Véliðnfræði diplóma
Véliðnfræðingar fást meðal annars við vélahönnun og eftirlit með uppsetningu og framkvæmdum á vélbúnaði. Námið veitir góðan undirbúning með fjölbreyttum námskeiðum, raunhæfum verkefnum og hagnýtu lokaverkefni.
Um námið
Styrktu stöðu þína
Í véliðnfræði er áhersla á véltæknilegar greinar, burðarþolsfræði, varma- og rennslisfræði, vélhlutahönnun, rekstur og stjórnun fyrirtækja ásamt hagnýtu lokaverkefni. Námið hentar vel fyrir fólk í atvinnulífinu sem vill styrkja stöðu sína á vinnumarkaði. Diplóma í véliðnfræði og sveinspróf í iðngreininni veitir rétt til meistarabréfs, ásamt lögverndaða starfsheitinu iðnfræðingur. Kennt er í fjarnámi og er námið sniðið fyrir þá sem eru á vinnumarkaði hvar sem er á landinu, eða jafnvel erlendis.
Fjarnám með tveimur staðarlotum
Véliðnfræði er 90 ECTS eininga nám og er eingöngu kennt í fjarnámi með tveimur staðarlotum á önn, eina helgi í senn. Námið er skipulagt þannig að yfirleitt tekur þrjú ár að ljúka því samhliða vinnu.
Raunhæf verkefni í staðarlotum
Í sumum áföngum eru staðarloturnar nýttar fyrir verklegar æfingar og einnig er farið í fyrirtæki og verkefni unnin í raunumhverfi. Í véliðnfræði fara nemendur meðal annars í fyrirtækjaheimsókn í vélsmiðju og ljúka verklegum æfingum í iðntölvustýringum.
Viðamikið lokaverkefni
Náminu lýkur með 12 ECTS eininga lokaverkefni þar sem sýnt er fram á verkþekkingu og faglega hæfni. Verkefnin eru oftast unnin í samstarfi við fyrirtæki.
Viðbótarnám
Að loknu diplómanámi í iðnfræði geta nemendur bætt við sig 30 ECTS eininga námi í rekstrariðnfræði og hlotið starfsheitið rekstrariðnfræðingur.
Umsögn nemanda
,,Mér finnst kostur að iðnfræðinámið er kennt í fjarnámi, maður er þá frjálsari en þarf að skipuleggja sig vel. Þetta er skemmtilegt og áhugavert nám, hef aldrei haft jafn mikinn áhuga og einmitt nú á því að læra og fræðast. Þar sem þetta er fjarnám átti ég ekki von á því að það væri eitthvað félagslíf, þess vegna kemur það mér mjög á óvart hvað maður kynnist mörgum og eignast góða félaga. Það líður varla sá dagur að ég heyri ekki í einhverjum sem er með mér í náminu. Ég mæli hiklaust með þessu námi.“
Gísli Gunnar Pétursson, nemi í véliðnfræði
Nemendur og kennarar segja frá náminu
Í hópi framsækinna tækniháskóla
HR tekur þátt í alþjóðlegu samstarfsneti framsækinna háskóla um allan heim sem kenna tæknigreinar. Samkvæmt hugmyndafræðinni sem höfð er til hliðsjónar er verkfræðingum framtíðarinnar veittur traustur, fræðilegur grunnur en þeir vinna þar að auki raunhæf verkefni ásamt því að leysa verkefni í hópum. Nemendur kunna því á ferlið frá hugmynd yfir í hönnun, framkvæmd og rekstur þegar þeir koma á vinnumarkaðinn. Samstarfsnetið heitir CDIO, sem stendur fyrir „Conceive, Design, Implement, Operate“. Aðrir skólar í CDIO eru meðal annars:
DTU - Danmarks Tekniske Universitet • Chalmers University of Technology • Aalborg University
• MIT - Massachusetts Institute of Technology • Delft University of Technology
Að námi loknu
Lögverndað starfsheiti
Að loknu námi hlýtur nemandinn prófgráðuna diplóma í véliðnfræði og uppfyllir skilyrði til að hljóta lögverndað starfsheiti sem iðnfræðingur. Til að útskrifast sem iðnfræðingur þarf nemandi að hafa lokið sveinsprófi í iðngrein á viðkomandi sviði og veitir námið þá rétt til meistarabréfs.
