Kraftur kvenna
Að styrkja konur með vísindamiðaðri innsýn í næringu, lífeðlisfræði og frammistöðu
Þar sem vísindi mæta hreyfingu …
Vísindamiðuð þekking um næringu, lífeðlisfræði og frammistöðu – fyrir konur sem vilja fá meira út úr sinni hreyfingu.
Fuelling Females er nýtt verkefni á vegum Háskólans í Reykjavík, styrkt af Íþróttasjóði. Markmiðið er að brúa þekkingarbilið þegar kemur að heilsu, hreyfingu og frammistöðu kvenna og gera nýjustu vísindalegu þekkingu aðgengilega og hagnýta.
Kraftur kvenna (e. Fuelling Females) er ókeypis fræðsluvettvangur sem hjálpar konum að skilja líkama sinn betur, þjálfa markvissar og styðja betur við endurheimt, heilsu og frammistöðu.
Af hverju Kraftur kvenna?
Lífeðlisfræði kvenna er að mörgu leyti frábrugðin lífeðlisfræði karla. Þrátt fyrir það hafa rannsóknir í íþróttavísindum og ráðleggingar um næringu og þjálfun lengi að miklu leyti byggst á rannsóknum á körlum.
Krafur kvenna vill stuðla að breytingum.
Í stuttum og aðgengilegum netfyrirlestrum miðla sérfræðingar gagnreyndri þekkingu sem hægt er að nýta í daglegri hreyfingu og íþróttaiðkun. Þar tengjast saman nýjustu rannsóknir, reynsla úr raunverulegum aðstæðum og hagnýt fræðsla sem styður konur við að taka upplýstar ákvarðanir um eigin þjálfun, næringu, heilsu og frammistöðu.
Komdu forvitin. Farðu fróðari. Nærðu möguleika þína.
Chris er dósent í íþróttafræði við Háskólann í Reykjavík. Hann stundar virkar rannsóknir á sviði íþrótta-, hreyfi- og árangursfræði. Doktorsrannsókn hans beindist að lífeðlisfræðilegum þáttum og næringu hjá íþróttakonum. Auk starfa sinna í akademíunni hefur hann starfað sem næringarráðgjafi fyrir íþróttafólk í atvinnumennsku, bæði karla og konur, meðal annars í ensku úrvalsdeildinni í knattspyrnu og á alþjóðavettvangi í rúgbý.
Aðrir hlekkir
- ÍSÍ (ÍSÍ)
- UMFI (Ungmennafélag Íslands)
- Konur í íþróttum - fræðsluþáttaröðtil að auka fræðslu og þekkingu með það að leiðarljósi að hámarka frammistöðu, draga úr líkum á meiðslum og stuðla að bættri heilsu og velsæld íþróttakvenna á öllum aldri.
- Gatorate Sport Science Institute - Practical Approaches to Nutrition for Female Athletes
Allir fræðslufyrirlestrarnir
Þetta myndband kynnir „Fuelling Female“-fyrirlestraröðina, gerir grein fyrir viðfangsefnunum og veitir bakgrunnsupplýsingar um verkefnið.
Í þessu myndbandi er fjallað um bestu leiðirnar til að hámarka næringu eftir íþróttaiðkun og hreyfingu, ásamt hagnýtum ráðum og leiðum til að mæta þörfum líkamans við endurheimt.
Í þessu myndbandi er fjallað um mikilvæg atriði varðandi næringu fyrir konur sem stunda líkamsrækt, ásamt hagnýtum ráðum og leiðum til að bæta heilsuna.
Í þessu myndbandi er fjallað um helstu þætti er varða orkujafnvægi hjá konum sem stunda líkamsrækt, ásamt hættunni sem fylgir lítilli orkuframboðsgetu og áhrifum þess á líkamlega frammistöðu.
Í þessu myndbandi er fjallað um helstu atriði varðandi mikilvægi vökvainntöku og hvernig hún getur bætt árangur við æfingar.
Í þessu myndbandi er fjallað um tíðahringinn og líkamlega frammistöðu við æfingar. Farið er yfir lífeðlisfræðilega þætti tíðahringsins og hlutverk hormóna, auk þess sem skoðaðar eru upplýsingar um hvort rannsóknir gefi til kynna að tíðahringurinn hafi áhrif á frammistöðu við æfingar.
Í þessu myndbandi er fjallað um bestu leiðirnar til að næra líkamann fyrir íþróttaiðkun og hreyfingu, ásamt hagnýtum ráðum og leiðum til að mæta næringarþörfinni.
Fyrirvari um fræðslu
Þessi myndbönd eru eingöngu í fræðsluskyni og fjalla um almennar næringarreglur sem tengjast hreyfingu og líkamlegri virkni. Þau eru ekki persónuleg næringarráðgjöf, læknisfræðileg ráð, klínísk greining eða meðferðarráðleggingar. Ráðfærðu þig alltaf við hæfan heilbrigðisstarfsmann varðandi þínar eigin heilsufars- og næringarþarfir.