Háskólanám eftir iðnnám

• Lögverndað starfsheiti: Iðnfræðingur
• Námið veitir einnig rétt til meistarabréfs. 
• Gráða: Diplóma
• Lengd náms: 3 ár eða styttra
• Fjöldi eininga: 90 ECTS
• Kennt er í fjarnámi með tveimur staðarlotum á önn, eina helgi í senn. Hægt að stunda samhliða vinnu.

Námskeið í bóklegum fögum

Samhliða námi gefst nemendum sem vantar grunn í stærðfræði, eðlisfræði, ensku eða íslensku tækifæri á að taka undirbúningsnámskeið sem nýtast þeim sem best í tæknimiðuðu háskólanámi.

Hægt er að velja um eftirfarandi brautir: 

• Byggingariðnfræði
• Rafiðnfræði
• Véliðnfræði

Háskólinn í Reykjavík er eini háskólinn á Íslandi sem kennir iðnfræði. 

• Lögverndað starfsheiti: Byggingafræðingur
• Gráða: BSc
• Fjöldi eininga: 210 ECTS
• Fjarnám að hluta
• Öflugt starfsnám og samstarf við atvinnulífið

Sérþekking byggingafræðinga er eftirsótt á vinnumarkaði og hún nýtist í síauknum mæli við hönnun og byggingu mannvirkja. Námið skiptist í tvo hluta, fyrri hluti námsins er kenndur í fjarnámi með námsbraut í byggingariðnfræði en síðari hlutinn er 120 eininga verkefnamiðað nám, kennt í staðarnámi.

Byggingafræðingar í atvinnulífinu

Að námi loknu eiga nemendur að vera færir um að sinna fjölbreyttum störfum í byggingariðnaði og atvinnulífi og þá sérstaklega sem fagaðilar í samstarfi við byggingahönnuði, byggingaryfirvöld og framkvæmdaraðila.

Háskólinn í Reykjavík er eini háskólinn á Íslandi þar sem kennd er byggingafræði.

Fyrri hluti námsins er kenndur í fjarnámi með námsbraut í byggingariðnfræði.

• Lögverndað starfsheiti: Tæknifræðingur
• Getur veitt rétt til meistarabréfs
• Gráða: BSc
• Lengd náms: 3 1/2 ár
• Fjöldi eininga: 210 ECTS
• Starfsnám er hluti af náminu
• Veitir rétt til framhaldsnáms í verkfræði

Tæknifræði hentar þeim einstaklingum vel sem vilja hagnýta tæknimenntun sem býður upp á mikla möguleika bæði í atvinnulífinu og framhaldsnámi. Nemendur fá tækifæri til að fylgja verkefnum eftir frá hugmynd til framkvæmdar þar sem fræðileg undirstaða er sett í tæknilegt samhengi. Slík þekking er dýrmæt þegar út á vinnumarkaðinn er komið.

Tæknifræðingar í atvinnulífinu

Tæknifræðingar eru eftirsóttir starfskraftar í iðnfyrirtækjum, á verkfræðistofum, hjá verktökum og opinberum aðilum. Tæknifræðingar starfa m.a. við stjórnun, eftirlit, ráðgjöf, framkvæmdir, hönnun og verkefnastjórnun á hinum ýmsu fagsviðum.

Hægt er að velja um eftirfarandi brautir: 

• Byggingartæknifræði
• Rafmagnstæknifræði
• Orku- og véltæknifræði

Háskólinn í Reykjavík er eini háskólinn á Íslandi þar sem kennd er tæknifræði.  

Hagnýtt nám sem er sniðið að einstaklingum á vinnumarkaði.

Rekstrarfræði

Örnám ætlað einstaklingum í atvinnulífinu sem vilja auka færni sína í rekstri og stjórnun. Útskrifaðir nemendur hafa aflað sér almennrar þekkingar og skilnings á undirstöðuatriðum í fjármálum fyrirtækja, hagfræði, fjármálastjórn, rekstrargreiningu og nýsköpun og stofnun fyrirtækja.

• Inntökuskilyrði eru að hafa lokið einu af eftirfarandi: Meistaraprófi í iðngrein / diplómaprófi í iðnfræði / BSc gráðu / Stúdentsprófi eða 4. stigs vélstjórnarprófi og hafa að lágmarki fimm ára reynslu af rekstri fyrirtækis (umsóknir þeirra einstaklinga verða metnar sérstaklega).
• Prófgráða: Nei
• Lengd náms: 3 annir
• Fjöldi eininga: 45 ECTS
• Kennt er í fjarnámi með tveimur staðarlotum á önn

• Rekstrarfræði

Upplýsingatækni í mannvirkjagerð

• Prófgráða: Nei
• Lengd náms: 2 annir
• Fjöldi eininga: 30 ECTS
• Kennt er í fjarnámi með tveimur staðarlotum á önn

Upplýsingalíkön í mannvirkjagerð auka gæði hönnunar og framkvæmda og stuðla að hagkvæmari byggingum með tilliti til rekstrar þeirra og líftíma.

