PDF bæklingur: Rekstrarfræði
Einstaklingar með iðnmenntun, starfsreynslu og þekkingu á rekstri fyrirtækja eru eftirsóttir í atvinnulífinu. Diplómanám í rekstrarfræði er stutt og hagnýtt rekstrar- og viðskiptanám, sérstaklega sniðið að einstaklingum á vinnumarkaði.
Námið miðar að því að auka færni þeirra sem vilja koma að rekstri og stjórnun, þeirra sem eru í fyrirtækjarekstri eða hyggjast fara út í rekstur.
Námsbrautin hét áður rekstrariðnfræði og var framhaldsnám fyrir þá sem höfðu lokið iðnfræðinámi við HR. Rekstrarfræði er hagnýtt diplómanám sem er opið fleirum en aðeins þeim sem eru með diplómagráðu í iðnfræði.
Lesa meira um inntökuskilyrðin
Í diplómanáminu hljóta nemendur almenna þekkingu og skilning á undirstöðuatriðum í fjármálum fyrirtækja, hagfræði, fjármálastjórn, rekstrargreiningu, nýsköpun og stofnun fyrirtækja og mannauðsstjórnun. Lögð er megináhersla á að nemendur vinni hagnýt, raunhæf verkefni sem byggja á þekkingu kennara úr atvinnulífinu og auka hæfni nemenda á þessum sviðum.
HR útskrifar flesta nemendur í tæknigreinum á háskólastigi á Íslandi. Í tækninámi við HR er lögð sérstök áhersla á verklega hluta námsins við kennslu undirstöðugreina og hagnýtra fag- og tæknigreina. Iðn- og tæknifræðideild er aðili að alþjóðlegu samstarfsneti um þróun tæknináms sem kallast CDIO (e. Conceive, Design, Implement, Operate). Í netinu eru um 100 framsæknir háskólar og megináhersla er lögð á gæði náms í tæknigreinum með því að setja undirstöðugreinar í samhengi við raunveruleg viðfangsefni.
Í háskólabyggingu HR er lesaðstaða og bókasafn, aðstaða til verklegrar kennslu, hópavinnuherbergi, mötuneyti, náms- og starfsráðgjöf og önnur þjónusta við nemendur.
Húsnæði Háskólans í Reykjavík býður upp á afar góða aðstöðu til kennslu, lesturs og samvinnu nemenda. Kennslustofur eru vel búnar og nemendur geta nýtt sér hópavinnuherbergi. Almenn aðstaða er opin nemendum allan sólarhringinn. Sjá fleiri myndir af aðstöðunni í HR.
Í háskólabyggingunni er greiður aðgangur að náms- og starfsráðgjöf, alþjóðaskrifstofu og tækniaðstoð. Á bókasafninu er góð og fjölbreytt vinnuaðstaða.
Bókfærsla og reikningshald, Fjármál fyrirtækja og Fjármálastjórn
Hagfræði
Nýsköpun og stofnun fyrirtækja
Stjórnun, rekstur og öryggi
Rekstrargreining
45 ECTS
Lengd náms
3 annir
Kennt er í fjarnámi með staðarlotum sem gerir nemendum kleift að stunda námið samhliða vinnu.
| 1. önn - haust (18 ECTS einingar) | 2. önn - vor (16 ECTS einingar) | 3. önn - haust (11 ECTS einingar) |
|---|---|---|
| AI RGR 1003 Rekstrargreining | ||
| AI FJM 1003 Fjármál fyrirtækja | AI STJ 1003 Stjórnun, rekstur og öryggi | AI MST 1001 Mannauðsstjórnun |
| AI FJS 1003 Fjármálastjórn |
Útskrifaðir iðnfræðingar geta fengið námskeiðin AI REH 1003 Bókfærsla og reikningshald og AI STJ 1003 Stjórnun, rekstur og öryggi metin inn í námið.
Starfslotur eru tvisvar á önn, sú fyrri í upphafi annar og sú síðari þegar 7 vikur eru liðnar af önninni.
Inntökuskilyrði eru að hafa lokið einu af eftirfarandi:
eða með stúdentspróf / 4. stigs vélstjórnarpróf, og hafa að lágmarki fimm ára reynslu af rekstri fyrirtækis (umsóknir þeirra einstaklinga verða metnar sérstaklega).
Tekið er við umsóknum fyrir haustönn frá 5. febrúar til 5. júní ár hvert.
Vinsamlega hafið samband ef spurningar vakna.
hjordislh(hja)ru.is
Sími: 599 6480