Fjölbreytt starfssvið
Í atvinnulífinu starfa véliðnfræðingar á verkfræðistofum, við vélahönnun hjá orku- og framleiðslufryirtækjum og eftirlit með uppsetningu og framkvæmdum á ýmsum vélbúnaði.
Þekking og færni
Í lærdómsviðmiðum má sjá hvaða þekkingu, leikni og hæfni nemendur eiga að búa yfir að námi loknu.
Viðbótarnám í rekstrariðnfræði
Að loknu diplómanámi í véliðnfræði geta nemendur bætt við sig 30 ECTS eininga námi í rekstrariðnfræði og hlotið starfsheitið rekstrariðnfræðingur. Þar með auka nemendur færni sína í rekstri og stjórnun framleiðslufyrirtækja.
Aðstaða
Þjónusta og góður aðbúnaður
Í háskólabyggingu HR er lesaðstaða og bókasafn, aðstaða til verklegrar kennslu, hópavinnuherbergi, mötuneyti, náms- og starfsráðgjöf og önnur þjónusta við nemendur.
Aðstaða í fjarnámi
Nemendur í iðnfræði geta víða á landsbyggðinni fengið aðstöðu til náms og hópavinnu í símenntunarstöðvum, fræðslusetrum og háskólasetrum, en á höfuðborgarsvæðinu býðst nemendum vinnuaðstaða í HR. Upplýsingar um slíka aðstöðu utan Reykjavíkur er að finna hjá sveitarfélögum.
Kennslustofur og lesherbergi
Húsnæði Háskólans í Reykjavík býður upp á afar góða aðstöðu til kennslu, lesturs og samvinnu nemenda. Kennslustofur eru vel búnar og nemendur geta nýtt sér hópavinnuherbergi. Almenn aðstaða er opin nemendum allan sólarhringinn. Sjá fleiri myndir af aðstöðunni í HR.
Góð þjónusta
Í háskólabyggingunni er greiður aðgangur að náms- og starfsráðgjöf, alþjóðaskrifstofu og tækniaðstoð. Á bókasafninu er góð og fjölbreytt vinnuaðstaða.
Kennarar
Reynsla og sérfræðiþekking
Nemendur í iðnfræði njóta leiðsagnar öflugra kennara á fagsviðinu, tæknimanna og hönnuða innan háskólans, og fjölda stundakennara með sérfræðiþekkingu úr atvinnulífinu. Kennarar við HR eru að jafnaði í miklum samskiptum við nemendur.
Fastráðnir kennarar í iðnfræði
Jens Arnljótsson
BSc
Námsbrautarstjóri í iðnfræði
Aðalkennslugreinar eru á sviði varmafræði, varmaflutnings, rennslis- og straumfræði sem tengjast m.a. hagnýtu hönnunarverkefni eða tilraunum á sviði varma og streymisfræði í námi vél- og orkutæknifræðinema. Einnig hefur Jens umsjón með iðnfræðinámi í HR og lokaverkefnum véliðnfræðinema. Menntun: Ingeniør højskolen Helsingør Teknikum 1986, véltæknifræðingur BSc Mech. Eng, með orkufræði sem sérsvið. Fyrri störf: Verkfræðistofa Sefáns A. Stefánssonar, hönnun ýmiss vélbúnaðar, lagna og rennslikerfa, þó einkum vinna tengd sjávarútvegi og þá sérstaklega varmagreining og varmendurvinnsla á orku fra útblæstri fiskimjölsverksmiðja víðs vegar um landið, Stálvík hf. og Skipahönnun ehf., við hönnun, breytingar og fyrirkomulag vélbúnaðar í fiskiskipum.
