Byggingariðnfræði diplóma

Nemendur í byggingariðnfræði fá góða undirstöðu fyrir störf í byggingariðnaði með því að ljúka fjölbreyttum námskeiðum og hagnýtu lokaverkefni. Byggingariðnfræðingar fá réttindi til að starfa sem byggingarstjórar. Að diplómanámi loknu geta þeir haldið áfram námi í byggingafræði sem er BSc-nám og er iðnfræðin metin að fullu inn í það nám.  

Um námið 

Skápur fullur af vinnuhjálmum

Aukin tækifæri 

Námið hentar vel fyrir fólk í atvinnulífinu sem vill styrkja stöðu sína á vinnumarkaði. Diplóma í byggingariðnfræði og sveinspróf í iðngreininni veitir rétt til meistarabréfs, ásamt lögverndaða starfsheitinu iðnfræðingur. Byggingariðnfræði er kennd í fjarnámi og er sniðin að þeim sem eru á vinnumarkaði hvar sem er á landinu eða jafnvel erlendis. Helstu námsgreinar eru byggingafræði, burðarþolsfræði, rekstur og stjórnun og hagnýtt lokaverkefni. 

Fjarnám með tveimur staðarlotum

Byggingariðnfræði er 90 ECTS eininga nám. Kennt er í fjarnámi með tveimur staðarlotum á önn, eina helgi í senn. Námið er skipulagt þannig að yfirleitt tekur þrjú ár að ljúka því samhliða vinnu. 

Raunhæf verkefni í staðarlotum

Í sumum áföngum eru staðarloturnar nýttar fyrir verklegar æfingar og einnig er farið í fyrirtæki og verkefni unnin í raunumhverfi. Í byggingariðnfræði gera nemendur meðal annars steypugreiningu á húsi og fara í vettvangsferð á verkfræðistofuna Eflu og gera steypustyrktaræfingar. 

Viðamikið lokaverkefni 

Náminu lýkur með 12 ECTS eininga lokaverkefni þar sem sýnt er fram á verkþekkingu og faglega hæfni. Verkefnin eru oftast unnin í samstarfi við fyrirtæki.

Viðbótarnám 

Að diplómanámi loknu geta nemendur haldið áfram námi í byggingafræði sem er 210 ECTS eininga BSc-nám og er iðnfræðin (90 ECTS einingar) metin að fullu inn í það nám. Nemendur geta einnig, að loknu diplómanámi í byggingariðnfræði, bætt við sig 30 ECTS eininga námi í rekstrariðnfræði og hlotið starfsheitið rekstrariðnfræðingur

Nemendur og kennara segja frá náminu

Í hópi framsækinna tækniháskóla

HR tekur þátt í alþjóðlegu samstarfsneti framsækinna háskóla um allan heim sem kenna tæknigreinar. Samkvæmt hugmyndafræðinni sem höfð er til hliðsjónar er verkfræðingum framtíðarinnar veittur traustur, fræðilegur grunnur en þeir vinna þar að auki raunhæf verkefni ásamt því að leysa verkefni í hópum. Nemendur kunna því á ferlið frá hugmynd yfir í hönnun, framkvæmd og rekstur þegar þeir koma á vinnumarkaðinn. Samstarfsnetið heitir CDIO, sem stendur fyrir „Conceive, Design, Implement, Operate“. Aðrir skólar í CDIO eru meðal annars: 

DTU - Danmarks Tekniske Universitet • Chalmers University of Technology • Aalborg University • MIT - Massachusetts Institute of Technology  • Delft University of Technology 

Að námi loknu

Lögverndað starfsheiti

Að loknu námi hlýtur nemandinn prófgráðuna diplóma í byggingariðnfræði og uppfyllir skilyrði til að hljóta lögverndað starfsheiti sem iðnfræðingur. Til að útskrifast sem iðnfræðingur þarf nemandi að hafa lokið sveinsprófi í iðngrein á viðkomandi sviði og veitir námið þá rétt til meistarabréfs. 

Fjölbreytt starfssvið

Starfssvið byggingariðnfræðinga er fjölbreytt. Þeir starfa hjá verktakafyrirtækjum, á verkfræðistofum og við byggingaeftirlit eða sem stjórnendur á byggingastað. 

Þekking og færni

Í lærdómsviðmiðum má sjá hvaða þekkingu, leikni og hæfni nemendur eiga að búa yfir að námi loknu.

Viðbótarnám í byggingafræði

Að loknu námi í byggingariðnfræði geta nemendur haldið áfram námi í byggingafræði sem er eininga BSc-nám og er iðnfræðin (90 einingar) metin að fullu inn í það nám. 

Viðbótarnám í rekstrariðnfræði

Að loknu diplómanámi í byggingariðnfræði geta nemendur bætt við sig 30 eininga námi í rekstrargreinum og hlotið starfsheitið rekstrariðnfræðingur. Þar með auka nemendur færni sína í rekstri og stjórnun framleiðslufyrirtækja.

Aðstaða

Þjónusta og góður aðbúnaður

Í háskólabyggingu HR er lesaðstaða og bókasafn, aðstaða til verklegrar kennslu, hópavinnuherbergi, mötuneyti, náms- og starfsráðgjöf og önnur þjónusta við nemendur.

Nemandi lærir í Sólinni

Kennsla í fjarnámi

Nemendur í iðnfræði geta víða á landsbyggðinni fengið aðstöðu til náms og hópavinnu í símenntunarstöðvum, fræðslusetrum og háskólasetrum, en á höfuðborgarsvæðinu býðst nemendum vinnuaðstaða í HR. Upplýsingar um slíka aðstöðu utan Reykjavíkur er að finna hjá sveitarfélögum. 

Kennslustofur og lesherbergi

Húsnæði Háskólans í Reykjavík býður upp á afar góða aðstöðu til kennslu, lesturs og samvinnu nemenda. Kennslustofur eru vel búnar og nemendur geta nýtt sér hópavinnuherbergi. Almenn aðstaða er opin nemendum allan sólarhringinn. Sjá fleiri myndir af aðstöðunni í HR. 

Góð þjónusta

Í háskólabyggingunni er greiður aðgangur að náms- og starfsráðgjöf, alþjóðaskrifstofu og tækniaðstoð. Á bókasafninu er góð og fjölbreytt vinnuaðstaða. 

Kennarar

Reynsla og sérfræðiþekking 

Nemendur í iðnfræði njóta leiðsagnar öflugra kennara á fagsviðinu, tæknimanna og hönnuða innan háskólans, og fjölda stundakennara með sérfræðiþekkingu úr atvinnulífinu. Kennarar við HR eru að jafnaði í miklum samskiptum við nemendur. 

Fastráðnir kennarar í iðnfræði

Jens Arnljótsson

BSc
Námsbrautarstjóri í iðnfræði

Aðal kennslugreinar eru á sviði varmafræði, varmaflutnings, rennslis-  og straumfræði sem tengjast m.a. hagnýtu hönnunarverkefni eða tilraunum á sviði varma og streymisfræði í námi vél- og orkutæknifræðinema. Einnig hefur Jens umsjón með iðnfræðinámi í HR og lokaverkefnum véliðnfræðinema. Menntun: Ingeniør højskolen Helsingør Teknikum 1986, véltæknifræðingur BSc Mech. Eng, með orkufræði sem sérsvið. Fyrri störf: Verkfræðistofa Sefáns A. Stefánssonar, hönnun ýmiss vélbúnaðar, lagna og rennslikerfa, þó einkum vinna tengd sjávarútvegi og þá sérstaklega varmagreining og varmendurvinnsla á orku fra útblæstri   fiskimjölsverksmiðja víðs vegar um landið, Stálvík hf. og Skipahönnun ehf., við hönnun, breytingar og fyrirkomulag vélbúnaðar í fiskiskipum.


