleiðingar af þessum ákvörðunum. Viðskiptafræði er sú fræðigrein sem fæst við að skoða rekstur fyrirtækja, umgjörð þeirra og innviði til að tryggja efnahagslega farsæld þeirra.
Í kennslunni er lagt upp með þau lærdómsviðmið að nemendur afli sér þekkingar á sviði hagfræði og öðlist við það innsæi og skilning á lögmálum efnahagslífsins. Markvisst er unnið að því að nemendur byggi upp þekkingu á helstu hagfræðihugtökum og að þeir öðlist leikni í að beita þeim við greiningu vandamála. Allt miðar að því að nemandinn búi við hæfni til að nýta fræðigreinina við lausn margs konar hagrænna vandamála í starfi og til frekara náms.
Kennslan byggir meðal annars á samspili fræðilegra og hagnýtra verkefna. Byggt er á þeirri sterku hefð HR að þjálfa nemendur í að vinna í hópum, efla samskiptahæfni og þátttöku í þverfaglegu samstarfi. Í náminu er umtalsverð tenging við viðskiptafræði sem eykur þverfagleika og fjölbreytni námsins.
BSc-námið í viðskiptafræði við HR sker sig úr frá sambærilegu námi hér á landi að því leyti að það hefur alþjóðlega vottun (EFMD) sem staðfestir gæði þess.
Til að undirbúa nemendur sem best fyrir framhaldsnám og störf í alþjóðlegu umhverfi er hluti námsins á ensku. Öll kennsla á þriðja ári er á ensku, auk nokkurra námskeiða utan þess.
Nemendur í hagfræði eru hvattir til að nýta sér þau alþjóðlegu tækifæri sem bjóðast á meðan þeir eru í námi. Reynsla af skiptinámi erlendis eykur virði háskólagráðunnar og hefur jákvæð áhrif á atvinnuhorfur að námi loknu. Nánari upplýsingar má nálgast hjá verkefnastjóra námsins eða skrifstofu alþjóðaskipta.
Viðskiptadeild HR hefur skrifað undir viljayfirlýsingu PRME (Principles of Responsible Management Education) varðandi menntun ábyrgra stjórnenda. Þar með hefur deildin skuldbundið sig til að mennta nemendur í samfélagslegri ábyrgð. Í því felst að leggja áherslu á ábyrga stjórnun og hvetja til þess að atvinnulífið stundi ábyrga viðskiptahætti. Viljayfirlýsing PRME var upphaflega sett fram af Sameinuðu þjóðunum. Í dag eru um 450 viðskiptaháskólar frá yfir 80 löndum hluti af verkefninu.
HR er jafnframt samstarfsaðili Festu, miðstöðvar um samfélagslega ábyrgð.
Þeir sem ljúka BSc-prófi í hagfræði mega nota lögverndaða starfsheitið hagfræðingur. Nemendur hafa að námi loknu hlotið þjálfun í beitingu hagfræði og góða innsýn í viðskiptafræði. Þeir hafa jafnframt reynslu af því að beita kenningum og fræðum á hagnýt verkefni.
Hagfræðingar starfa á ólíkum sviðum á breiðum vettvangi. Má þar t.d. nefna störf í fjármálageiranum, við hagtengd viðfangsefni. Hagfræðingar eru líka atkvæðamiklir í störfum hjá hinu opinbera, á ólíkum stöðum í stjórnsýslunni. Þar tvinnast oft saman rannsóknir og fræðileg eða hagnýt viðfangsefni á sviði efnahagsmála. Þá láta hagfræðingar líka talsvert til sín taka við rekstur og stjórnun fyrirtækja.
Að loknu grunnnámi geta nemendur lokið meistaranámi og þannig sérhæft sig enn frekar.
Kennslustofur og lesherbergiHúsnæði Háskólans í Reykjavík býður upp á góða aðstöðu til kennslu, lesturs og samvinnu nemenda. Kennslustofur eru vel búnar og nemendur geta nýtt sér hópavinnuherbergi. Almenn aðstaða er opin nemendum allan sólarhringinn. Sjá fleiri myndir af aðstöðunni í HR.