Aldís Ingimarsdóttir
MSc
Kennir námskeið í jarðtækni og lagnahönnun í byggingariðnfræðinni. Einnig kennir hún jarðtækni, áfanga í vega- og gatnagerð, vatns og fráveitugerð og haft umsjón með sérverkefnum og lokaverkefnum á því sviði í byggingartæknifræði við HR. Aldís hefur verið við HR síðan árið 2007, fyrst sem stundakennari og svo fastráðin frá hausti 2015. Aldís lauk MSc-prófi í byggingarverkfræði frá Tækniháskóla Danmerkur (DTU ) 1996. Eftir nám starfaði hún á verkfræðistofunni Fjölhönnun við gatna- og vegahönnun og ýmsa hönnun á sviði byggingarverkfræði. Hún var meðeigandi að Fjölhönnun 2000 til 2006 og tók þá þátt í stjórnun og rekstri fyrirtækisins. Aldís er umferðaröryggisrýnir sem er leyfi til að taka út vegamannvirki út frá umferðaröryggi, slíkt leyfi er gefið út af Samgöngustofu. Einnig er hún varaformaður jarðtæknifélags Íslands (JTFÍ) en félagið er á mikilli sókn að auka þekkingu og áhuga á jarðtækni.
Einar Jón Ásbjörnsson
PhD
Eyþór Rafn Þórhallsson
MSc
Kennir námskeið um efnisfræði byggingarefna í iðnfræðinni og er leiðbeinandi með lokaverkefnum byggingaiðnfræðinga. Eyþór kennir jafnframt efnisfræði og hönnun steinsteyptra mannvirkja í byggingatæknifræðináminu og er leiðbeinandi með verkefnum í byggingafræði. Eyþór hefur kennt fjölda námskeiða á sviði hönnunar og burðarþols þá bæði í byggingatæknifræði og í meistaranámi byggingaverkfræði, jafnframt hefur hann verið leiðbeinandi við fjölda lokaverkefna á öllum brautum byggingasviðs, þ.e.a.s iðnfræði, byggingafræði, tæknifræði og meistaranáms í verkfræði. Eyþór hefur mikla reynslu af burðarþolshönnun og framkvæmdum á mannvirkjum þá meðal annars á sviði íbúðarbygginga, verslunar- og skrifstofuhúsnæðis, iðnaðarhúsnæðis og hönnun á vatnsaflsvirkjunum. Undanfarinn ár hefur Eyþór staðið fyrir umfangsmiklum rannsóknum á notkun basalttrefjabendingar í mannvirkjum og birt fjölda vísindagreina, sjá nánar á sel.ru.is. Eyþór lauk prófi í byggingatæknifræði frá TÍ 1984, próf í iðnrekstrarfræði við TÍ 1985 og MSc-prófi í byggingaverkfræði frá Heriot Watt, Skotlandi 1988 með áherslu á burðarvirki.
Indriði Sævar Ríkharðsson
MSc
Kristinn Sigurjónsson
MSc
Viggó Magnússon
BSc
Stundakennarar í iðnfræði skólaárið 2018-2019
- Ásgeir Mattíasson verkfræðingur hjá RÖST tækniþjónustu
- Bjarki Þór Sveinsson lögmaður hjá Málflutningsstofu Reykjavíkur
- Bolli Héðinsson hagfræðingur, sjálfstætt starfandi
- Davíð Freyr Jónsson rafmagnstæknifræðingur hjá Össurri
- Guðni Jónsson verkfræðingur hjá Eflu verkfræðistofu
- Hannes Frímann Sigurðsson byggingartæknifræðingur hjá Samtökum iðnaðarins
- Heiðar Jónsson tæknifræðingur hjá Mannvit
- Hektor Már Jóhannsson verkfræðingur hjá VSÓ ráðgjöf
- Helgi Guðjón Bjarnason byggingafræðingur hjá TARK
- Helgi Hauksson verkfræðingur hjá Félagsbústöðum
- Jóhann Albert Harðarson verkfræðingur hjá Ferli verkfræðistofu
- Jón Bjarnason verkfræðingur hjá Extreme Iceland
- Jón Brandsson tæknifræðingur hjá Elkem
- Jón Gautason vél- og orkutæknifræðingur hjá Set ehf
- Karl G Friðriksson hagfræðingur hjá Nýsköpunarmiðstöð Íslands
- Kristinn Alexandersson tæknifræðingur hjá VSÓ ráðgjöf
- Ólafur Hermannsson tæknifræðingur hjá VSÓ ráðgjöf
- Rósa Dögg Þorsteinsdóttir innanhússarkitekt og lýsingarhönnuður hjá Verkhönnun
- Rúnar Gísli Valdimarsson verkfræðingur hjá Mannvit
- Sigurjón Valdimarsson viðskiptafræðingur, sjálfstætt starfandi
- Svanbjörn Einarsson tæknifræðingur hjá Verkís
- Þormóður Sveinsson arkitekt og skipulagsfulltrúi hjá Hafnarfjarðarbæ
- Þóra Karen Ágústsdóttir tækniteiknari hjá Eflu
Skipulag náms
Námstími
Námið er 90 ECTS einingar. Hægt er að ljúka því á þremur árum (6 annir) samhliða vinnu, en einnig er hægt að gera einstaklingsmiðaða námsáætlun og ljúka því á skemmri tíma.