Aldís Ingimarsdóttir

MSc

Kennir námskeið í jarðtækni og lagnahönnun í byggingariðnfræðinni.  Einnig kennir hún jarðtækni, áfanga í vega- og gatnagerð, vatns og fráveitugerð og haft umsjón með sérverkefnum og lokaverkefnum á því sviði í byggingartæknifræði við HR.  Aldís hefur verið við HR síðan árið 2007, fyrst sem stundakennari og svo fastráðin frá  hausti 2015. Aldís lauk MSc-prófi í byggingarverkfræði  frá Tækniháskóla Danmerkur (DTU ) 1996. Eftir nám starfaði hún á verkfræðistofunni Fjölhönnun við gatna- og vegahönnun og ýmsa hönnun á sviði byggingarverkfræði.  Hún var meðeigandi að Fjölhönnun 2000 til 2006 og tók þá þátt í stjórnun og rekstri fyrirtækisins.  Aldís er umferðaröryggisrýnir sem er leyfi til að taka út vegamannvirki út frá umferðaröryggi, slíkt leyfi er gefið út af Samgöngustofu.  Einnig er hún varaformaður jarðtæknifélags Íslands (JTFÍ) en félagið er á mikilli sókn að auka þekkingu og áhuga á jarðtækni.
Einar Jón

Einar Jón Ásbjörnsson

PhD

Kennir einkum námskeið á sviði efnisfræði og orkutækni með megináherslu á jarðhita. Einar leggur mikla áherslu á að tengja saman hagnýt verkefni við sterkan fræðagrunn í kennslu. Einar hefur starfað við efnisfræðirannsóknir hjá Iðntæknistofnun Íslands, innleiðingu og suðuprófanir á hástyrksstáli hjá Volvo í Svíþjóð og var tæknistjóri gufuveitu hjá OR áður en hann kom til starfa hjá HR.  Einar lauk CSc- og MSc-prófi í vélaverkfræði frá Háskóla Íslands 1996 og PhD frá háskólanum í Nottingham 2001, þar sem hann rannsakaði hegðun kornasmækkunarefnis í áli.

Eyþór Rafn Þórhallsson

MSc

Kennir námskeið um efnisfræði byggingarefna í iðnfræðinni og er leiðbeinandi með lokaverkefnum byggingaiðnfræðinga. Eyþór kennir jafnframt efnisfræði og hönnun steinsteyptra mannvirkja í byggingatækni-fræðináminu og er leiðbeinandi með verkefnum í byggingafræði . Eyþór hefur kennt fjölda námskeiða á sviði hönnunar og burðarþols þá bæði í  byggingatæknifræði og  í meistaranámi byggingaverkfræði, jafnframt hefur hann verið leiðbeinandi við fjölda lokaverkefna  á öllum brautum byggingasviðs, þ.e.a.s. iðnfræði, byggingafræði, tæknifræði og meistaranáms í verkfræði. Eyþór hefur mikla reynslu af burðarþolshönnun og framkvæmdum á mannvirkjum þá meðal annars á sviði íbúðarbygginga, verslunar- og skrifstofuhúsnæðis, iðnaðarhúsnæðis og hönnun á vatnsaflsvirkjunum. Undanfarinn ár hefur Eyþór staðið fyrir umfangsmiklum rannsóknum á notkun basalttrefjabendingar í mannvirkjum og birt fjölda vísindagreina, sjá nánar á sel.ru.is. Eyþór lauk prófi í byggingatæknifræði frá TÍ 1984, próf í iðnrekstrarfræði við TÍ 1985 og MSc-prófi í byggingaverkfræði frá Heriot Watt, Skotlandi 1988 með áherslu á burðarvirki. 

Indriði Sævar

Indriði Sævar Ríkharðsson

MSc

Kennir námskeið á sviði vélahönnunar og tölvustuddrar hönnunar, s.s. vélhlutafræði, FEM greiningu og þrívíddarhönnun. Einnig námskeið á sviði stýringa s.s. reglunarfræði, stýritækni (loft og vökvastýringar), PLC stýringar og forritun iðnaðarþjarka. Indriði leggur mikla áherslu á hagnýt og krefjandi verkefni í kennslu í anda CDIO. Hefur einnig verið leiðbeinandi í meistaraverkefnum í vélaverkfræði og byggingaverkfræði og tekið þátt í rannsóknarverkefnum á sviði ómannaðra farartækja og jarðskjálftahönnunar. Indriði er einnig umsjónarmaður lokaverkefna í vél- og orkutæknifræði og leiðbeinandi í mörgum þeirra. Indriði lauk prófi í vélaverkfræði við HÍ 1987 og MSc-prófi í vélaverkfræði frá Tækniháskóla Danmerkur (DTU) 1990 með áherslu á annars vegar sjálfvirk stýrikerfi og hinsvegar ólínulega tímaháða FEM greiningu.

Kristinn

Kristinn Sigurjónsson

MSc

Kristinn lauk BS-gráðu í efnafræði og CS í rafmagnsverkfræði frá Háskóla Íslands. Hann lauk MSc gráðu í efnaverkfræði frá Tækniháskóla Noregs (áður NTH, nú NTNU) í Þrándheimi.  Hann starfaði sem rannsóknamaður hjá málblendifélaginu að Grundartanga og var rekstrarstjóri rannsóknastofu Landakotsspítala.  Kristinn kenndi efnafræði við lífeinda- og geislafræðideild Tækniháskóla Íslands.  Undanfarin ár hefur Kristinn kennt greiningu rása, raforkufræði og kraftrafeindatækni við Háskólann í Reykjavík, auk þess sem hann hefur verið umsjónarkennari og leiðbeinandi fjölda lokaverkefna á þessu sviði.
Stefán Arnar

Stefán Arnar Kárason

BSc

Kennir áfanga á sviði rafeindatækni, einkum stafræna tækni, þar með talið notkun og forritun stýritölva, en einnig hönnun og smíði rafeindatækja. Einnig hefur hann sérhæft sig í mælitækni, kennt áfanga í því fagi og samið kennslubókina Mælitækni. Stefán kennir m.a. áfangann Róbótar en þar smíða nemendur sjálfráðan róbóta og forrita stýritölvu hans. Stefán lauk prófi í rafmagnstæknifræði með áherslu á stafræna tækni frá Aarhus Teknikum 1971. Eftir nám starfaði hann hann á fjarskiptadeild Pósts og síma en seinna á Tæknideild Fiskifélags Íslands þar sem hann vann við rannsóknir á aflnýtni skuttogara. Stefán þróaði mæli- og gagnasöfnunarbúnaðinn sem notaður var við rannsóknirnar en á þessum árum var Tæknideild Fiskifélagsins fulltrúi Íslands í samnorræna orkusparnaðarverkefninu Oliefisk.

Stundakennarar í iðnfræði skólaárið 2017-2018

  • Ágúst Þór Gunnarsson byggingafræðingur hjá Reykjavíkurborg 
  • Ásgeir Mattíasson verkfræðingur hjá RÖST tækniþjónustu
  • Ásta Logadóttir verkfræðingur hjá Verkhönnun
  • Bjarki Þór Sveinsson lögmaður hjá Málflutningsstofu Reykjavíkur
  • Ferdinand Hansen gæðastjóri hjá Samtökum iðnaðarins
  • Guðbjartur Magnússon byggingafræðingur hjá VSÓ ráðgjöf
  • Guðni Jónsson verkfræðingur hjá Eflu verkfræðistofu
  • Gunnar Kjartansson skólastjóri byggingatækniskólans hjá Tækniskólanum
  • Heiðar Jónsson tæknifræðingur hjá Mannvit
  • Helgi Guðjón Bjarnason byggingafræðingur hjá TARK
  • Helgi Már Hannesson tækniteiknari og lýsingarhönnuður hjá Eflu verkfræðistofu
  • Helgi Hauksson verkfræðingur hjá Félagsbústöðum
  • Ingibjörg Birna Kjartansdóttir byggingafræðingur hjá Ístaki
  • Jóhann Albert Harðarson verkfræðingur hjá Ferli verkfræðistofu
  • Jón Bjarnason verkfræðingur hjá Extreme Iceland
  • Jón Brandsson tæknifræðingur hjá Elkem
  • Karl G Friðriksson hagfræðingur hjá Nýsköpunarmiðstöð Íslands
  • Kristinn Alexandersson tæknifræðingur hjá VSÓ ráðgjöf
  • Ólafur Hermannsson tæknifræðingur hjá VSÓ ráðgjöf
  • Rúnar Gísli Valdimarsson verkfræðingur hjá Mannvit
  • Sigurjón Valdimarsson viðskiptafræðingur, sjálfstætt starfandi
  • Svanbjörn Einarsson tæknifræðingur hjá Verkís
  • Þormóður Sveinsson arkitekt og byggingafulltrúi hjá Hafnarfjarðarbæ

Skipulag náms

Námstími

Námið er 90 ECTS einingar. Hægt er að ljúka því á þremur árum (6 annir) samhliða vinnu, en einnig er mögulegt að gera einstaklingsmiðaða námsáætlun og ljúka náminu á skemmri tíma.