Nám í upplýsingatækni í mannvirkjagerð er tilvalið fyrir þau sem starfa í byggingariðnaði og við mannvirkjagerð og einnig þau sem vilja sérhæfa sig í þeim stafrænu umbreytingum sem nú eiga sér stað. Nemendur öðlast reynslu, þekkingu og færni í að leysa flókin og þverfagleg vandamál og stjórna verkefnum í upplýsingalíkönum.

Námið er kennt samhliða vinnu. Kennt er í staðarnámi í húsnæði HR tvo virka daga í viku milli kl. 16:00 - 19:00 yfir tvær annir.

Stutt og hagnýtt rekstrar- og viðskiptanám sem er sérstaklega sniðið að einstaklingum á vinnumarkaði.

• Upplýsingatækni í mannvirkjagerð

Iðnfræði:

Einstaklingar sem hafa lokið burtfararprófi geta byrjað strax í viðeigandi námsbraut í iðnfræði. Til að útskrifast verða þeir að hafa lokið sveinsprófi sem hægt er að ljúka samhliða iðnfræðináminu.

Algengustu iðngreinarnar hjá nemendum í iðnfræði eru:

• Byggingariðnfræði: smiðir, múrarar, píparar, málarar
• Rafiðnfræði: rafvirkjar, rafeindavirkjar
• Véliðnfræði: vélfræðingar, vélvirkjar, bifvélavirkjar, vélsmiðir, píparar

Nemendur þurfa þó oftast að ljúka undirbúningsnámskeiðum í fjarnámi, samhliða iðnfræðináminu. Í boði eru sérhæfð undirbúningsnámskeið í stærðfræði, eðlisfræði, íslensku og ensku eingöngu fyrir iðnfræðinema.

Byggingafræði:

Einstaklingar sem hafa lokið sveinsprófi í iðngrein á byggingarsviði geta hafið nám í byggingafræði en þeir hefja nám í fyrri hluta sem er byggingariðnfræði. Til að útskrifast verða þeir að hafa lokið sveinsprófi sem hægt er að ljúka samhliða iðnfræðináminu.

Tæknifræði:

Burtfararpróf er góður grunnur fyrir nám í tæknifræði. Þau sem eru með burtfararpróf þurfa samt sem áður að hefja tæknifræðinámið í Háskólagrunni HR þar sem þau bæta við sig einingum í bóklegum greinum.

Aðrar námsbrautir:

Þau sem hafa lokið burtfararprófi eða sambærilegu námi þurfa að sækja um nám í Háskólagrunni HR. Ekki er gerð krafa um sveinspróf.

Iðnfræði:

Þau sem hafa lokið sveinsprófi geta strax hafið nám í viðeigandi námsbraut í iðnfræði. Algengustu iðngreinarnar hjá nemendum í iðnfræði eru:

• Byggingariðnfræði: smiðir, múrarar, píparar, málarar
• Rafiðnfræði: rafvirkjar, rafeindavirkjar
• Véliðnfræði: vélfræðingar, vélvirkjar, bifvélavirkjar, vélsmiðir, píparar

Nemendur þurfa þó oftast að ljúka undirbúningsnámskeiðum í fjarnámi, samhliða iðnfræðináminu. Í boði eru sérhæfð undirbúningsnámskeið í stærðfræði, eðlisfræði, íslensku og ensku eingöngu fyrir iðnfræðinema.

Byggingafræði:

Einstaklingar sem hafa lokið sveinsprófi í iðngrein á byggingarsviði geta hafið nám í byggingafræði en þeir hefja nám í fyrri hluta sem er byggingariðnfræði.

Tæknifræði:

Sveinspróf veitir góðan undirbúning fyrir nám í tæknifræði enda eru einstaklingar sem hafa þennan bakgrunn afar eftirsóttir í atvinnulífinu. Nemandi sem vill hefja nám í tæknifræði og er með sveinspróf þarf samt sem áður að hefja námið í Háskólagrunni HR og bæta við sig einingum í bóklegum greinum.

Aðrar námsbrautir:

Ef ætlunin er að skrá sig í BA- eða BSc-nám verða þau sem hafa lokið sveinsprófi að ljúka lokaprófi úr Háskólagrunni HR áður en sótt er um.

Iðnfræði:

Þau sem eru með meistararéttindi í sinni iðngrein geta skráð sig beint í iðnfræði.