Fjarnám með staðarlotum
Kennt er í fjarnámi með staðarlotum. Tvær verkefnalotur eru á önn þar sem nemendur koma saman í HR eina helgi í hvert skipti. Í sumum áföngum eru staðarloturnar nýttar fyrir verklegar æfingar og einnig er farið í fyrirtæki og verkefni unnin í raunumhverfi.
Starfsdagar
Starfslotur eru tvisvar á önn, sú fyrri í upphafi annar og sú síðari þegar 7 vikur eru liðnar af önninni.
Skipulag náms
Nám með vinnu
12-18 ECTS einingar á önn
|
1. önn- haust 18 ECTS |
2. önn - vor 18 ECTS |
|---|---|
|
AI BUÞ 1003 Burðarþolsfræði Einingar: 6 ECTS Lærdómsviðmið: Stefnt er að því að nemendur:
Burðarbitar: undirstöðugerðir, álagsdreifing og reiknilíkön. Ákvörðun undirstöðukrafta. Ytri og innri kraftar. Sniðkraftar og sniðkraftsferlar. Samhengi milli skerkrafts- og beygjuvægisferla. Grindarvirki: Stangir, stög og grindur. Ákvörðun stangakrafta í grindum með snið- og hnútpunktsaðferð. Lýsing: Í þessu námskeiði er farið í gegnum: Kraft, kraftvægi og kraftajafnvægi í plani. Kraftakerfi og einföldun þeirra (reikni- og teiknilausnir).Flatarmiðjur þversniða (þyngdarpunktar). Lesefni: Preben Madesen: Statik og styrkelære. Erhvervsskolernes forlag, 3..útg. 2016 Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Námsmat: Nemendur skila dæmum 7 sinnum á önninni og þreyta próf í lok annar. 4 klst skriflegt gagnapróf gildir 80%, bestu 6 af 7 dæmasettum gilda 20%. Tungumál: Íslenska. VI HON 1003 Tölvustudd hönnun Einingar 6 ECTS Lærdómsviðmið: Lærdómsviðmið Inventor: Stefnt er að því að nemendur:
Lærdómsviðmið AutoCAD: Stefnt er að því að nemendur:
Lýsing: Á þessu námskeiði verður farið yfir notkun á hönnunarforritunum Autocad og Inventor frá Autodesk og gefa nemendum innsýn í það hvernig hægt er að nýta sér forritin í véla- og kerfishönnun. Lesefni: Námsgögn frá kennara. Kennsluaðferðir: Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum og umræðuþræðir. Námsmat: Sex verkefni verða lögð fyrir: Verkefni 1 gildir 15% og er skilað eftir fyrri staðarlotu. Verkefni 2 gildir 15% og er því skilað fyrir seinni staðarlotu. Verkefni 3,4,5 og 6 gilda samtals 70% og er þeim skilað frá seinni staðarlotu fram að lok námskeiðs. Einungis gilda 3 af þessum 4 verkefnum til lokaeinkunnar. Tungumál: Íslenska AI REH 1003 Bókfærsla og reikningshald Einingar: 6 ECTS Lærdómsviðmið:
Leikni: Nemandi á að geta
Hæfni: Nemandi á að geta
Lýsing: Grunnþættir bókfærslu. Gjöld, tekjur, skuldir, og eignir. Samband höfuðbókar, dagbókar og efnahagsbókar. Undirbækur. Undirstöðuatriði tölvubókhalds. Virðisaukaskattsfærslur. Reikningsjöfnuður. Millifærslur. Uppgjör. Fjárhagsbókhald: Góð reikningsskilavenja. Bókhaldslög og bókhaldsgögn, tekju- og gjaldaskráning, reglur um bókun og skil á virðisaukaskatti. Launabókhald: launa útreikningur, lífeyrissjóður, félagsgjöld o.fl. Skilagreinar lífeyrissjóðs, opinberra gjalda, staðgreiðslu skatta og tryggingargjalds. Skattskil, fyrningar, rekstur bifreiða. Lesefni: Sigurjón Valdimarsson, Bókfærsla og reikningshald, útg. 2016 (ekki er hægt að nota eldri útgáfur). Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Námsmat: 4 klst. skriflegt lokapróf gildir 52% og ná þarf einkunn 5,0. Skilaverkefni (5) gilda 24% og ná þarf meðaleinkunn 5,0. Netbókhaldsverkefni gilda 24%, þarf að vinna til fullnustu þ.e. nemandi þarf að leiðrétta villur þar til rétt niðurstaða fæst. Skilaskylda er á öllum verkefnum. Tungumál: Íslenska. |