Fjarnám með staðarlotum 

Kennt í fjarnámi með staðarlotum. Tvær verkefnalotur eru á önn þar sem nemendur koma saman í HR eina helgi í hvert skipti. Í sumum áföngum eru staðarloturnar nýttar fyrir verklegar æfingar og einnig er farið í fyrirtæki og verkefni unnin í raunumhverfi.

Starfsdagar

Starfslotur eru tvisvar á önn, sú fyrri í upphafi annar og sú síðari þegar 7 vikur eru liðnar af önninni. 

Skipulag náms

Nám með vinnu

12-18 ECTS á önn

1. önn - haust   18 ECTS 2. önn - vor   18 ECTS

AI BUÞ 1003  Burðarþolsfræði

Einingar:                     6 ECTS
Ár:                               1. ár
Önn:                            Haustönn
Stig námskeiðs:         Grunnnám - grunnnámskeið
Tegund námskeiðs:   Skyldunámskeið
Undanfarar:                Engir
Skipulag:                    Kennt í fjarnámi í 15 vikur, tvær staðarlotur
Umsjónarkennari:      Aldís Ingimarsdóttir
Kennari:                      Jóhann Albert Harðarson

Lærdómsviðmið: Stefnt er að því að nemendur:

  • Fái fræðilega undirstöðuþekkingu um krafta og stöðufræði.
  • Geti þáttað krafta og fundið lokakrafta.
  • Átti sig á undirstöðum bita og kraftajafnvægi.
  • Geti reiknað sniðkrafta (vægi-, sker- og normalkrafta) út frá ytri kröftum.
  • Geti reiknað stangarkrafta.
  • Geti reiknað þyngdarpunkta þversniða.
  • Hljóti nauðsynlegan undirbúning undir nám í þolhönnun burðarvirkja og vélhluta.

Burðarbitar: undirstöðugerðir, álagsdreifing og reiknilíkön. Ákvörðun undirstöðukrafta. Ytri og innri kraftar. Sniðkraftar og sniðkraftsferlar. Samhengi milli skerkrafts- og beygjuvægisferla. Grindarvirki: Stangir, stög og grindur. Ákvörðun stangakrafta í grindum með snið- og hnútpunktsaðferð.

Lýsing: Í þessu námskeiði er farið í gegnum: Kraft, kraftvægi og kraftajafnvægi í plani. Kraftakerfi og einföldun þeirra (reikni- og teiknilausnir).Flatarmiðjur þversniða (þyngdarpunktar).
Burðarrammar: Ákvörðun sniðkrafta í stöðufræðilega ákveðnum einföldum römmum og liðavirkjum.

Lesefni: Preben Madesen: Statik og styrkelære. Erhvervsskolernes forlag, 3..útg. 2016

Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir.

Námsmat: Nemendur skila dæmum 7 sinnum á önninni og þreyta próf í lok annar.  4 klst skriflegt gagnapróf gildir 80%, bestu 6 af 7 dæmasettum gilda 20%.

Tungumál: Íslenska.

AI TEI 1001    Tölvustudd teikning

Einingar:                     3 ECTS
Ár:                               1. ár
Önn:                            Haustönn/vorönn
Stig námskeiðs:         Grunnnám - grunnnámskeið
Tegund námskeiðs:   Skyldunámskeið
Undanfarar:                Engir
Skipulag:                     Kennt í fjarnámi í 7,5 vikur fyrri hluta annar, ein staðarlota
Umsjónarkennari:      Aldís Ingimarsdóttir
Kennari:                      Ingibjörg Birna Kjartansdóttir

Lærdómsviðmið:
Í teiknifræði er stefnt að því að nemandi:

  • Skilji mikilvægi teikninga í framsetningu á tæknilegri hönnun og upplýsingum.
  • Skilji mikilvægi þess að upplýsingar á teikningu séu settar fram þannig að smíða megi eftir henni. 
  • Geti gert teikningar sem uppfylla þær kröfur sem gerðar eru til teikninga starfandi tæknimanna.
  • Viti um tilvist reglna og staðla og þekki leiðir til sækja og nýta sér upplýsingar úr þeim. 
  • Þekki helstu línugerðir og hvernig þær eru notaðar við teikningagerð.
  • Hafi innsýn í grunnatriði teiknifræðinnar og hvernig henni er beitt við tæknilega hönnun.

Í tölvustuddri teikningu skal nemandi:

  • Vera fær um að nota hugbúnað eins og AutoCAD við gerð teikninga vera sjálfbjarga um að setja sig inn í forritið og að bæta við þekkingu sína, t.d. með því að nota hjálpina í forritinu.
  • Geta sett upp sitt vinnuumhverfi í AutoCAD.
  • Geta stillt AutoCAD að sínum þörfum.
  • Geta búið til táknasafn og tákn.
  • Geta búið til template, texta og málsetninga stíla (styles)
  • Kunna á helstu skipanir.
  • Geta teiknað einfaldar teikningar.
  • Geta notað Xref.
  • Geta sett teikningar á blað og prentað.

Lýsing: Markmið áfangans er að gefa innsýn í almenna teiknifræði og hvernig henni er beitt við tæknilega hönnun. Nemendum er kennt að nota teikniforritið AutoCAD við teikningagerð. Áfanginn skiptist i tvennt, þar sem annarsvegar er kennt á forritið AutoCAD, og hinsvegar grunnatriði teiknifræðinnar og umfjöllun um tækniteikningar. 
Tölvuteikningarhlutinn er kenndur með kennslumyndböndum þar sem farið er yfir notendaviðmót forritsins, helstu skipanir og uppsetningu teikninga til útprentunar. Ætlast er til þess að nemandinn geti að námskeiði lokni, sett sig inn í forritið, nýtt sér hjálpina í forritinu, og skilað af sér teikningu unna í forritinu. 
Teiknifræðihlutanum er ætlað að gefa innsýn í fræðin að baki hinni hefðbundnu teikningu, þar sem tvívídd er nótuð til að túlka þrívíðan hlut/mannvirki. Kynntir verða þeir staðlar, hefðir og þær reglugerðir sem gilda um teikningar. Fjallað verður um mælikvarða, nákvæmni, línugerðir, merkingar, tilvísanir og upplýsingar sem þurfa að vera á teikningum. Í lok námskeiðsins er ætlast til þess að nemandinn geit teiknað varpanir og snið, ásamt því að geta málsett eins og við á. 

Lesefni: Námsgögn frá kennara.

Kennsluaðferðir: Kennt í fjarnámi í 7,5 vikur fyrri hluta annar, ein staðarlota. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir.

Námsmat: Rafrænt stöðumat, 10%. Skilaverkefni 1, 20%. Skilaverkefni 2, 25%. Þátttaka í umræðum, 5%. Lokaverkefni, 40%. Verkefnum skal skila á því formi sem kemur fram með verkefna skilum.

Tungumál: Íslenska.

BI HON 1001 Tölvustudd hönnun

Einingar:                     3 ECTS 
Ár:                              
1. ár
Önn:                            Haustönn/vorönn
Stig námskeiðs:          Grunnnám - grunnnámskeið
Tegund námskeiðs:    Skyldunámskeið
Undanfarar:                Tölvustudd teikning (AI TEI 1001)
Skipulag:                     Kennt í fjarnámi í 7,5 vikur seinni hluta annar, ein staðarlota
Umsjónarkennari:      Aldís Ingimarsdóttir
Kennari:                      Helgi Guðjón Bjarnason

Lærdómsviðmið:
Stefnt er að því að nemendur:

  • Læri hlutbundna hönnun með notkun Autodesk Revit hönnunarforritinu.
  • Kunni helstu skipanir í Autodesk Revit og geti nýtt það til að hanna flestar hefðbundnar tegundir bygginga.
  • Öðlist grunnþekkingu á BIM aðferðafræðinni.
  • Geti tekið út og nýtt upplýsingar úr módelum s.s. teikningar og magntölur.
  • Hafi grunnfærni í gerð famelia og geti nýtt þær í hönnun.

