Fimmtudaginn 16. september verður haldin málstofa í stofu M208 í HR um almannatengsl og lög í krísustjórnun. Andrés Jónsson almannatengill og Halldóra Þorsteinsdóttir lektor við lagadeild HR fjalla um viðbrögð í krísum og hvernig lagaumhverfið horfir við slíkum aðstæðum, m.a. út frá tjáningarfrelsi og æruvernd. Opni háskólinn stendur fyrir málstofunni í samstarfi við viðskiptadeild HR. 

https://vimeo.com/604020002

• Halldóra Þorsteinsdóttir er héraðsdómari við Héraðsdóm Reykjaness og lektor við lagadeild Háskólans í Reykjavík. Kennslugreinar hennar hafa einkum verið: Fjölmiðlaréttur, sakamálaréttarfar, neytendaréttur og kröfuréttur.
• Andrés Jónsson er stofnandi og eigandi Góðra samskipta og kennari í námskeiði Opna háskólans um stafræna markaðssetningu. 
• Fundarstjóri: Valdimar Sigurðsson, prófessor og kennari í námslínu um stafræna markaðssetningu hjá Opna háskólanum.