Örnám

Hvað er örnám?

Örnám er sveigjanlegt námsform sem veitir tækifæri til að bæta við þekkingu eða færni á afmörkuðu sviði – án þess að þurfa að skrá sig í heila prófgráðu.

Það getur verið tilvalið ef:

• auka á sérhæfingu í ákveðnu viðfangsefni
• auka á hæfni í starfi
• aðstæður bjóða ekki upp á að í hefðbundið háskólanám að fullu

Hvernig virkar örnám?

• Örnám samanstendur af stuttum námskeiðum, yfirleitt frá 1 ECTS og upp úr
• Hægt er að taka einstök námskeið eða sameina þau í „pakka“
• Námið uppfyllir allar gæðakröfur sem gerðar eru til náms á háskólastigi
• Skýr hæfniviðmið liggja til grundvallar og lýsa því sem nemandi lærir og öðlast færni í

Þetta er frábært leið fyrir nemendur sem vilja markvissa færni, án þess að stefna að prófgráðu að svo stöddu. Einnig hentar það þeim sem vilja byggja ofan á fyrri reynslu og nám.

Í lok náms

Við lok námskeiðs eða námsleiðar fær nemandi staðfestingu á námslokum, þar sem fram koma meðal annars:

• Heiti námskeiðs eða námsleiðar
• ECTS einingafjöldi
• Hæfniviðmið og námsniðurstöður

Slík staðfesting getur nýst sem hluti af námsferli, við atvinnuleit eða sem grunnur fyrir frekara háskólanám. Örnám getur jafnframt verið metið inn í prófgráðu á sama námsstigi síðar meir.

Fyrir hverja er þetta?

Örnám er í boði bæði á grunn- og framhaldsstigi. Inntökuskilyrði eru þau sömu og gilda fyrir hefðbundið nám á sama stigi innan Háskólans í Reykjavík.

Það hentar fjölbreyttum hópi fólks – bæði þeim sem eru að hefja nám, snúa aftur í skóla eftir hlé eða leita að leiðum til að styrkja faglega hæfni sína.

Örnám í boði

​Háskólinn í Reykjavík (HR) býður upp á eftirfarandi örnám:

• Íþróttasálfræði
  Námið er á meistarastigi og er samstarfsverkefni Háskólans í Reykjavík og Háskólans á Akureyri. Námið er fyrsta sinnar tegundar á Íslandi og samanstendur af þremur 10 eininga námskeiðum í íþróttasálfræði.  Nemendur öðlast þekkingu á hvernig hægt er að bæta frammistöðu og velsæld íþróttafólks með aðferðum íþróttasálfræðinnar á mismunandi æviskeiðum sem og í mismunandi umhverfi á heildrænan hátt.  Fjallað verður um íþróttasálfræðilegt mat, hönnun íhlutunar, tengsl geðheilbrigðis og frammistöðu svo eitthvað sé nefnt. Boðið er upp á fjarnám fyrir þetta örnám.
  
• Frammistöðugreining í íþróttum
  Nemendur taka þrjú 10 eininga námskeið sem fjalla á einn eða annan hátt um frammistöðugreiningu sem verður sífellt mikilvægari þáttur í íþróttunum. Nemendur læra að greina frammistöðu  með myndbandagreiningaforritum og íþróttagreiningartækjum (t.d. GPS vesti).  Einnig er nemendum kennt að gera forspá líkön með gagnavinnsluforritum eins og R og Matlab.  Þetta er nám fyrir öll sem hafa áhuga á að hagnýta tækni og gagnavísindi til þess bæta frammistöðu íþróttafólks. 

Þessi námskeið eru þau sömu og kennd eru í meistaranáminu í íþróttavísindum með áherslu á frammistöðugreiningu, sem gerir nemendum kleift að fá þau metin upp í MSc gráðu síðar meir. Boðið er upp á fjarnám fyrir þetta örnám.

Þessi námskeið eru þau sömu og kennd eru í meistaranáminu í íþróttavísindum með áherslu á frammistöðugreiningu, sem gerir nemendum kleift að fá þau metin upp í MSc gráðu síðar meir.

• Rekstrarfræði
  Örnám í rekstrarfræði er stutt og hagnýtt rekstrar- og viðskiptanám, sérstaklega sniðið að einstaklingum á vinnumarkaði. Einstaklingar með iðnmenntun, starfsreynslu og þekkingu á rekstri fyrirtækja eru eftirsóttir í atvinnulífinu.
  
• Upplýsingatækni í mannvirkjagerð
  Upplýsingalíkön mannvirkja (BIM – Building Information Model) gera aðilum í byggingariðnaði mögulegt að nýta möguleika upplýsingatækni á sviði hönnunar, framkvæmda og reksturs með úrbætur og gæði að leiðarljósi. Í þessu hagnýta námi öðlast nemendur reynslu, þekkingu og færni í að leysa flókin og þverfagleg vandamál í mannvirkjagerð og stjórna verkefnum með stafrænum lausnum og BIM (Building Information Model).