Lýsing: Í þessu námskeiði er farið yfir grunnatriði í notkun Revit Architecture og á að gefa nemendum innsýn í hlutbundna hönnun.  Þetta námskeið (BI HON 1001, Tölvustudd hönnun, 3 ECTS) er kennt seinni helming annarinnar en Tölvustudd teikning (AI TEI 1001, 3 ECTS) fyrri helminginn. Nemandi þarf að hafa staðist AI TEI 1001 til að geta tekið BI HON 1001.

Lesefni:  Námsgögn frá kennara.

Kennsluaðferðir: Kennt í fjarnámi í 7,5 vikur seinni hluta annar, ein staðarlota. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir.

Námsmat: Lögð verða 2 verkefni sem gilda 20% hvort og eitt verkefni sem gildir 10%. Í lok námskeiðs skila nemendur lokaverkefni sem gildir 50% af lokaeinkunn.

Tungumál: Íslenska.

AI REH 1003  Bókfærsla og reikningshald 

Einingar:                     6 ECTS
Ár:                               1. ár
Önn:                            Haustönn
Stig námskeiðs:          Grunnnám - grunnnámskeið
Tegund námskeiðs:    Skyldunámskeið
Undanfarar:                Engir
Skipulag:                     Kennt í fjarnámi í 15 vikur, tvær staðarlotur
Umsjónarkennari:      Jens Arnljótsson.
Kennari:                      Sigurjón Valdimarsson. 

Lærdómsviðmið:
Þekking:  Að námskeiðinu loknu ættu nemendur að búa yfir þekkingu á

  • helstu grunnatriðum í lögum um bókhald og ársreikninga.
  • helstu gjalda-, tekju-, eigna- og skuldareikningum í bókhaldi og ársreikningi.
  • helstu bókhaldsfærslum í fjárhagsbókhaldi og sundurliðun viðskiptamanna.
  • helstu reglum  um bókhald og skil á virðisaukaskatti.
  • vöxtum og verðtryggingu í lánaviðskiptum og færslu þeirra í bókhaldi.
  • helstu reglum um fyrningu eigna.
  • bókun skammtíma og langtíma eigna í hluta- og skuldabréfa.
  • helstu færslum í launabókhaldi.
  • tölvufærðu bókhaldi, þ.e. fjárhagsbókhaldi, sölukerfi og launakerfi.
  • uppgjöri rekstrar- og efnahagsreikings og sjóðstreymi.
  • sjóðstreymi og helstu kennitölur ársreikninga.

Leikni: Nemandi á að geta

  • fært helstu viðskiptafærslur í fjárhagsbókhaldi.
  • reiknað virðisaukaskatts. reglur um bókun og skil á virðisaukaskatti.
  • reiknað vexti og verðtryggingu í lána og bókað í fjárhagsbókhaldi.
  • reiknað og bókað fyrningu eða afskrift fasteigna, véla og tækja skv. reglum ríkisskattstjóra.
  • reiknað hækkun eða lækkun á verðmæti hlutabréfa og bókað endurmat í ársreining.
  • reiknað og bókað helstu færslur í launabókhaldi, m.a. lífeyrissjóð, stéttarfélagsgjald, staðgreiðslu skatta, mótframlag í lífeyrissjóð og tryggingagjald.
  • gert upp bókhaldið og stillt upp ársreikningi, þ.e. rekstrar- og efnahagsreikningi og sett upp sjóðstreymi í handfærðu bókhaldi.
  • bókað færslur fjárhagsbókhalds, launabókhald og sölukerfi í viðurkenndu tölvubókhaldskerfi.
  • tekið út uppgjör helstu atriða bókhaldsins í viðurkenndu tölvubókhaldskerfi gert upp virðisaukaskatt, sýnt sundurliðun viðskiptamanna og uppgjör rekstrar- og efnhagsreiknings.
  • reiknað helstu kennitölur ársreikninga.

Hæfni: Nemandi á að geta

  • staðið fjárhagslega fyrir rekstri smærri fyrirtækja. 
  • handfært eða notað viðurkennd tölvubókhaldskerfi til að færa bókhald fyrir smærri fyrirtæki og sett upp ársreikning.
  • metið ársreikninga fyrirtækja og túlkað þær upplýsingar sem þar koma fram.

Lýsing: Grunnþættir bókfærslu. Gjöld, tekjur, skuldir, og eignir. Samband höfuðbókar, dagbókar og efnahagsbókar. Undirbækur. Undirstöðuatriði tölvubókhalds. Virðisaukaskattsfærslur. Reikningsjöfnuður. Millifærslur. Uppgjör. Fjárhagsbókhald: Góð reikningsskilavenja. Bókhaldslög og bókhaldsgögn, tekju- og gjaldaskráning, reglur um bókun og skil á virðisaukaskatti. Launabókhald: launa útreikningur, lífeyrissjóður, félagsgjöld o.fl. Skilagreinar lífeyrissjóðs, opinberra gjalda, staðgreiðslu skatta og tryggingargjalds. Skattskil, fyrningar, rekstur bifreiða.

Lesefni: Sigurjón Valdimarsson, Bókfærsla og reikningshald, útg. 2016 (ekki er hægt að nota eldri útgáfur).

Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir.

Námsmat: 4 klst. skriflegt lokapróf gildir 52% og ná þarf einkunn 5,0.  Skilaverkefni (5) gilda 24% og ná þarf meðaleinkunn 5,0.  Netbókhaldsverkefni gilda 24%, þarf að vinna til fullnustu þ.e. nemandi þarf að leiðrétta villur þar til rétt niðurstaða fæst.  Skilaskylda er á öllum verkefnum.

Tungumál: Íslenska.

BI BUÞ 2013 Burðarþol byggingarvirkja

Einingar:                     6 ECTS
Ár:                               1. ár
Önn:                            Vorönn
Stig námskeiðs:          Grunnnám - framhaldsnámskeið
Tegund námskeiðs:    Skyldunámskeið
Undanfarar:                Burðarþolsfræði (AI BUÞ 1003)
Skipulag:.                    Kennt í fjarnámi í 15 vikur, tvær staðarlotur
Umsjónarkennari:      Aldís Ingimarsdóttir
Kennari:                      Jóhann Albert Harðarson

Lærdómsviðmið: Stefnt er að því að nemendur:

  • Geti reiknað tregðu- og mótstöðuvægi þversniða.
  • Fái fræðilega undirstöðuþekkingu í þolfræði.
  • Fái kynningu á álagi og öryggi burðarvirkja.
  • Geti leyst algeng og hefðbundin burðarþolsverkefni.
  • Geti hannað einfalda byggingarhluta úr stáli, timbri og steypu.
  • Geti greint vandamál á sviði burðarvirkja.
  • Geti metið þörf fyrir aðstoð og leitað sérfræðiaðstoðar. 
  • Kynnast hönnun á stáli, timbri og steypu.
  • Geti hannað einfaldar suðu- og boltatengingar í stálvirkjum.

Lýsing: Þversniðsstærðir (flatarvægi, tregðuvægi og mótstöðuvægi). Normalspenna, skerspenna, beygjuspenna. Spennudreifing, formbreytingar, tognun og niðurbeygja. Öryggisflokkar, kennigildi álags og reikningslegt álag. Hlutstuðlar og álagstilfelli. Álagsferli í burðarvirkjum, stöðugt álag, breytilegt álag, notálag, snjóálag, vindálag. Sniðkraftar í einföldum römmum. Stálvirki og timburvirki. Reikningslegt þol, styrkleikaflokkar í stáli og timbri. Togstangir, stoðir með áslægum krafti, þversnið í beygjuáraun. Leyfileg svignun í bitum. Lengdarbreytingar í togstöngum. Tengingar með suðu og boltum. Steinsteypa: Skilgreiningar á helstu kennistærðum. Reiknilíkan í beygðu þversniði á brotstigi. Vægiþol. Hönnunarreglur. Framsetning á járnateikningum.

