Klínísk sálfræði MSc
MSc-nám í klínískri sálfræði veitir nemendum faglega þjálfun í helstu störfum sálfræðinga. Með miðlun þekkingar, leikni og hæfni miðar námið að því að gera nemendur að fjölhæfum sálfræðingum sem eru faglega búnir undir breitt svið sálfræðilegrar þjónustu, bæði á Íslandi og erlendis.
Um námið
Helstu svið sálfræðinnar
Efni og uppbygging námsins er svipuð námi í klínískri sálfræði erlendis, sérstaklega á Norðurlöndum (cand. psych gráða). Nemendum er veitt þjálfun á sviði sálfræði fullorðinna, sálfræði barna, unglinga- og fjölskyldna og þroskahömlunar, taugasálfræði og/eða endurhæfingar. Námið sameinar grundvallarsvið klínískrar sálfræði og helstu gagnreyndu nálganir hugrænnar atferlismeðferðar og hagnýtrar atferlisgreiningar.
Námið
MSc-nám í klínískri sálfræði er tveggja ára nám, 120 einingar, og fer kennslan fram á íslensku og ensku. Kennslu annast fastráðnir kennarar við sálfræðisvið HR ásamt íslenskum og erlendum sérfræðingum á sviði sálfræði. Námið hefur hlotið viðurkenningu mennta- og menningarmálaráðuneytisins og uppfyllir kröfur íslenskra laga um starfsemi sálfræðinga.
Hvað segja nemendur?
„Ein helsta ástæða þess að ég valdi HR var sú fagmennska sem mætti mér strax í viðtalinu áður en ég fékk inngöngu í námið. Kennarnir eiga náið og gott samstarf við nemendur og það er gott aðgengi að þeim auk þess að öll samskipti eru á jafningjagrundvelli. Það besta við námið er að fara á þrjá mismunandi staði í starfsnám, þannig fær maður tækifæri til að viða að sér upplýsingum úr mismunandi áttum og mögulega finna fyrir áhuga á einhverju sem maður hafði ekki veitt athygli áður."
Þórarinn Freyr Grettisson
Meistaranemi í klínískri sálfræði
„Kennararnir hafa mikil og góð tengsl við atvinnulífið. Margir þeirra eru starfandi sem klínískir sálfræðingar. Þessi tenging finnst mér mjög góð og mikilvæg þar sem kennararnir geta gefið mikið af sér og reynsla þeirra er okkur lærdómsrík. Starfsnám á þremur önnum er mjög hagnýtt og gefur góð tengsl inn í atvinnulífið bæði á starfssviði fullorðins- og barnasálfræði. Það kom mér einnig á óvart hvað námsumhverfið er afslappað og vingjarnlegt.“
Berglind Jóna Jensdóttir
Meistaranemi í klínískri sálfræði
„Það eru ótrúlega fjölbreyttir kennarar sem kenna námskeiðin, mikið af frábærum íslenskum fagmönnum sem (því miður) starfa erlendis og koma til að kenna áfangana. Þetta eru kennarar sem vinna við það sem þeir kenna og hafa ótrúlega reynslu sem þeir koma og miðla til nemenda. Aðrir kennarar sem starfa á Ísland eru alveg jafn frábærir og gera námið fjölbreytilegt og fræðandi.“
Sigurbjörg Sigurpálsdóttir
Meistaranemi í klínískri sálfræði
„Það sem kom mér mest á óvart í upphafi var hversu fjölbreytt námsmat í kennslustundum var, ekki eingöngu lokapróf sem á að meta alla getu heldur snýst námið að mestu um færni og að geta nýtt sér það sem við lesum á vinnustað og leggur skólinn mikla áherslu á það. Þess vegna er námsmatið öðruvísi en við venjumst í grunnnáminu, og gerir það námið miklu líflegra en ég hélt í upphafi.“
Petra Lind Sigurðardóttir
Meistaranemi í klínískri sálfræði
„Námið er mjög hagnýtt og mikið er lagt upp úr því að nemendur vinni sjálfstætt en á sama tíma í miklu samstarfi við kennarana. Við förum í starfsþjálfun strax á annarri önn sem gefur okkur tækifæri á að öðlast dýrmæta starfsreynslu. Við vinnum verkefni sem fá okkur til að stíga út fyrir þægindarammann og undirbúa okkur enn frekar fyrir störf að námi loknu.“
Hildur Ósk Gunnlaugsdóttir
Meistaranemi í klínískri sálfræði
Vottuð námskeið í atferlisgreiningu
Námskeiðin í hagnýtri atferlisgreiningu eru hluti af námskeiðaröð sem uppfyllir bóklegan hluta náms sem veitir sérfræðivottun í atferlisgreiningu (Board Certified Behaviour Analyst Examination).
