• Undanfari: Enginn
• Aldur: 7 - 10 ára

Um námskeiðið

Um námskeiðið 

Á námskeiðinu fá nemendur tækifæri til að skapa og hanna heilu landsvæðin í Minecraft. Nemendur fá að vinna á Íslandi í Minecraft sem er nákvæm eftirlíking af Íslandi. 

Það þarf að huga að ýmsu við hönnun landsvæða og því er nauðsynlegt að halda hugarflugsfundi, skipulagsfundi, vinna í teymum og skipta með sér verkum. Nemendur fá að kynnast ýmsum byggingarstílum, listformum og brellum sem hægt er að nota í Minecraft.  

Námskeiðið er ætlað þeim sem hafa einhverja reynslu af Minecraft spilun og langar að kafa dýpra í hönnunarhluta leiksins. Til þess að taka fullan þátt á námskeiðinu er nauðsynlegt að nemendur hafi keyptan aðgang að Java útgáfu leikjarins (minecraft.net) og kunni notendanafn sitt og lykilorð.  

ATH: Á Minecraft námskeiðum Skema er spilað á einkaserver sem aðeins nemendur og þjálfarar Skema fá aðgang að. Þjálfarar hafa umsjón með samskiptum á servernum og stjórna því hverjir fá að tengjast servernum, engir utanaðkomandi aðilar fá aðgang að serverum Skema. 

Þessi síða er ekki að bjóða opinbera Minecraft® vöru. Háskólinn í Reykjavík er ekki tengdur Mojang né Microsoft. 

Útinám og hreyfing
Nemendur taka þátt í forritunartengdum ratleik utandyra þar sem þeir leysa þrautir og fylgja vísbendingum sem tengjast kóðun og rökhugsun. Verkefnin fara fram í nærumhverfi Háskólans í Reykjavík og efla samvinnu, sköpun, hreyfingu og heilbrigða skjánotkun. Sumarnámskeiðið er jafnframt umfangsmeira en áður með nýjum og spennandi verkefnum.

Systkinaafsláttur
Við bjóðum 15% systkinaafslátt sem auðveldar fjölskyldum að skrá fleiri en eitt barn á námskeiðin.