VI VHF 1003 Vélhlutafræði Einingar: 6 ECTS Lærdómsviðmið: Stefnt er að því að nemendur öðlist nægjanlega þekkingu og færni í vélhlutafræði til að geta:
Lýsing: Aðaláherslan er á helstu hugtök í burðarþolsfræði og útreikninga á bitum og öxlum, samsetningar með suðu ásamt útreikningum á drifbúnaði.Lögð er áhersla á greiningu á samverkandi spennum og spennuástand. Farið er yfir öryggisstuðla og leyfilegar áraunir. Þoleiginleikar ýmissa algengra málma, leyfinlegar spennur við mismunandi álagstilfelli og efnisval. Skrúfur og bolta samsetning, suðusamsetning. Legur og aðrir hlutir sem tengjast drifbúnaði. Lesefni: Preben Madsen, Statik og styrkelære. Ólafur Eiríksson, Töfluhandbók. Efni frá kennara. Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Námsmat: 3 klst skriflegt próf gildir 66% og skilaverkefni gilda 34%. Standast þarf lokapróf með lágmarkseinkunn 5 til að aðrir námþættir reiknist með í lokaeinkunn. Tungumál: Íslenska VI TEI 2013 Tölvustudd hönnun Einingar: 6 ECTS Lærdómsviðmið: Í lok námskeiðsins eiga nemendur að:
Lýsing: Gera vandaðar vinnuteikningar af vélbúnaði samkvæmt stöðlum .Parta og Sheet metal teikning, teikning samsettra vélhluta. Parametrísk hönnun. Hönnun bita og ramma virkja með notkun á stöðluðum prófílgerðum. Þríviddar hönnun og burðarþolsreikningar gerðir með Autodesk Inventor. Gerð hreyfimynda sem sýna virkni vélbúnaðar. Hönnuarverkefni. Lesefni: Skv. ábendingum kennara. Kennsluaðferð: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Skypefundir, leitið að Indriði Sævar Ríkharðsson (indridi_s_r) Námsmat: Sex skilaverkefni gilda samtals 100% af einkunn, skilaskylda á öllum verkefnum. Nemandi þarf að fá lágmarkseinkunn 5 fyrir hvert verkefni. Tungumál: Íslenska AI STJ 1003 Stjórnun, rekstur og öryggi Einingar: 6 ECTS Lærdómsviðmið: Stefnt er að því að nemandi:
Lýsing: Stjórnun sem fræðigrein, undirstaða stjórnunarlegs skilnings. Rekstrarumhverfi, fyrirtækjabragur og viðskiptasiðferði. Fjallað er um einstaklinginn við vinnu út frá ólíku gildismati og viðhorfum. Gerðir félagslegra hópa, félagstengsl ásamt atriðum sem hafa áhrif á virkni hópa. Deilur, þróun þeirra og deilulausnir og hlutverk stjórnandans í því sambandi. Fjallað er um þarfir einstaklings við vinnu og farið í helstu kenningar um starfshvatningu. Einnig er fjallað um firringu á vinnustað og tilraunir til að eyða firringu út frá félagslegum þáttum og breytingum á vinnutilhögun. Farið er í forystuhlutverk stjórnandans, stefnumótun, markmiðasetning og áætlanagerð, hagnýt atriði varðandi stjórnun teyma, stjórnun vinnufunda, ritun fundargerða og verkstjórn. Umfjöllun um nokkrar tegundir stjórnunarstíla og ólíkar gerðir stjórnskipulaga og uppbyggingu skipulagsheilda. Öryggismálum á vinnustöðum er gerð góð skil og vinna nemendur verkefni sem tengjast öryggisúttekt á vinnustað og gerð rýmingaráætlana. Fjallað um nokkur mikilvæg atriði varðandi stjórnun starfsmannamála með áherslu á kennslufræði og starfsþjálfun sem gagnast iðnmeisturum sem taka að sér starfsþjálfun iðnnema. Farið er í lög og reglugerðir um iðnmenntun, gerð prófa og kennsluáætlana. Lesefni: Karl Friðriksson, Richard Keegan og Eddie O´Kelly, Fyrirmyndarstjórnun. Hagnýt viðmið og samkeppnisforskot, NMI 2014. Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Námsmat: 3 klst. skriflegt próf gildir 70% af lokaeinkunn og verkefni 30%. Tungumál: Íslenska. |
|
3. önn- haust 18 ECTS
|
4. önn - vor 12 ECTS |
|---|---|
|
RI STA 1003 Stafræn tækni Einingar: 6 ECTS Lærdómsviðmið: Stefnt er að því að nemendur:
Lýsing: Rökrásir, NAND og NOR, lausnir á raunhæfum verkefnum með rökrásum, Boolean algebra, Karnaugh lausnir, notkun rökrásahandbóka, samrökrásir, yfirlit yfir TTL og CMOS rásir, inn/út á TTL rásum, CMOS rásir, fjölinngangar (multiplex), gagnaval, fjölútgangar og gagnadreifing (decoder), samhengi milli rafrásateikninga og rökrásateikninga, dæmi um raunhæfar lausnir á rökstýringum, teljarar og minni. Lesefni: Tomas Floyd, Digital Fundamentals, 10. útgáfa (Pearson New International Edition). Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Námsmat: 3 klst. skriflegt próf gildir 80% og vikuleg skilaverkefni 20%. Nemendur þurfa að skila minnst 75% af verkefnunum til þess að öðlast próftökurétt. Nemendur þurfa að ná prófinu áður en að einkunn fyrir verkefnin fer að telja. Tungumál: Íslenska VI EFN 1003 Efnisfræði og framleiðslutækni Einingar: 6 ECTS Lærdómsviðmið: Að námskeiðinu loknu eiga nemendur að:
Lýsing: Í námskeiðinu er fjallað um:Bottom of Form Innri uppbyggingu efna. Efnisprófanir. Helstu málma, stál, ryðfrítt stál, ál og eirmelmi. Hersla og vinnsla málma. Framleiðsla í tölvustýrðum vélum. Framleiðslu aðferðir málma. Tæring og tæringarvarnir. Staðlar. Plast. Keramik efni. Samsett efni. Lesefni: James Newell, Essentials of Modern Materials Science and Engineering, Wiley & Sons, 2009. Efni frá kennara. Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Námsmat 3 klst. skriflegt próf gildir 60%, þrjú verkefni gilda 30% (3x10%) og heimadæmi gilda 10% (6 af 7 gilda). Tungumál: Íslenska VI HUN 1003 Véltæknileg hönnun Einingar: 6 ECTS Lærdómsviðmið: Stefnt er að því að nemendur:
Lýsing: Í námskeiðinu eru leyst tvö verkefni sem felast í hönnun á vélbúnaði. Annarsvegar hönnun á drifbúnaði með hönnun á öxlum og val á drifhlutum, s.s. keðjudrifi, reimdrifi, legum og fleiru og hinsvegar hönnun á hlaupaketti með hönnun á bitum og færsluvagni og val á hífibúnaði. Í námskeiðinu þarf að sýna útreikninga á hönnununinni, útfæra smíðateikningar fyrir búnaðinn og skrifa skýrslu um verkefnið. Lögð er áhersla á að kunna skil á mismunandi smíðamálmum sem algengastir eru og helstu eiginleikum þeirra. Lesefni: Preben Madsen, Statik og styrkelære. Ólafur Eiríksson, Töflubókin, (Maskin Ståbi, Teknisk forlag), efni frá kennara. Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Námsmat: Mat á verkefnum gildir 100%. Tungumál: Íslenska |