Lesefni: Preben Madsen: Statik og styrkelære, Erhvervsskolernes forlag, 3. útgáfa 2016. 

Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir.

Námsmat: 4 klst. skriflegt gagnapróf gildir 80% og skiladæmi 20%.

Tungumál: Íslenska.

BI BFR 1013 Byggingarfræði -Byggingartækni

Einingar:                      6 ECTS
Ár:                                1. ár
Önn:                             Vorönn
Stig námskeiðs:          Grunnnám - grunnnámskeið
Tegund námskeiðs:    Skyldunámskeið
Undanfarar:                Tölvustudd teikning (AI TEI 1001), Tölvustudd hönnun (BI HON 1001)
Skipulag:                     Kennt í fjarnámi í 15 vikur, tvær staðarlotur
Umsjónarkennari:      Aldís Ingimarsdóttir
Kennari:                      Þormóður Sveinsson 

Lærdómsviðmið: Stefnt er að því að nemendur:  

  • Þjálfist í samsetningu byggingahluta út frá megin burðarkerfi mannvirkis.
  • Öðlist grunnþekkingu á mismunandi byggingarefnum við gerð deiliteikninga.
  • Teikni einfalda byggingarhluti (deili/sérteikningar).
  • Hljóti með því grunnþjálfun í gerð sérteikninga.
  • Fái skilning á þörf fyrir sérfræðiaðstoð við úrlausn á byggingarfræðilegum vandamálum.
  • Kynnist byggingafræðilegum  lausnum í manngerðu umhverfi nútímans, sem og í ljósi sögunar.
  • Fái innsýn í það  laga- og reglugerðarumhverfi er snýr að sérteikningum.
  • Þekki það samskiptaferli sem eiga þarf við opinbera aðila vegna verklegra framkvæmda.
  • Geti unnið sjálfstætt  út frá frumgögnum ( t.d. aðaluppdráttum).
  • Geti sjálfstætt unnið að byggingarfræðilegum úrlausnum.
  • Geti lagt fram valkosti á tæknilegum frágangi.   

Lýsing:  Markmið þessa áfanga er að nemandi kynnist og geti útfært byggingartæknilegar  frágangslausnir við mannvirkjagerð. Á grundvelli eðlis- og efnafræði mannvirkis skal nemandi geta leyst verkefni sem lúta að fjölmörgum frágangsatriðum þess. Nemandi skal á grundvelli  frumgagna geta  nálgast lausnir á byggingartæknilegum atriðum er varða eðlisfæði og ekki síður fagurfræði mannvirkis. Farið verður yfir byggingartæknilegar lausnir í sögulegu samhengi og á grundvelli nútíma tækni. Kynnt verða klassísk form í  arkitektúr og kröfur þeirra til tæknilegs frágangs.

Lesefni: Gögn sem kennari gerir aðgengileg á kennsluvef.  Birtur verður bókalisti yfir æskilegar handbækur.

Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Vikulegir viðtalstímar.

Námsmat: Nemandi skilar alls fimm verkefnum. Öll verkefni sem lögð eru fyrir koma til mats. Til að standast námskeiðið þarf að ná lágmarkseinkunn 5,0 skv. meðaltali allra námsþátta og  hafa skilað öllum verkefnum (100% verkefnaskil). Hvert verkefni hefur 20% vægi.

Tungumál: Íslenska.

AI STJ 1003  Stjórnun, rekstur og öryggi

Einingar:                     6 ECTS
Ár:                               1. ár
Önn:                            Vorönn
Stig námskeiðs:          Grunnnám - grunnnámskeið
Tegund námskeiðs:    Skyldunámskeið
Undanfarar:                Engir
Skipulag:                     Kennt í fjarnámi í 15 vikur, tvær staðarlotur
Umsjónarkennari:      Jens Arnljótsson
Kennari:                      Karl Guðmundur Friðriksson 

Lærdómsviðmið: Stefnt er að því að nemandi: 

  • Hafi grunnþekkingu á hagnýtri stjórnun og rekstri fyrirtækja.
  • Sé meðvitaður um samfélagslegar kröfur til stjórnenda fyrirtækja og umhverfi þeirra úr frá ólíkum viðhorfum og gildismati.
  • Skilji mikilvægi mannlegra samskipta á vinnustað og þekki vel til öryggismála og mikilvægis heilbrigðs vinnuumhverfis.
  • Skilji mikilvægi nýsköpunar og umbóta í rekstri fyrirtækja.
  • Þekki vel til hugtaka og aðferð gæðastjórnunar.
  • Sé meðvitaður um helstu kennitölur í rekstri fyrirtækja og hafi skilning á mikilvægi þeirra.
  • Hafi þekkingu á ólíkum stjórnunarstílum.
  • Hafi nægilega þekkingu á kennslufræðum til að geta, sem iðnmeistarar, leiðbeint og borið ábyrgð á iðnnemum.
  • Hafi nægilega þekkingu á stjórnun, rekstri og öryggismálum til að geta staðið fyrir rekstri smærri atvinnufyrirtækja. 

Lýsing: Stjórnun sem fræðigrein, undirstaða stjórnunarlegs skilnings. Rekstrarumhverfi, fyrirtækjabragur og viðskiptasiðferði. Fjallað er um einstaklinginn við vinnu út frá ólíku gildismati og viðhorfum. Gerðir félagslegra hópa, félagstengsl ásamt atriðum sem hafa áhrif á virkni hópa. Deilur, þróun þeirra og deilulausnir og hlutverk stjórnandans í því sambandi. Fjallað er um þarfir einstaklings við vinnu og farið í helstu kenningar um starfshvatningu. Einnig er fjallað um firringu á vinnustað og tilraunir til að eyða firringu út frá félagslegum þáttum og breytingum á vinnutilhögun. Farið er í forystuhlutverk stjórnandans, stefnumótun, markmiðasetning og áætlanagerð, hagnýt atriði varðandi stjórnun teyma, stjórnun vinnufunda, ritun fundargerða og verkstjórn. Umfjöllun um nokkrar tegundir stjórnunarstíla og ólíkar gerðir stjórnskipulaga og uppbyggingu skipulagsheilda. Öryggismálum á vinnustöðum er gerð góð skil og vinna nemendur verkefni sem tengjast öryggisúttekt á vinnustað og gerð rýmingaráætlana. Fjallað um nokkur mikilvæg atriði varðandi stjórnun starfsmannamála með áherslu á kennslufræði og starfsþjálfun sem gagnast iðnmeisturum sem taka að sér starfsþjálfun iðnnema. Farið er í lög og reglugerðir um iðnmenntun, gerð prófa og kennsluáætlana. 

Lesefni: Karl Friðriksson, Richard Keegan og Eddie O´Kelly, Fyrirmyndarstjórnun. Hagnýt viðmið og samkeppnisforskot, NMI 2014.

Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir.

Námsmat: 3 klst. skriflegt próf gildir 70% af lokaeinkunn og verkefni 30%.

Tungumál: Íslenska.

3. önn - haust   12 ECTS  4. önn - vor   18 ECTS

BI HVL 1003  Hitunarfræði og lagnir

Einingar:                     6 ECTS
Ár:                               2. ár
Önn:                            Haustönn
Stig námskeiðs:          Grunnnám - grunnnámskeið
Tegund námskeiðs:    Skyldunámskeið
Undanfarar:                Engir
Skipulag:                     Kennt í fjarnámi í 15 vikur, tvær staðarlotur
Umsjónarkennari:      Aldís Ingimarsdóttir
Kennarar:                      Aldís Ingimarsdóttir og Heiðar Jónsson

Lærdómsviðmið: Stefnt er að því að nemandi:

  • Þekki grunnatriði í varmafræði byggingarhluta.
  • Þekki uppbyggingu og eiginleika einangrunar íbúðarhúsa og kröfur byggingarreglugerðar.
  • Þekki forsendur lagnahönnunar fyrir íbúðarhús.
  • Þekki algenga orkugjafa til húshitunar, eins og hitaveitu, rafhitun og varmadælur.
  • Þekki helstu gerðir lagnakerfa fyrir íbúðarhús.
  • Geti reiknað út varmaþörf bygginga.
  • Geti skyndimetið pípustærðir hita- og neysluvatnskerfa.
  • Þekki gerðir og val á ofnlokum og ofnum.
  • Geti notað einfaldan hugbúnað til að meta afköst lagnakerfa.
  • Þekki helstu gerðir lagnaefna.
  • Þekki uppbyggingu og frágang lagnateikninga.
  • Geti útbúið frumdrög að lagnakerfi fyrir íbúðarhús.

