Háskólagarðar HR

Húsnæði fyrir nemendur HR við Nauthólsveg

Háskólagarðar Háskólans í Reykjavík standa við Nauthólsveg 83-85, við rætur Öskjuhlíðar. Háskólagarðarnir standa af tveimur 4-5 hæða íbúðarkjörnum. Í boði eru 252 íbúðir fyrir námsmenn. 

• Nánari upplýsingar og reglur um úthlutun eru á vef HR .
• Byggingafélag námsmanna sér um móttöku og afgreiðslu umsókna. Sótt er um á vef þeirra bn.is .

Íbúðir

Háskólagarðar HR bjóða til leigu samtals 252 íbúðir í tveimur íbúðarkjörnum við Nauthólsveg 83-85. Íbúðirnar eru allar með sér inngangi og stigagöngum úti. Í kjallara eru þvottahús, geymslur, vagna- og hjólageymslur. Í íbúðargarðinum eru hjólaskýli, aðstaða til íþróttaiðkunar (teygjubekkir), kolagrill, setbekkir og opin svæði. 

Í boði eru eftirfarandi kostir fyrir nemendur:

Einstaklingsherbergi

• Stærð herbergja: 26 - 27 m²
• Lýsing: Herbergið er með litlum eldhúskróki með áhöldum og sér baðherbergi. Aðgangur er að stóru sameiginlegu eldhúsi, mat- og samkomusal og svölum.
• Hvað fylgir: Með herberginu fyrir rúm sem er 120x200, skrifborð, stóll og gluggatjöld. Einstaklingsherbergi deila með sér fullbúnu eldhúsi með öllum búnaði sem þarf í eldhús, leirtau, potta og pönnur (hver hæð 12 herbergi). Þá fylgja geymsluskápar fyrir einstaklingsherbergin sem eru staðsettir í kjallara. 
• Mánaðarleiga: Er vísitölutengd ( Innifalið í leigunni er hússjóður, hiti, og rafmagn). 
• Frekari upplýsingar um leiguna má finna inni á vef BN.

Einstaklingsíbúðir

• Stærð íbúða: 36 - 43 m² 
• Lýsing: Í íbúðinni er eitt svefnherbergi, stofa með eldhúskróki, sér baðherbergi og svalir.
• Mánaðarleiga: Er u.þ.b. 128.000 kr. og er vísitölutengd ( Innifalið í leigunni er hússjóður, hiti, og rafmagn).

Paraíbúðir 

• Stærð íbúða: 43 - 60 m² 
• Lýsing: Í íbúðinni er eitt svefnherbergi, stofa með eldhúskróki, sér baðherbergi og svalir.
• Mánaðarleiga: Er vísitölutengd ( Innifalið í leigunni er hússjóður, hiti, og rafmagn). 
• Frekari upplýsingar um leiguna má finna inni á vef BN.

Fjölskylduíbúðir

• Stærð íbúða: 74 - 78 m² 
• Lýsing: Í íbúðinni eru tvö svefnherbergi, stofa með eldhúskróki, sér baðherbergi og svalir.
• Mánaðarleiga:  Er vísitölutengd ( Innifalið í leigunni er hússjóður, hiti, og rafmagn). 
• Frekari upplýsingar um leiguna má finna inni á vef BN.

Innifalið í leigu

• Hússjóður
• Hiti
• Rafmagn
• Þráðlaust net er í öllum rýmum
• Ísskápar og eldavélar eru í eldhúsum allra íbúðanna
• Einstaklingsherbergi deila með sér fullbúnu eldhúsi með öllum búnaði sem þarf í eldhús. Leirtau, pottar og pönnur (hver hæð 12 herbergi).
  
• Geymsla fylgir með hverri íbúð og er þær að finna í kjallaranum. 
• Einstaklingsherbergjum fylgja geymsluskápar í kjallara.
• Í íbúðargarðinum eru hjólaskýli, aðstaða til íþróttaiðkunar (teygjubekkir), kolagrill, setbekkir og opin svæði 
  
• Í kjallara eru þvottahús, geymslur og vagna- og hjólageymslur.
• Bílastæði eru reiknuð sem 0,2 bílastæði pr. leigueiningu. (m.v. nr. M83 og M85 samtals 52).

Hvernig sæki ég um?

Byggingafélag námsmanna sér um útleigu á íbúðum og herbergjum til nemenda HR. Sótt er um Háskólagarða HR á vefsíðunni: bn.is

• Nýnemar geta skráð sig þegar þeir hafa fengið staðfestingu á námi.
• Núverandi nemendur geta skráð sig á bn.is.
• Úthlutunarreglur HR er að finna á vef bn.is

Fyrir leigjendur

Fylgist með nýjustu tilkynningum og upplýsingum á ykkar Heimasvæði á vef BN:

• Innskráning

Gagnlegar upplýsingar

• Netið er á vegum HR og hægt er að fá aðstoð með því að senda póst á help@ru.is
• Þvottahúsið er í kjallaranum, C-megin í húsinu. Hægt er að nota vélarnar kl. 7-22.
• Við hvetjum leigjendur til að vera með lykil í símanum og pílu til öryggis ef annað hvort týnist eða virkar ekki tímabundið. Appið heitir Openow og þarf að nota sama netfang og skráð er á umsóknin sem send var inn til BN. Pílur er hægt að fá á skrifstofu BN í Skeifunni.
• Geymsla fylgir með hverri íbúð og er þær að finna í kjallaranum.
• Hjólageymslur eru í öllum stigagöngum hússins. Hjólageymslur í B og C húsi eru í kjallara en í A húsi á 1.hæð. Athugið að hluti af íbúðum C-hússins (vesturhluti) er með aðgengi að hjólageymslu í B-stigagangi. Er það gert til að dreifa álagi á hjólageymslurnar.
• Verið er að vinna í að skrá inn fastanúmer fyrir íbúðirnar en þar til þau eru tilbúin geta leigjendur notað 232-7996 til þess að sækja um húsaleigubætur á www.husbot.is.
• Fjöldi bílastæða við Háskólagarða HR er takmarkaður samkvæmt deiliskipulagi Reykjavíkurborgar. Miðað er við að aðeins lítill hluti íbúa sé á bíl. Gert er ráð fyrir 1 bílastæði á hverjar 5 íbúðir. 
  

• Nemendur Háskólans í Reykjavík geta hlaðið rafmagnsbíla sína í tólf hleðslustæðum sem búið er að koma upp við háskólann í Reykjavík í samstarfi við Hlaða ehf.

  Þeir nemendur sem hyggjast nýta sér þjónustuna þurfa að skrá sig á síðunni hlada.is/hr. HR býður notendum upp á fría hleðslu í tvo tíma en eftir það verður tekið stöðugjald fyrir hvern tíma.

• Stutt er í göngu- og útivistarperlur í Öskjuhlíð og Nauthólsvík auk þess sem fyrirhuguð Borgarlína mun fara um svæðið.
• Það eru Kanon arkitektar sem hanna byggingarnar og verktaki er Jáverk.