VI VAR 1003 Varma- og rennslisfræði Einingar: 6 ECTS Lærdómsviðmið: Stefnt er að því að nemendur:
Lýsing: Grundvallaratriði varmafræðinnar. I. lögmálið. Massa og orkustreymi. Varmafræði gufunnar, fasaástand vatns, gufuhlutfall, gufutöflur. Rankine hringur. Varmaflutningur með leiðni, varmaburði og geislun. Varmaeiginleikar efna. Varmatöp í veggjum og pípum. Varmaskiptar. Rennslisfræði, Bernoullijafnan, þrýstingstöp í pípukerfum. Dælur raðtrngdar og hliðtengdar, dælurit og lagnakerfisferlar, val á dælum. Blásarar og blásararit. Gerðir vatnshverfla. Lesefni: Skv. ábendingum kennara. Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Námsmat: 3 klst. skriflegt próf gildir 70% og mat á 8 verkefnum 30%. Tungumál: Íslenska AI FRK 1003 Framkvæmdafræði og verkstjórn Einingar: 6 ECTS Lærdómsviðmið: Stefnt er að því að nemandinn kunni skil á:
Lýsing: Eðli útboðsgagna og gerð tilboða í verklegar framkvæmdir. Útboðslýsing, verklýsing, tilboðsskrá, framkvæmdatrygging og verksamningar. Mismunandi útboðsform. Gerð verkáætlana fyrir verklegar framkvæmdir, MS Project forritið. Magntölur og magntaka. Afkastageta og verktími. Afköst, mannafla- og tækjaþörf. Afkastahvetjandi launakerfi. Skipulagning á vinnustað. Kostnaðarreikningur, gerð kostnaðaráætlana. Vísitölu- og verðbótaútreikningar. Eftirlit með byggingarframkvæmdum. Lesefni: Eðvald Möller, Verkefnastjórnun og verkfærið Project, 2014. ÍST30:2012 - Almennir útboðs- og samningsskilmála um verkframkvæmdir, Staðlaráð Íslands, 2012. Annað skv. ábendingum kennara. Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Leiðsögn gegnum tölvupóst og síma. Námsmat: 3 klst. skriflegt lokapróf gildir 40% og verkefni 60%. Tungumál: Íslenska.
|
|
5. önn - haust 12 ECTS |
6. önn - vor 12 ECTS |
|---|---|
|
RI PLC 1003 Iðntölvustýringar Einingar: 6 ECTS Lærdómsviðmið: Stefnt er að því að í lok námskeiðs hafi nemendur:
Lýsing: Iðntölvustýringar: Farið í uppbyggingu á PLC iðntölvum og tengdum jaðarbúnaði. Í þessum áfanga er notast við Zelio PLC vél og forritunarpakkan ZelioSoft, frá “Schneider Electric”. Farið verður í tengingu iðntölvunnar við annan búnað sem og helstu gerðir af inngöngum og útgöngum, bæði stafræna og hliðræna. Einnig er farið yfir nokkrar gerðir skynjara sem notaðir eru í iðnstýringum. Farið verður yfir þau hjálpartæki sem notast er við þegar hanna á forrit fyrir PLC vélar, svo sem: Flæðirit, Fasarit o.fl. Forritunarmálin “Ladder” og “FBD Function Block Diagram” verða kynnt í þessum áfanga og notuð við forritun. Kynning á Modicon M340 iðntölvum og Unity Pro forritunarhugbúnaðinum. Notast er við hljóðglærur og önnur gögn frá kennara ásamt því að nýta upplýsingar og leiðbeiningar framleiðanda Zelio, Schneider Electric. Áhersla er lögð á sjálfstæða vinnu nemenda við lausn verkefna. Lesefni: Afhent af kennara Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Námsmat: Lokapróf gildir 60% og verkefni 40% af lokaeinkunn.Athugið að nemandi verður að ná prófinu áður en tekið verður tillit til verkefnanna. Tungumál: Íslenska AI LOG 1003 Lögfræði Einingar: 6 ECTS Lærdómsviðmið: Stefnt er að því að nemendur öðlist: Þekkingu á