Lýsing: Námskeiðið er í hitunarfræði og lögnum með áherslu á tækni sem tengist íbúðarhúsum. Markmið námskeiðs er að gera nemendum kleift að þekkja algeng lagnakerfi bygginga, hlutverki þeirra og grundvallar eiginleikum. Nemendur fá innsýn í hönnun á hita, neysluvatns og frárennslislögnum ásamt grunnþáttum í eðlisfræði hita.  Í námskeiðinu er lögð áhersla á að nemandi geti þekkt og skilið uppbyggingu lagnakerfa íbúðarhúss og viti af grundvallarkröfum byggingarreglugerðar. Gerðir og frágangur lagnateikninga verður kynntur. Nemendur gera heilstæða skýrslu um ofna- og gólfhitakerfi íbúðarhúss.  Efnistök námskeiðs:  Hitunarfræði 70%:  Fjallað verður um hitaeinangrun húsa og varma- og orkuþörf. Mismunandi gerðum hitakerfa verða gerð skil og helstu eiginleikum þeirra eins og ofnakerfum, og gólfhitakerfum.  Lagnir 30%: Fjallað verður um uppbyggingu neysluvatns-, frárennslis-, snjóbræðslulagnakerfa fyrir íbúðarhús. Lestur lagnateikninga og reglur og staðlar um lagnir skoðaðar.

Lesefni:   Sigurður Grétar Guðmundsson, Hita- og neysluvatnskerfi, Iðnú. Sveinn Áki Sverrisson, Teikningar og verklýsingar, Iðnú. Sveinn Áki Sverrisson, Fráveitukerfi og hreinlætistæki, Iðnú. Ljósrit frá kennara (6. Kafli úr Varmaeinangrun húsa rit 30). Handbækur um lagnir á vef Lagnafélag Íslands www.lafi.is 

Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir.

Námsmat: Námsmat skiptist í 60% heimaverkefni sem eru dreift yfir önnina og 40 % skriflegt 2 tíma próf í lok annar.

Tungumál: Íslenska

BI EFN 1013  Efnisfræði -steinsteypa -viðhald

Einingar:                     6 ECTS

Ár:                               2. ár
Önn:                            Haustönn
Stig námskeiðs:          Grunnnám - grunnnámskeið
Tegund námskeiðs:    Skyldunámskeið
Undanfarar:                Engir
Skipulag:                     Kennt í fjarnámi í 15 vikur, tvær staðarlotur
Umsjónarkennari:      Aldís Ingimarsdóttir
Kennarar:                      Guðni Jónsson og Helgi Hauksson. 

Lærdómsviðmið: Stefnt er að:

Þekking. Nemandi hafi grunnþekkingu á:

 

  • eiginleikum ferskrar steinsteypu.
  • eiginleikum harðnaðrar steinsteypu.
  • öllum helstu hlutefnum steinsteypu.

 

Leikni.  Nemandinn geti skrifað skýrslur um eiginleika steinsteypu og viðgerðir og viðhald steinsteyptra mannvirkja.

Hæfni.  Nemandinn:

  • geti leyst algeng verkefni og vandamál sem upp kunna að koma varðandi steinsteypu.
  • hafi hæfni til að inna af hendi verkefni við efirlit með uppsteypu mannvirkja.
  • hafi hæfni til að inna af hendi verkefni við umsjón og viðhald steyptra mannvirkja.
  • geti metið þörf fyrir aðstoð og leitað sérfræðiaðstoðar 

 

Lýsing: Steinsteypa sem eitt aðalbyggingarefnið hér á landi. Í þessu námskeið er farið yfir eftirtalin atriði; Hráefni og framleiðsla. Eðliseiginleikar ferskrar og harðnaðrar steinsteypu. Steypuvinna og eftirlit með steypuvinnu. Viðgerðir og endurnýjun steinsteyptra bygginga. Almennt viðhald, viðhaldsáætlanir. Skipulögð leit skemmda. Gátlistar, mat og matsskýrslur. Helstu prófanir á steypu. Nemendur gera verklegar æfingar á rannsóknarstofu EFLU.

Full þátttaka í verklegum æfingum og skil á skýrslum veitir rétt til próftöku. Nemendur skila verkefni um viðhald og viðgerðir bygginga. Þeir nemendur munu greina og meta steypuskemmdir í mannvirki, skila skýrslu þar sem fram koma niðurstöður þeirra athugana og gera tillögur að viðgerðum.

Lesefni: Neville og Brooks, Concrete Technology.  Helgi Hauksson, Steinsteypa – viðhald og viðgerðir – Rb rit nr. 83.  Samantekt kennara.

Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir.

Námsmat: 3 klst. skriflegt próf gildir 65%, verklegar æfingar (steypa og fylliefni) 10%, verkefni um viðhald og viðgerðir 10%, verkefni á verkefnavef gilda 15% (spurningar úr köflum Concrete Technology). Lágmarkseinkunn á lokaprófi er 5. 

Tungumál:  Íslenska

 

BI EBE 1003  Efnis-og byggingaeðlisfræði

Einingar:           6 ECTS
Ár:                     2. ár
Önn:                  Vorönn
Stig námskeiðs: Grunnnám - grunnnámskeið
Tegund námskeiðs: Skyldunámskeið
Undanfarar:       Engir
Skipulag:           Kennt í fjarnámi í 15 vikur, tvær staðarlotur
Umsjónarkennari: Aldís Ingimarsdóttir
Kennari:            Eyþór Rafn Þórhallsson. 

Lærdómsviðmið:  Að loknu námskeiðinu er ætlast til að nemendur:

  • Geti skilið grundvallaratriði efnisfræðarinnar.
  • Þekki fjaðureiginleika í stáli, áli timbri og trefjaefnum
  • Þekki framleiðsluferill og val byggingarefna.
  • Geti gert prófanir á byggingarefnum til að sannreyna efniseiginleika.
  • Geti framkvæmt málmsuðu og hafi þekkingu á eiginleikum hennar.

Lýsing: Farið verður í efniseiginleika eftirfarandi efna.  Málmar: Stál, járnsteypa, ál og ryðfrítt stál, uppbygging, framleiðsla og eiginleikar. Timbur: Uppbygging timburs, eiginleikar þess sem byggingaefnis, timburafurðir. Trefjaefni: helstu gerðir trefja, styrkur og stífleiki, notkunarmöguleikar.  Nemendur gera verklegar æfingar. Full þátttaka í verklegum æfingum og skil á skýrslum veitir rétt til próftöku.

Lesefni: Mamlouk og Zaniewski, Materials for Civil and Construction Engineers, International 3rd edition, 2011.

Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir.

Námsmat:  3 klst. skriflegt (gagnalaust) próf gildir 60%.  Verkefni gilda 30% af lokaeinkunn. Verklegar æfingar gilda 10%.  Nemandi þarf að ná lágmarkseinkunn 5,0 í prófi. Full þáttaka í verklegum æfingum og skil á skýrslum og verkefnum veitir rétt til próftöku.

Tungumál: Íslenska.