Byggingafræði:

Þau sem hafa lokið meistaranámi í sinni iðngrein uppfylla inntökuskilyrði í byggingafræði að því tilskildu að hafa lokið byggingariðnfræði sem er fyrri hluti byggingafræðinámsins.

Tæknifræði:

Einstaklingur sem er með meistararéttindi í iðngrein og sveinspróf þarf samt sem áður að hefja nám við HR í Háskólagrunni og bæta við sig einingum í bóklegum greinum vilji viðkomandi hefja nám í tæknifræði.

Aðrar námsbrautir:

Þau sem hafa meistarabréf þurfa að ljúka Háskólagrunni HR til að skrá sig í annað hvort BA- eða BSc-nám við HR.

Iðnfræði:

Þau sem eru með 4. stigs vélstjórapróf geta skráð sig beint í véliðnfræði og rafiðnfræði.

Tæknifræði:

Ef einstaklingur er með 4. stigs vélstjórapróf getur sá hinn sami skráð sig strax í nám í tæknifræði og þarf ekki að fara í Háskólagrunn.

Verkfræði:

Einstaklingur sem hefur lokið 4. stigs vélstjórnarprófi getur skráð sig í BSc-nám í verkfræði.

Aðrar námsbrautir:

Yfirleitt þurfa umsækjendur með 4. stigs vélstjórapróf að hafa lokið stúdentsprófi eða lokaprófi úr Háskólagrunni HR en hvert tilfelli fyrir sig er metið. Best er að hafa samband við starfsfólk deildarinnar sem sér um námið.

Iðnfræði:

Tækniteiknarar skrá sig yfirleitt í byggingariðnfræði en þeir útskrifast ekki sem iðnfræðingar nema að hafa lokið sveinsprófi. Oft þurfa þessir einstaklingar að taka ákveðna grunna samhliða iðnfræðináminu sem kenndir eru í fjarnámi.

Byggingafræði:

Tækniteiknarar geta hafið nám í byggingariðnfræði strax sem er fyrri hluti byggingafræðinámsins. Þeir taka jafnframt undirbúningsgrunna í stærðfræði, íslensku og ensku, samhliða fyrri hluta námsins.

Tæknifræði:

Einstaklingar sem hafa lokið tækniteiknun þurfa að ljúka undirbúningsnámi í Háskólagrunni HR til að hefja nám í tæknifræði. 

Aðrar námsbrautir:

Stefni tækniteiknari á annað nám er nauðsynlegt að ljúka Háskólagrunni HR og ráðlagt að hafa samband við þá deild sem viðkomandi hyggur á nám við.

Iðnfræði:

Einstaklingar með iðnstúdentspróf eða tæknistúdentspróf geta hafið nám strax í iðnfræði.

Byggingafræði:

Þau sem hafa lokið iðnstúdentsprófi eða tæknistúdentsprófi geta í flestum tilvikum hafið nám strax í byggingariðnfræðihluta námsins. Þau þurfa þó að athuga að þau séu með nægan undirbúning í undirstöðugreinum:

• Stærðfræði 12 einingar (eða 20 fein)
• Eðlisfræði 6 einingar (10 fein)
• Íslenska 12 einingar (20 fein)
• Enska 9 einingar (15 fein)

Ef þörf er á er hægt að ljúka þessum námskeiðum í fjarnámi samhliða fyrri hluta byggingafræðinámsins.

Tæknifræði:

Þau sem hafa lokið iðnstúdentsprófi eða tæknistúdentsprófi geta í sumum tilvikum þurft að ljúka undirbúningsnámi í Háskólagrunni HR áður en nám í tæknifræði hefst. Skoða þarf hvort það dugi að ljúka viðbótarnámi í stærðfræði og raungreinum.

Aðrar námsbrautir:

Sé stefnan tekin á annað hvort BSc- eða BA-nám við Háskólann í Reykjavík þurfa iðnstúdentar og tæknistúdentar að ljúka Háskólagrunni HR.

Iðnfræði:

Þau sem hafa lokið stúdentsprófi, ásamt námi í viðeigandi iðngrein, geta hafið strax nám í iðnfræði. Þeir einstaklingar sem hafa ekki lokið sveinsprófi í viðeigandi iðngrein útskrifast þó ekki sem iðnfræðingar. 

Byggingafræði, tæknifræði og aðrar námsbrautir:

Þau sem hafa lokið stúdentsprófi geta hafið nám í byggingafræði, tæknifræði, verkfræði og öllum brautum í grunnnámi, nema ef einingar vantar í stærðfræði og raungreinum. Þá er hægt að ljúka þeim áföngum í Háskólagrunni HR.