Frekari upplýsingar má finna á vefsíðu BACB.
Fylgstu með
Hafðu samband
Að námi loknu
Lögverndað starfsheiti
MSc-nám í klínískri sálfræði er nám til starfsréttinda sálfræðings, starfsleyfi er þó ekki veitt fyrr en að lokinni 12 mánaða verklegri þjálfun undir leiðsögn sálfræðings.
Embætti landlæknis sér um að veita lögverndaða starfsheitið sálfræðingur.
Hvað segja útskrifaðir nemendur?
Bára Hálfdanardóttir
MSc í klínískri sálfræði frá HR 2018
Starf: Sálfræðingur á fagsviði yngri barna hjá Greiningar- og ráðgjafarstöð ríkisins (GRR)
„Til okkar koma börn á leikskólaaldri sem vísbendingar eru um að séu með einkenni einhverfu, þroskahömlun eða aðrar þroskaraskanir. Ég legg fyrir þroskamælingar, tek viðtöl við foreldra og vinn úr spurningalistum og öðrum gögnum frá foreldrum og leikskólum. Námið við HR undirbjó mig vel fyrir þetta starf þar sem mikil áhersla var á hagnýta atferlisgreiningu og fjölbreytt verknám.“
Heiða Rut Guðmundsdóttir
MSc í klínískri sálfræði 2016
Starf: Sálfræðingur hjá Landspítala
„Námið í HR gaf mér góða og hagnýta þekkingu í greiningu og meðferð geðrænna vandamála. Ég tel áhersluna á hugræna atferlismeðferð og hagnýta atferlisgreiningu veita góðan grunn. Helstu kostir námsins að mínu mati eru áhersla á þekkingu og færni í sálfræðimeðferð og fjölbreytt starfsþjálfun. Að fara á þrjá ólíka staði í starfsþjálfun veitir manni innsýn inn í fjölbreytt störf sálfræðinga og þjálfun á mismunandi sviðum. Kennarar við námið eru sérfræðingar á sínu sviði og hafa gjarnan klíníska reynslu sem gerir kennsluna hagnýta og áhugaverða. Í dag starfa ég sem sálfræðingur á Landspítala en þar sinni ég greiningum, einstaklings- og hópmeðferðum. Ég tel að námið í HR hafi verið mjög góður undirbúningur fyrir starfið.
Sævar Már Gústavsson
MSc í klínískri sálfræði 2016
Starf: Sálfræðingur hjá Flensborgarskóla og PhD nemi við HR
„MSc-nám í klínískri sálfræði við Háskólann í Reykjavík veitti mér þá þekkingu sem er nauðsynleg til að starfa sem klínískur sálfræðingur og rannsakandi. Áhersla á hugræna atferlismeðferð, atferlisgreiningu og sterk tengsl við sérfræðinga starfandi innanlands og utanlands eru helstu styrkleikar námsins. Í dag starfa ég sem sálfræðingur í framhaldsskóla og stundakennari við sálfræðisvið HR. Einnig rek ég eigið fyrirtæki ásamt þremur öðrum sálfræðingum, en fyrirtækið vinnur að þróun netlausna í sálfræðiþjónustu. Auk þess er ég að vinna að framhaldsrannsókn í kjölfar meistararitgerðarinnar minnar.“
Aðstaða
Þjónusta og góður aðbúnaður
Öll kennsla fer fram í háskólabyggingu HR. Þar eru jafnframt hópavinnuherbergi, mötuneyti, náms- og starfsráðgjöf og önnur þjónusta við nemendur.
Rannsóknaraðstaða
Nemendur í sálfræði hafa meðal annars aðgang að fullbúinni rannsóknarstofu sem býður upp á ýmsa möguleika þegar kemur að framkvæmd sálfræðilegra tilrauna og rannsókna. Einnig eiga nemendur kost á að nota rannsóknarbíl sálfræðinnar.
Rannsóknarbíllinn
Bíllinn er hreyfanleg rannsóknarstofa sem sálfræðisvið HR lét útbúa og er einn sinnar tegundar hér á landi. Rannsóknarbíllinn er sérútbúinn með tölvum og ýmiss konar rannsóknarútbúnaði eins og til dæmis „Finometer Pro“ sem mælir meðal annars blóðþrýsting, blóðflæði og hjartslátt.