Leikni og hæfni í
Lýsing: Í námskeiðinu verður farið yfir helstu viðfangsefni lögfræðinnar. Farið verður í réttarheimildir og grundvallarreglur í íslensku stjórnkerfi, réttarfar o.fl. Samningar og samningagerð á sviði fjármunaréttar. Lausafjárkaup. Fasteignakaup. Fjármögnunarleiga. Kröfuréttindi. Viðskiptabréf. Ábyrgðir. Veð. Stofnun og rekstrarform fyrirtækja. Verksamningar. Vinnusamningar. Samkeppnisréttur. Helstu alþjóðasamningar. Lesefni: Sigríður Logadóttir, Lög á bók – Yfirlitsrit um lögfræði. Kennsluaðferðir: Kennt í fjarnámi í 15 vikur, tvær staðarlotur. Fyrirlestrar, sýnidæmi, verkefni og úrlausnir í staðarlotum og gegnum rafrænt kennslukerfi. Námsefni á kennsluvef sem fylgt er eftir með reglulegum skilaverkefnum yfir önnina. Leiðbeiningar frá kennara á kennsluvef, námsefni á hljóðglærum, umræðuþræðir. Námsmat: Lokapróf gildir 70% og 3 verkefni gilda 10% hvert. Tungumál: Íslenska |
VI LOK 1006 Lokaverkefni*
Einingar. 12 ECTS Lærdómsviðmið: Stefnt er að því að nemendur:
Lýsing: Nemandi beitir þekkingu sem hann hefur öðlast í náminu til að leysa raunhæft verkefni valið úr véltæknisviði íslensks athafnalífs. Áhersla er lögð á sjálfstæð vinnubrögð, skipuleg vinnubrögð við gagnasöfnun, skilgreiningu vandamála, lausnaleit, úrvinnslu, skýrslugerð og teikningu. Lokaverkefni í véliðnfræði er að öðru jöfnu einstaklingsverkefni. Nemandi þarf að hafa lokið 66 ECTS einingum í byggingariðnfræði til að geta skráð sig í lokaverkefni, þ.e. nemandi má stunda nám í mest 2 fögum (12 ECTS) samhliða lokaverkefni. Hægt er að vinna lokaverkefni á haust- eða vorönn. Lesefni: Í samráði við kennara. Kennsluaðferðir: Kennt í fjarnámi í 15 vikur. Nemendur vinna sjálfstætt undir leiðsögn kennara. Reglulegir fundir með umsjónarkennara og leiðbeinendum, sjá Reglur um lokaverkefni í iðnfræði. Námsmat: Einkunn gefin fyrir úrlausn verkefnis og munnleg vörn. Tungumál: Íslenska
|
*Hægt er að vinna lokaverkefni á vorönn eða haustönn.
Viðmið
Í lærdómsviðmiðum má sjá hvaða þekkingu, leikni og hæfni nemendur eiga að búa yfir að námi loknu.
Inntökuskilyrði
Lágmarkskrafa til að hefja nám í iðnfræði er að hafa lokið bóklegu námi til sveinsprófs. Til að útskrifast sem iðnfræðingur þarf að hafa lokið sveinsprófi.
Bóklegur undirbúningur
Þeir sem lokið hafa bóklegu námi til sveinsprófs geta þurft að taka allt að fjögur undirbúningsnámskeið í fjarnámi, samhliða iðnfræðináminu. Í boði eru undirbúningsnámskeið í stærðfræði, eðlisfræði, íslensku og ensku.
Meistarar og stúdentar
Þeir sem lokið hafa meistaranámi í iðngrein, eða stúdentsprófi, uppfylla kröfur um bóklegan undirbúning og geta hafið nám í iðnfræði án frekari undirbúnings.
Umsóknarfrestur
Tekið er við umsóknum fyrir haustönn 5. febrúar - 5. júní og fyrir vorönn 15. október - 5. desember ár hvert.
Fylgiskjöl með umsókn
- Námsferill
- Sveinsbréf eða meistarabréf
- Starfsferill, etv. meðmæli
Getum við aðstoðað?
Vinsamlega hafið samband ef spurningar vakna.
Vilborg Hrönn Jónudóttir
Verkefnastjóri hjá tækni- og verkfræðideild
Sími: 599 6255