Vélmennasmiðja - Helgarnámskeið

Curiosity vélmennið sem Nasa smíðaði og sendi til Mars er útbúið með leysir sem bræðir steina og greinir efnin í þeim.

Helstu upplýsingar

• Undanfari: Enginn
• Aldur: 10 - 14 ára

Um námskeiðið

Vélmennasmiðja Skema er stórskemmtilegt námskeið þar sem nemendur fá að smíða og forrita sitt eigið vélmenni. Vélmennin eru svo forrituð til að vera sjálfkeyrandi.

Nemendur fá að kynnast ýmsum rafíhlutum eins og mótorum, stýritölvum, skynjurum, móðurborðum og vírum. Þar að auki fá nemendur að kynnast því að lóða, skrúfa og tengja.

Forritunarhluti námskeiðsins er einstaklega skemmtilegur en þar nota nemendur kubbaforritun til að setja saman forrit sem gerir vélmennið sjálfkeyrandi.