Kennslustofur og lesherbergi
Húsnæði Háskólans í Reykjavík býður upp á afar góða aðstöðu til kennslu, lesturs og samvinnu nemenda. Kennslustofur eru vel búnar og nemendur geta nýtt sér hópavinnuherbergi. Almenn aðstaða er opin nemendum allan sólarhringinn. Sjá fleiri myndir af aðstöðunni í HR.
Góð þjónusta
Í háskólabyggingunni er greiður aðgangur að náms- og starfsráðgjöf, alþjóðaskrifstofu og tækniaðstoð. Á bókasafninu er góð og fjölbreytt vinnuaðstaða. Safnið býður aðgang að bókum og fræðigreinum og upplýsingafræðingar eru með opna tíma þar sem nemendur geta litið við og fengið ráðleggingar og aðstoð vegna heimildavinnu.
Verslanir og kaffihús
Í HR er Háskólabúðin sem selur nauðsynjavörur, kaffihús, æfingasalur World Class og Málið veitingasala.
Kennarar
Kennarar í klínískri sálfræði
Nemendur í sálfræði njóta leiðsagnar öflugra vísindamanna og sérfræðinga á fagsviðinu, stundakennara og gestafyrirlesara með sérfræðiþekkingu úr atvinnulífinu. Lögð er áhersla á góð samskipti nemenda og kennara, faglega kennslu í smærri hópum og einstaklingsmiðaða leiðsögn.
Ailsa Russell
Stundakennari
Anna Ingeborg Pétursdóttir
Stundakennari
Dósent við sálfræðideild Texas Christian University.
Anna Kristín Newton
Stundakennari
Viðbótarnám í klínískri sálfræði frá Háskóla Íslands.
BA í sálfræði frá Háskóla Íslands.
Baldur Heiðar Sigurðsson
Stundakennari
Sálfræðingur á geðsviði Landspítala.
Berglind Sveinbjörnsdóttir
Lektor
PhD í atferlisgreiningu frá Western New England University og MSc í Hagnýtri atferlisgreiningu frá Northeastern University, Boston.
Sérfræðiviðurkenning í atferlisgreiningu, BCBA.
Brynjar Halldórsson
Stundakennari
PhD frá University of Bath, UK.
Sérfræðiviðurkenning í hugrænni atferlismeðferð, BABCP.
Nýdoktor og klínískur sálfræðingur við Anxiety and Depression in Young People Research Unit (AnDY) við University of Reading, UK.
Cathy Randle-Phillips
Stundakennari
Lektor við University of Bath.
Nánari upplýsingar.
Einar Þór Ingvarsson
Stundakennari
MS í atferlisgreiningu frá University of North Texas.
Sérfræðiviðurkenning í atferlisgreiningu, BCBA-D.
Rannsóknarprófessor í atferlisgreiningu við University of North Texas.
Stýrir einhverfusviði við Child Study Center í Fort Worth, Texas.
Guðmundur Skarphéðinsson
Stundakennari
MSc í stjórnun og stefnumótun, viðskiptafræðideild, Háskóla Íslands.
Cand.psych. frá Háskóla Íslands.
Sálfræðingur og rannsakandi hjá Center for Child and Adolescent Mental Health Eastern and Southern Norway.
Heiðdís Valdimarsdóttir
Prófessor
Inga Dóra Sigfúsdóttir
Prófessor
Rannsóknarprófessor við Department of Health and Behavior Studies, TC, Columbia University.
Framkvæmdastjóri Rannsóknar og greiningar.
Jón Friðrik Sigurðsson
Prófessor
MSc í heilsusálfræði frá University of Stirling, Skotlandi.
Prófessor við sálfræðisviði HR og læknadeild HÍ.
Linda Bára Lýðsdóttir
Forstöðumaður MSc-náms í klínískri sálfræði.
BA í sálfræði frá Háskóla Íslands.
Sálfræðingur við kvennadeild Landspítala.
Magnús Blöndahl Sighvatsson
Stundakennari
Sálfræðingur á geðsviði Landspítala.
Sérsvið: Klínísk sálfræði, sálfræðilegt mat geðraskana og hugræn atferlismeðferð.
María K. Jónsdóttir
Dósent
Sérfræðiviðurkenning í klínískri taugasálfræði.
Klínískur taugasálfræðingur á minnismóttöku Landspítalans á Landakoti.
Paul Salkovskis
Heiðursprófessor
Forstöðumaður doktorsnáms í klínískri sálfræði við Bath University.