Í háskólabyggingunni er greiður aðgangur að náms- og starfsráðgjöf, alþjóðaskrifstofu og tækniaðstoð. Á bókasafninu er góð og fjölbreytt vinnuaðstaða. Safnið býður aðgang að bókum og fræðigreinum og upplýsingafræðingar eru með opna tíma þar sem nemendur geta litið við og fengið ráðleggingar og aðstoð vegna heimildavinnu.
Í HR er jafnframt Háskólabúðin sem selur helstu nauðsynjavörur, kaffihús, æfingasalur World Class og Málið veitingasala.
Viðskiptadeild hefur á að skipa einvalaliði af sérfræðingum á sviði viðskipta- og hagfræði sem hafa áratuga reynslu af kennslu, rannsóknum og störfum fyrir atvinnulíf og samfélag. Nemendur í hagfræði njóta leiðsagnar öflugra vísindamanna og sérfræðinga á fagsviðinu, stundakennara og gestafyrirlesara með sérfræðiþekkingu úr atvinnulífinu. Kennarar við HR eru að jafnaði í miklum samskiptum við nemendur.
Hagfræði skiptist í grunninn í þjóðhagfræði (e. macroeconomics) og rekstrarhagfræði (e. microeconomics). Nemendur taka tvö námskeið í undirstöðuatriðum í hvorri grein. Áhersla er lögð á dæmatíma, fjölþætt námsmat og að nýta kosti hópastarfs og verklegrar vinnu nemenda. Gert er ráð fyrir að nemendur ljúki BSc-prófi á þremur árum. Að jafnaði eru tekin fimm námskeið (30 ECTS) á hverri önn og telst það fullt nám.
Nemendur þurfa að hafa lokið 60 ECTS áður en farið er utan í skiptinám. Nánari upplýsingar má nálgast hjá verkefnastjóra námsins.
| BSc hagfræði og fjármál 180 ECTS | |
|---|---|
| Haust | Vor |
|
1.ár |
|
2.ár
|
|
3.ár
|
|
| BSc hagfræði og stjórnun 180 ECTS | |
|---|---|
| Haust | Vor |
|
1ár |
|
2.ár
|
|
3.ár
|
|
Nánari upplýsingar um námskeið eru í kennsluskrá. Skoða kennsluskrá.
Mikilvægt er að nemendur sem útskrifast í hagfræði hafi góða þekkingu á hagrannsóknum og því eru tölfræði og stærðfræði hluti náms í hagfræði. Önnur grunnnámskeið eru til dæmis vinnumarkaðshagfræði, alþjóðahagfræði og leikjafræði. Á haustönn þriðja árs er þriggja vikna námskeið þar sem nemendur vinna hagnýtt rannsóknarverkefni.
Annirnar skiptast í tvær lotur. Fyrri lotan er 12 vikur og taka nemendur þá fjögur námskeið. Eftir fyrri lotu eru lokapróf og að þeim loknum hefst þriggja vikna lota og þá taka nemendur eitt námskeið. Aðeins er leyfilegt að skrá sig í eitt námskeið í hverri þriggja vikna lotu.
Tekið er við umsóknum 5. febrúar - 5. júní ár hvert.
Umsækjandi þarf að hafa lokið stúdentsprófi eða samsvarandi námi. Aðrar prófgráður koma til greina og eru skoðaðar sérstaklega.
Umsækjendur fylla út rafræna umsókn og fylgigögnum skal skila inn í sama umsóknarkerfi. Eftirfarandi gögn þurfa að fylgja umsókn:
Ef umsækjandi hefur ekki lokið stúdentsprófi eða öðrum nauðsynlegum undirbúningi er hægt að ljúka eins árs undirbúningsnámi fyrir háskóla í Háskólagrunni HR. Umsækjendur velja sérstakan viðskiptagrunn sem býr þá vel undir nám í hagfræði. Í Háskólagrunni er jafnframt hægt að bæta einingum við stúdentspróf í stærðfræði til að uppfylla inntökuskilyrði.
Ekki er opið fyrir umsóknir um áramót. Undantekningar eru mögulegar ef nemandi í HR óskar eftir að skipta um námsbraut og uppfyllir inntökuskilyrði í hagfræði. Einnig ef nám í hagfræði hefur verið stundað í öðrum háskóla.
Ef umsækjandi hefur lokið námskeiðum á háskólastigi er hægt að sækja um mat á fyrra námi.
Reglur og eyðublað vegna mats á fyrra námi.