AI FRK 1003  Framkvæmdafræði og verkstjórn 

Einingar:                      6 ECTS 
Ár:                               2. ár
Önn:                            Vorönn
Stig námskeiðs:          Grunnnám - grunnnámskeið
Tegund námskeiðs:    Skyldunámskeið
Undanfarar:                Engir
Skipulag:                     Kennt í fjarnámi í 15 vikur, tvær staðarlotur
Umsjónarkennari:      Aldís Ingimarsdóttir
Kennarar:                      Kristinn Alexandersson,  Ólafur Hermannsson, Guðbjartur Magnússon 

Lærdómsviðmið: Stefnt er að því að nemandinn kunni skil á:

  • Útboðsgögnum og mun á mismunandi útboðsformum
  • Gerð tilboða í verkframkvæmdir.
  • Gerð verkáætlana
  • Gerð kostnaðaráætlana
  • Notkun vísitalna
  • Magntöku og afkastaútreikningum
  • Eftirlitsferli með minni framkvæmdum
  • Stjórnun minni framkvæmda
    • Tímalega
    • Kostnaðarlega
    • Gæðalega

Lýsing:  Eðli útboðsgagna og gerð tilboða í verklegar framkvæmdir. Útboðslýsing, verklýsing, tilboðsskrá, framkvæmdatrygging og verksamningar. Mismunandi útboðsform. Gerð verkáætlana fyrir verklegar framkvæmdir, MS Project forritið. Magntölur og magntaka. Afkastageta og verktími. Afköst, mannafla- og tækjaþörf. Afkastahvetjandi launakerfi. Skipulagning á vinnustað. Kostnaðarreikningur, gerð kostnaðaráætlana. Vísitölu- og verðbótaútreikningar. Eftirlit með byggingarframkvæmdum.

Lesefni: Eðvald Möller, Verkefnastjórnun og verkfærið Project, 2014.  ÍST30:2012 - Almennir útboðs- og samningsskilmála um verkframkvæmdir, Staðlaráð Íslands, 2012. Annað skv. ábendingum kennara.

Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Leiðsögn gegnum tölvupóst og síma.

Námsmat: 3 klst. skriflegt lokapróf gildir 40% og verkefni 60%.

Tungumál: Íslenska.

BI JTÆ 1002 Jarðtækni

Einingar:                     4 ECTS
Ár:                               2. ár
Önn:                            Vorönn
Stig námskeiðs:          Grunnnám - grunnnámskeið
Tegund námskeiðs:    Skyldunámskeið
Undanfarar:                Engir
Skipulag:                     Kennt í fjarnámi í 7,5 vikur fyrri hluta annar, tvær staðarlotur
Umsjónarkennari:      Aldís Ingimarsdóttir
Kennari:                      Aldís Ingimarsdóttir

Lærdómsviðmið: Stefnt er að því að nemendur: 

  • þekki eiginleika íslensks bergs og algengra jarðefna og geti metið notagildi þeirra við mannvirkjagerð. 
  • kynnist aðferðum við rannsóknir og prófanir á jarðefnum og bergi og geti metið þörf á rannsóknum. 
  • hafi nægilega þekkingu á jarðtækni til að geta leyst algeng og hefðbundin verkefni við meðferð byggingarefna, hönnun einfaldra byggingarhluta, verkstjórn á byggingarstað og byggingareftirlit. 
  • hafi nægilega þekkingu jarðtækni, grundun og vegagerð til að geta greint algeng vandamál á þeim sviðum, metið þörf fyrir aðstoð og leitað sérfræðiaðstoðar.

Lýsing: Farið er í eftirfarandi atriði; Flokkun og eiginleikar lausra jarðefna. Notagildi mismunandi jarðefna. Jarðvatn, lekt og frostnæmi. Spennur í jarðvegi. Skerstyrkur og burðargeta jarðvegsfyllinga. Þjöppun og sig. Grundun og undirstöður húsbygginga. Jarðþrýstingur á kjallara veggi og stoðveggi. Mannvirki úr jarðefnum s.s vegir, jarðstíflur og hafnargarðar. Verklýsingar fyrir jarðvinnu. Jarðvinnuvélar. Sprengitækni. Jarðkönnun og jarðboranir.

Lesefni: Samantekt kennara.

Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Leiðsögn gegnum tölvupóst.

Námsmat:  Heimapróf gildir 40% af lokaeinkunn og verkefni 60%. Próftökuréttur er háður því að nemendur skili a.m.k. 75% heimaverkefna,

Tungumál: Íslenska

BI HON 2001 Tölvustudd hönnunn II í Revit

Einingar:                     2 ECTS
Ár:                               2. ár
Önn:                            Vorönn
Stig námskeiðs:          Grunnnám - grunnnámskeið.
Tegund námskeiðs:    Skyldunámskeið
Undanfarar:                Tölvustudd hönnun (BI HON 1001)
Skipulag:                     Kennt í fjarnámi í 7,5 vikur seinni hluta annar, ein staðarlota
Umsjónarkennari:      Aldís Ingimarsdóttir
Kennari:                      Helgi Guðjón Bjarnason 

Lærdómsviðmið: Stefnt er að því að nemendur:

  • Hafi næga kunnáttu til að nýta Autodesk Revit hönnunarforritið til að búa til líkan sem inniheldur þær upplýsingar sem þarf til að byggja hús.
  • Geti nýtt Autodesk Revit hönnunarforritið til að kalla fram upplýsingar úr líkani s.s. magntölur og stærðir.

Lýsing: Líkanagerð og nýting upplýsingar úr líkönum í hönnunarforritinu Revit Architecture og á að gefa nemendum innsýn í hlutbundna hönnun.

Lesefni:  Námsgögn frá kennara.

Kennsluaðferðir: Kennt í fjarnámi í 7,5 vikur seinni hluta annar, ein staðarlota. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir.  Fyrirlestrar á myndböndum. Mikilvægt er að nemendur séu virkir á umræðuþræði og með því að hafa samband við kennara gegnum tölvupóst.

Námsmat: Mat á líkani sem nemendur skila í lok annar gildir 100% af einkunn.

Tungumál: Íslenska.

5. önn - haust    12 ECTS   6. önn - vor    12 ECTS

BI LAM1002    Landmælingar

Einingar:                     4 ECTS
Ár:                               3. ár
Önn:                            Haustönn
Stig námskeiðs:          Grunnnám – grunnnámskeið
Tegund námskeiðs:    Skyldunámskeið
Undanfarar:                Engir
Skipulag:                     Kennt í fjarnámi í 15 vikur, tvær staðarlotur
Umsjónarkennari:      Aldís Ingimarsdóttir
Kennari:                      Rúnar Gísli Valdimarsson. 

Lærdómsviðmið:

Þekking.  Nemandinn:

  • þekki helstu tæki sem notuð eru til landmælinga.
  • þekki helstu hnitakerfi og hæðarkerfi sem notuð eru á Íslandi.
  • þekki helstu skekkjuvalda í mælingum.

Leikni.  Nemandinn:

  • geti reiknað út úr hæðarmælingu.
  • geti reiknað út hnit punkta úr mælingum.
  • geti reiknað út lengdir og stefnur á milli punkta.

Hæfni.  Nemandinn:

  • geti túlkað niðurstöður mælinga.
  • geti framkvæmt hæðarmælingar með hallamálstæki og laser.
  • geti sannprófað og leiðrétt hallamálstæki ef á þarf að halda.
  • geti greint vandamál á sviði landmælinga og kortlagningar, metið þörf fyrir aðstoð og leitað sérfræðiaðstoðar.

Lýsing: Mælingar: Hæðir og hnit. Hæðarmæling (nivellering) æfð, prófun tækja, leiðrétting, skráning gagna og hæðarkótareikningur. Halli. Útreikningur lengda og stefnuhorn. Þríhyrningareikningur. Kynning á ýmsum mælitækjum og mæliaðferðum.  Verklegar æfingar í mælitækni.

Lesefni: Magne Brandshaug, Landmåling VK1. 1. útgáfa. 

Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir.

Námsmat:  Skriflegt lokapróf (2 klst)  50%; Heimadæmi 30%; Hópverkefni og þátttaka í seinni staðarlotu  20%.  Til að standast námskeiðið þarf að fá að lágmarki 5,0 á skriflega lokaprófinu.

Tungumál: Íslenska.

BI GÆÐ1001 Gæðastjórnun í mannvirkjagerð 

Einingar:                     2 ECTS
Ár:                               3. ár
Önn:                            Haustönn
Stig námskeiðs:          Grunnnám – grunnnámskeið
Tegund námskeiðs:    Skyldunámskeið
Undanfarar:                Engir
Skipulag:                     Kennt í fjarnámi í 15 vikur, tvær staðarlotur
Umsjónarkennari:      Aldís Ingimarsdóttir
Kennari:                      Ferdinand Hansen 

Lærdómsviðmið: 

Þekking

  • á kröfum til hönnuða, hönnunarstjóra, iðnmeistara, og byggingarstjóra samkvæmt byggingarreglugerð.
  • á helstu hugtökum gæðastjórnunar við mannvirkjagerð og skilning á notagildi gæðastjónunar við mannvirkjagerð.
  • á aðferðum til rýni krafna í hönnunargögnum, lögum og reglum.