Pétur Tyrfingsson
Stundakennari
Sálfræðingur á geðsviði Landspítala.
Simon Dymond
Prófessor
Prófessor við sálfræðisvið HR og Swansea University.
Sævar Már Gústavsson
Stundakennari
BSc í sálfræði frá Háskólanum í Reykjavík. Sálfræðingur hjá Sálfræðiþjónustu Háskólans í Reykjavík.
Þorlákur Karlsson
Dósent
Fastir kennarar við sálfræðideild
Skipulag náms
Skipulag
Námið samanstendur af þremur meginhlutum: bóklegu námi, rannsóknarverkefni og verklegri þjálfun.
Námskeið - 68 ECTS
Í námskeiðshlutanum er lögð áhersla á svið klínískrar sálfræði fullorðinna, barna og unglinga og þroskahömlunar. Einnig er boðið upp á námskeið á öðrum sérsviðum svo sem taugasálfræði, áfallasálfræði og réttarsálfræði. Námskeiðin eru ýmist kennd á íslensku eða ensku.
Rannsóknarverkefni - 30 ECTS
Rannsóknarverkefnið felur í sér rannsókn á sviði klínískrar sálfræði. Rannsóknarmarkaður er haldinn á síðari hluta fyrstu annar þar sem rannsakendur frá ýmsum stofnunum í samfélaginu koma í HR og kynna vinnu sína fyrir nemendum. Í framhaldi af því velja nemendur sér verkefni og fá leiðbeinanda/leiðbeinendur. Vinna við rannsóknarverkefnið hefst svo á 2. önn og er unnið á þremur önnum, það er mótað á 2. önn, gagnaöflun fer fram á 3. önn og gagnavinnsla og greinaskrif á 4. önn.
Verkleg þjálfun - 22 ECTS
Allir nemendur fara í verklega þjálfun á 2., 3. og 4. önn í náminu. Á 2. önn fer þjálfunin fram í HR og er markmiðið að þjálfa nemendur í grundvallaratriðum klínískrar vinnu og hugrænnar atferlismeðferðar. Á önnum 3 og 4 fara nemendur svo í starfsþjálfun á mismunandi starfsstöðvum í heilbrigðis- og velferðarkerfinu og á einkastofum, á þremur meginsviðum: 1) sálfræði fullorðinna, 2) sálfræði barna, unglinga og/eða fjölskyldna og 3) sviði þroskahömlunar, taugasálfræði og/eða endurhæfingar.
Sjá skipulag náms og námskeiðslýsingar
1. ár haustönn
- Siðferði, fagmennska og fjölbreytileiki
Sálfræðilegt mat: börn, unglingar og fullorðnir
Afbrigðasálfræði og klínísk sálfræði: börn, unglingar og fullorðnir
- Verklegar æfingar I
1. ár vorönn
- Greining á vanda og mat
- Rannsóknaraðferðir og tölfræði
- Íhlutun og atferlisbreytingarkerfi I
- Hugræn atferlismeðferð II
- Taugasálfræði
- Rannsóknarverkefni I: Rannsóknaraðferðir og rannsóknarsnið
- Verkleg þjálfun undir handleiðslu sálfræðings
2. ár haustönn
- Sálfræðilegt mat II
- Íhlutun og atferlisbreytingarkerfi II
- Vitsmuna- og þroskahömlun
- Klínísk barna og unglingasálfræði
- Rannsóknarverkefni II: Framkvæmd og gagnaöflun
- Verkleg þjálfun undir handleiðslu sálfræðings II
- Áföll og afleiðingar þeirra
2. ár vorönn
- Rannsóknarverkefni III: Úrvinnsla gagna og greinarskrif
- Verkleg þjálfun undir handleiðslu sálfræðings III
Upplýsingar fyrir nemendur
Starfsþjálfun
Starfsþjálfun
Allir nemendur fara í verklega þjálfun á 2., 3. og 4. önn í náminu. Á 2. önn fer þjálfunin fram í HR og er markmiðið að þjálfa nemendur í grundvallaratriðum klínískrar vinnu og hugrænnar atferlismeðferðar. Á önnum 3 og 4 fara nemendur svo í starfsþjálfun á mismunandi starfsstöðvum í heilbrigðis- og velferðarkerfinu og á einkastofum, á þremur meginsviðum: 1) sálfræði fullorðinna, 2) sálfræði barna, unglinga og/eða fjölskyldna og 3) sviði þroskahömlunar, taugasálfræði og/eða endurhæfingar.
