Íþróttafræði

BSc-nám í íþróttafræði við HR undirbýr þig fyrir störf á sviðum íþrótta, lýðheilsu og líkams- og heilsuræktar. Fjölbreytt atvinnutækifæri bíða íþróttafræðinga að námi loknu til dæmis hjá íþróttafélögum, æskulýðsfélögum, fyrirtækjum, stofnunum, sveitarfélögum og heilsuræktarstöðvum. Svo getur þú líka haldið áfram í meistaranám.

Sjá kennsluskrá íþróttafræðideildar

Áframhaldandi nám

Sérhæfing í þjálfun eða stjórnun

Að loknu BSc-námi í íþróttafræði getur nemandi öðlast frekari sérhæfingu með MSc-gráðu frá íþróttafræðisviði HR:

• Íþróttavísindi
• Íþróttavísindi og stjórnun - í samstarfi við Háskólann í Molde, Noregi

Kennsluréttindi að loknu meistaranámi

Til að öðlast kennsluréttindi í skólum þarf að ljúka grunnnámi (BSc) í íþróttafræði og meistaranámi (MEd) í íþróttavísindum og kennslu samkvæmt lögum og reglugerðum. Hægt er að stunda MEd-námið við íþróttafræðisvið HR.

• Íþróttavísindi og kennsla

Sveigjanleiki í námi

Nemendur sem eru valdir í afrekshóp geta stillt námshraða sinn eftir álagi í íþróttum. Þeir geta þannig valið fjölda eininga sem þeir ljúka á ári með meiri sveigjanleika en aðrir nemendur. Meðlimir í afreksíþróttahópi geta fengið aðlögun á kennsluáætlun í öllum fögum, sem byggir á æfinga- og keppnisáætlun (sjá betur hér fyrir neðan í kafla um skilyrði).

Styrkir

Allt að þremur einstaklingum úr hópi afreksíþróttafólks er veittur styrkur fyrir skólagjöldum á hverri önn.

Mælingar og ráðgjöf

Einstaklingum í afrekshópi bjóðast nákvæmar grunnmælingar á líkamlegu og sálrænu ástandi sínu tvisvar sinnum á skólaárinu í samvinnu við þjálfara, og ráðleggingar um æfingaáætlun.

Skilyrði

Íþróttamaðurinn þarf:

• Að æfa og keppa reglulega á efsta stigi í sinni íþróttagrein.
• Að geta lagt fram æfinga- og keppnisáætlun, fjórum vikum fyrir byrjun hverrar annar, sem nær yfir alla önnina. Áætlunin skal vera staðfest af þjálfara eða sérsambandi.
• Að fylgja einstaklingsmiðaðri námsframvindu samkvæmt fyrirfram ákveðinni áætlun.
• Að fara í einu og öllu eftir lyfjareglum ÍSÍ. Ef styrkþegi gerist brotlegur við þær reglur missir hann styrk sinn umsvifalaust og þarf að endurgreiða þann styrk sem hann hefur áður fengið frá HR.
• Að vera tilbúinn að taka þátt í kynningarstarfi á vegum íþróttafræðisviðs HR.
• Að fylgja náms- og prófareglum HR í einu og öllu.

Gjaldgengar greinar

Íþróttafólk sem stundar íþróttir innan vébanda ÍSÍ sem og íþróttir utan ÍSÍ eins og til dæmis MMA, Crossfit og aflraunir er gjaldgengt í afrekshóp íþróttanema HR.

Umsóknir

Skila þarf inn umsóknum viku eftir að önn hefst.

Það sem þarf að koma fram í umsókn er að minnsta kosti eftirfarandi:

Lýsing á helstu afrekum síðastliðna 12 mánuði. Þar þarf krækjur (linka) á hvar hægt er að sannreyna gefnar upplýsingar (heimslistar, innlendar afrekssíður, úrslitasíður, blaðagreinar, mótadagskrá og svo framvegis).

• Æfinga- og keppnisáætlun næstu fjóra mánuði
• Markmið með æfingum á næstu misserum
• Staðfestur námsárangur, annar en innan HR

Valferlið

Þriggja manna valnefnd fer yfir allar umsóknir og ákvarðar hvort umsækjandi uppfylli viðmið fyrir afrekshóp. Allir þeir sem uppfylla viðmið afrekshópsins komast í hann. Nefndin velur svo allt að þrjá einstaklinga úr hópi þeirra sem komast í afrekshópinn sem fá skólagjöldin niðurfelld. Við val inn í hópinn og mögulegar styrkveitingar hefur nefndin eftirfarandi viðmiðið í huga.

• Staða á heimslistum
• Fjöldi alþjóðlegra verkefna
• Landsliðssæti
• Staða á afrekslistum innanlands
• Námsárangur
• Fyrirmynd/ímynd
• Gæði umsóknar

Upplýsingar og umsóknir

Vinsamlegast sendið fyrirspurninir og umsóknir til verkefnastjóra náms.