Leikni

  • í uppsetningu gæðahandbókar og skráarvistunar.
  • í rýni gagna og uppsetningu gæðastýringaráætlunar.

Hæfni

  • til uppsetningar og notkunar  gæðastjórnunarkerfa iðnmeistara, byggingarstjóra og hönnuða samkvæmt Lögum um mannvirki. 
  • til að beita aðferðafræði gæðastjórnnar við framleiðslu- og verkefnastjórnun við mannvirkjagerð. 

Lýsing: Í upphafi námskeiðsins er fjallað um:

  • hugtök og markmið gæðastjórnunar út frá mannvirkjagerð með áherslu á kröfur í Lögum um mannvirki.
  • hlutverk, ábyrgð og skyldur iðnmeistara, byggingarstjóra og eiganda mannvirkis.
  • tilgang og mikilvægi  CE merkinga á byggingarvörum.
  • mikilvægi skjala- og skráarvistunar ásamt þörf fyrir tryggingu á rekjanleika.
  • kröfur opinberra verkkaupa um gæðatryggingu

Nemendur vinna verkefni um rýni hönnunargagna, leita uppi kröfur og setja upp eigið innra eftirlit til að fylgja kröfunum eftir. Lögð er áhersla á gerð og notkun áætlana til að mæla árangur sem hluta af eigin innra eftirliti.

Að námskeiði loknu eiga nemendur að eiga drög að gæðastjórnunarkerfi sem fullnægir körfum í Lögum um mannvirki.

Lesefni:  Efni sem kennari vísar á.

Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Tvisvar sinnum fjögra klukkustunda staðarlota í upphafi. Viðtalstímar. 

Námsmat: Mat á verkefnavinnu gildir 100%.

Tungumál: Íslenska

AI LOG 1003  Lögfræði

Einingar:                     6 ECTS
Ár:                               3. ár
Önn:                            Haustönn
Stig námskeiðs:          Grunnnám -grunnnámskeið
Tegund námskeiðs:    Skyldunámskeið
Undanfarar:                Engir
Skipulag:                     Kennt í fjarnámi í 15 vikur, tvær staðarlotur
Umsjónarkennari:      Jens Arnljótsson
Kennari:                      Bjarki Þór Sveinsson. 

Lærdómsviðmið: Stefnt er að því að nemendur öðlist:

Þekkingu á 

  • undirstöðum íslensks stjórnkerfis og fái innsýn í lög og reglur sem viðskiptalífið grundvallast á.
  • réttindi og skyldur þeirra sem standa að atvinnurekstri.
  • helstu reglum verktaka- og útboðsréttar, vinnuréttar sem og almenns kauparéttar.
  • fasteiganakaupum.

Leikni og hæfni í

  • að leysa úr einfaldari ágreiningsefnum.
  • að koma auga á mögulegan ágreining.
  • gerð og uppsetningu kröfugerðar.
  • bréfaskriftum.

Lýsing: Í námskeiðinu verður farið yfir helstu viðfangsefni lögfræðinnar. Farið verður í réttarheimildir og grundvallarreglur í íslensku stjórnkerfi, réttarfar o.fl. Samningar og samningagerð á sviði fjármunaréttar. Lausafjárkaup. Fasteignakaup. Fjármögnunarleiga. Kröfuréttindi. Viðskiptabréf. Ábyrgðir. Veð. Stofnun og rekstrarform fyrirtækja. Verksamningar. Vinnusamningar. Samkeppnisréttur. Helstu alþjóðasamningar.

Lesefni: Sigríður Logadóttir, Lög á bók – Yfirlitsrit um lögfræði.

Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir.

Námsmat: Lokapróf gildir 70% og 3 verkefni gilda 10% hvert.

Tungumál: Íslenska

BI LOK 1006  Lokaverkefni*

 Einingar:                    12 ECTS
Ár:                               3. ár
Önn:                            Vorönn / Haustönn
Stig námskeiðs:          Grunnnám - framhaldsnámskeið
Tegund námskeiðs:    Skyldunámskeið
Undanfarar:                66 ECTS einingar í byggingariðnfræði, þ.e. nemandi má stunda nám í mest 2 fögum (12 ECTS einingum) samhliða lokaverkefni.  Hægt er að vinna lokaverkefni á haust- eða vorönn
Skipulag:                     Kennt í fjarnámi í 15 vikur. Fundir með leiðbeinendum eða umsjónarkennara, sjá Reglur um lokaverkefni í iðnfræði
Umsjónarkennari: Aldís Ingimarsdóttir
Kennarar: Ágúst Þór Gunnarsson, Eyþór Rafn Þórhallsson og Helgi Guðjón Bjarnason.

 Lærdómsviðmið: Stefnt er að því að nemendur: 

  • tileinki sér sjálfstæð og markviss vinnubrögð við úrlausn raunhæfra verkefna í byggingariðnaðinum. 
  • fái heildaryfirsýn yfir fagið með samþættingu námsgreina þar sem þeir beita þekkingu úr öllum námsgreinum byggingariðnfræðinnar.

Lýsing: Í upphafi er unnið einstaklingsverkefni og síðan er unnið í 3-4 manna hópum.  Hópverkefni er valið í samráði við umsjónarkennara þar sem fengist er við hönnun, útboðs- og áætlanagerð. Nemandi þarf að hafa lokið 66 ECTS einingum í byggingariðnfræði til að geta skráð sig í lokaverkefni, þ.e. nemandi má stunda nám í mest 2 fögum (12 ECTS) samhliða lokaverkefni.  Hægt er að vinna lokaverkefni á haust- eða vorönn.

Lesefni: Í samráði við kennara.

Kennsluaðferðir: Kennt í fjarnámi í 15 vikur. Einstaklingsverkefni og hópverkefni unnið í samráði við umsjónarkennara. Nemendur vinna sjálfstætt undir leiðsögn kennara. Reglulegir fundir með umsjónarkennara og leiðbeinendum, sjá Reglur um lokaverkefni í iðnfræði.

Námsmat: Einkunn gefin fyrir úrlausn verkefnis og munnleg vörn. Einstaklingsverkefni gildir 10%, vinna og úrlausn í hópverkefni gildir 50% og munnleg vörn gildir 40%.

Tungumál: Íslenska

*Hægt að vinna lokaverkefni á vorönn eða á haustönn 

Viðmið

Í lærdómsviðmiðum má sjá hvaða þekkingu, leikni og hæfni nemendur eiga að búa yfir að námi loknu.

Inntökuskilyrði

Lágmarkskrafa til að hefja nám í iðnfræði er að hafa lokið bóklegu námi til sveinsprófs. Til að útskrifast sem iðnfræðingur þarf að hafa lokið sveinsprófi.

Bóklegur undirbúningur  

Þeir sem lokið hafa bóklegu námi til sveinsprófs geta þurft að taka allt að fjögur undirbúningsnámskeið í fjarnámi, samhliða iðnfræðináminu.  Í boði eru undirbúningsnámskeið í stærðfræði, eðlisfræði, íslensku og ensku. 

Meistarar og stúdentar 

Þeir sem lokið hafa meistaranámi í iðngrein, eða stúdentsprófi, uppfylla kröfur um bóklegan undirbúning og geta hafið nám í iðnfræði án frekari undirbúnings. 

Umsóknarfrestur

Tekið er við umsóknum fyrir haustönn 5. febrúar - 5. júní og fyrir vorönn 15. október - 5. desember ár hvert.

Fylgiskjöl með umsókn

  • Námsferill
  • Sveinsbréf eða meistarabréf
  • Starfsferill, e.t.v. meðmæli

Getum við aðstoðað?

Vinsamlega hafið samband ef spurningar vakna. 

Vilborg Hrönn Jónudóttir

Verkefnastjóri hjá tækni- og verkfræðideild

Netfang: vilborg@ru.is
Sími: 599 6255

Jens Arnljótsson

Lektor og námsbrautarstjóri iðnfræðináms

Netfang: jensarn@ru.is


Gott að vita:



Var efnið hjálplegt? Nei