Dæmi um starfsþjálfunarstaði:
- Landspítali
- Reykjalundur
- Heilsugæsla höfuðborgarsvæðisins
- Þroska- og hegðunarmiðstöð heilsugæslunnar
- Heilbrigðisstofnun Vesturlands
- Heilbrigðisstofnun Suðurlands
- Heilbrigðisstofnun Suðurnesja
- Ráðgjafar- og greiningarstöð ríkisins
- Barnaverndarstofa
- Barnahús
- Stuðlar
- Þjónustumiðstöðvar Reykjavíkurborgar
- Velferðarsvið Kópavogsbæjar
- Skólaskrifstofa Hafnarfjarðarbæjar
- Skólaskrifstofa Mosfellsbæjar
- Áfalla- og sálfræðimiðstöðin
- Kvíðameðferðarstöðin
- Litla Kvíðameðferðarstöðin
- Sálfræðiþjónusta HR
- Sálstofan
- Sálfræðihúsið
- Domus Mentis
- Heilsuborg
Hvað segja nemendur um starfsþjálfunina?
„Að fara á þrjá ólíka staði í starfsþjálfun veitir manni innsýn inn í fjölbreytt störf sálfræðinga og þjálfun á mismunandi sviðum.“
Heiða Rut Guðmundsdóttir MSc í klínískri sálfræði 2016, sálfræðingur hjá Landspítala.
„Það besta við námið er að fara á þrjá mismunandi staði í starfsnám, þannig fær maður tækifæri til að viða að sér upplýsingum úr mismunandi áttum og mögulega finna fyrir áhuga á einhverju sem maður hafði ekki veitt athygli áður."
Þórarinn Freyr Grettisson, MSc-nemi í klínískri sálfræði.
„Starfsnám á þremur önnum er mjög hagnýtt og gefur góð tengsl inn í atvinnulífið bæði á starfssviði fullorðins- og barnasálfræði.“
Berglind Jóna Jensdóttir, MSc-nemi í klínískri sálfræði.
Inntökuskilyrði
Menntun
Inntökuskilyrði í námið er BA- eða BSc-gráða með a.m.k. 150 ECTS í sálfræði úr námi sem hlotið hefur viðurkenningu mennta- og menningarmálaráðuneytisins eða sambærilegu námi erlendis frá. Einnig er skilyrði að umsækjandi hafi lokið að lágmarki 10 ECTS rannsóknarverkefni í sálfræði.
Í undantekningartilfellum getur viðamikil reynsla við akademískar rannsóknir með framúrskarandi árangri verið metin til jafns við BSc-rannsóknarverkefni. Gerð er krafa um góða færni í íslensku og ensku.
Umsókn og fylgigögn
Umsækjendur fylla út rafræna umsókn og eftirtöldum fylgigögnum skal skila inn í umsóknarkerfið:
- Staðfest afrit af prófskírteini og námsferilsyfirliti.
- Yfirlit yfir náms- og starfsferil (ferilskrá á ensku eða íslensku).
- Greinargerð: Hvers vegna sækir þú um námið og hvert er markmið þitt með náminu? Greinargerð skal vera allt að 300 orð og skilað á pdf-formi í gegnum umsóknarkerfi.
- Matsblað: Að minnsta kosti eitt matsblað á að fylgja umsókn. Matblað skal koma frá einstaklingi sem er hæfur til meta getu umsækjenda til að takast á við námið. Matsblaðið má vera á ensku eða íslensku og á að berast beint frá viðkomandi meðmælanda til verkefnastjóra námsins á netfangið salfraedi@ru.is. Vinsamlega biðjið meðmælanda að fylla út matsblað.
- Matsblað fyrir meðmælendur
- Referee evaluation form
Nemendur þurfa að framvísa sakavottorði við upphaf náms á skrifstofu skólans. Kallað er eftir fyrrnefndum upplýsingum þar sem námið felur í sér verknám á staði þar sem unnið er með viðkvæmum hópum. Á þessum stöðum er almennt óheimilt að ráða inn einstaklinga sem hafa hlotið refsidóm fyrir brot á ákvæðum XXII. kafla almennra hefningarlaga nr. 19/1940. Verknám þetta er mikilvægur þáttur námsins og er forsenda fyrir útskrift úr námslínunni.
Umsóknarfrestur
- Umsóknarfrestur er frá 5. febrúar til 30. apríl.
- Öll gögn verða að berast áður en umsóknarfrestur rennur út.
Hafðu samband
