Skapandi Tæknidagar er verklegt STEAM-námskeið þar sem börn kanna tækni í gegnum leik og sköpun. 

Helstu upplýsingar

• Undanfari:  Enginn
• Aldur: 5 - 12 ára

Um námskeiðið

Skapandi Tæknidagar er skemmtilegt og fræðandi STEAM-námskeið þar sem börn kynnast tækni í gegnum skapandi og verkleg verkefni. 

Nemendur byggja og vinna saman í Minecraft, hanna og forrita sína eigin tölvuleiki, vinna með þrívíddartækni (3D), stýra vélmennum og læra hvernig tölvur virka. Hjá yngri hópum verður lögð áhersla á grunnskilning á tölvum og tækni á meðan eldri nemendur einbeita sér meira að sköpun, hönnun og lausnamiðaðri hugsun í forritun, leikjagerð og 3D-hönnun. Allt námsefni er aðlagað að aldri þátttakenda. 

Til að stuðla að heilbrigðri tækninotkun bjó Skema-teymið til app þar sem nemendur taka þátt í ratleik utandyra í Öskjuhlíð, þar sem stuðst er við forritunarkóða. Auk þess nýtir Skema Hetjuspilið, kennslufræðilegt hlutverkaspil sem byggir upp orðaforða og félagsfærni í gegnum samvinnu. Spilað er í litlum hópum, 3–5 börn með leiðbeinanda, þar sem börnin leysa áskoranir með jákvæðum samskiptum,  sem er ætlað að veita mótvægi við skjá- og útiverkefni Skema í formi leiks. 

Nemendum verður skipt í aldurshópa yfir daginn þar sem þeir munu framkvæma hluti með hliðsjón af aldri þeirra og getu!