Háskólinn í Reykjavík, í samstarfi við ÍSÍ og UMFÍ, býður til málstofu þar sem ný fyrirlestraröð, Kraftur kvenna e(.Fuelling Females), verður formlega kynnt.

Málstofan verður í stofu V101, fimmtudaginn 20. ágúst frá 16:00 - 17:30. Boðið verður upp á létta veitingar eftir og er skráning því nauðsynleg.

Markmið verkefnisins er að efla konur í hreyfingu og íþróttum með því að miðla gagnreyndri og hagnýtri þekkingu um næringu, heilsu og lífeðlisfræði kvenna.

Viðburðurinn er ætlaður öllum sem hafa áhuga á hreyfingu og heilsu – hvort sem um er að ræða íþróttakonur, þjálfara, fagfólk eða konur sem stunda hreyfingu sér til heilsubótar.

Dagskrá | 16:00–17:30

Kynning á Fuelling Females og opnun vefsíðu verkefnisins
Christofer Curtis, íþróttanæringarfræðingur og dósent við íþróttafræðideild Háskólans í Reykjavík.

Fræðsluerindi: Næring íþróttakvenna
Christofer Curtis fjallar um næringu íþróttakvenna og hvernig rétt næring getur stutt við heilsu, vellíðan og frammistöðu.

Pallborðsumræður: Næring kvenna á hreyfingu – hvað getum við lært af reynsluboltum?

Silja Úlfarsdóttir stýrir pallborðsumræðum þar sem reynsla úr afreksíþróttum, næringarfræði, þjálfun og almennri heilsurækt verður í forgrunni.

Í pallborði sitja:

• Sara Sigmundsdóttir – atvinnukona í CrossFit
• Eygló Fanndal – Íþróttamaður ársins
• Ágústa Edda Björnsdóttir – margfaldur Íslandsmeistari í hjólreiðum
• Agnes Þóra Árnadóttir – fyrrverandi knattspyrnukona og næringarfræðingur
• Erla Guðmundsdóttir – íþróttafræðingur, heilsumarkþjálfi og stjórnandi hlaðvarpsins Með lífið í lúkunum

17:30 | Skál fyrir Fuelling Females

Að málstofunni lokinni verður skálað fyrir verkefninu. Boðið verður upp á létta drykki og veitingar og gestum gefst tækifæri til að hittast, spjalla og ræða efni málstofunnar.

Skráning er nauðsynleg.
Skráning fer fram hér

Staðsetning

Háskólinn í Reykjavík
Stofa V101

Verkefnið er styrkt af íþróttasjóði