Tölvunarfræði BSc

Kunnátta í tölvunarfræði er dýrmæt í nútíma þjóðfélagi enda er hún undirstaða margþættrar starfsemi og nýrra fyrirtækja. Nám í tölvunarfræði við HR hefur sérstöðu vegna sterkra tengsla við atvinnulífið og áherslu á raunhæf verkefni. Námið hefur alþjóðlega vottun sem staðfestir gæði þess. 

Um námið

Nemendur og kennarar segja frá náminu í tölvunarfræði við HR.

Val um tvær leiðir

Í BSc-náminu er valið um tölvunarfræði eða rannsóknarmiðaða tölvunarfræði. 

Tölvunarfræði

Nám í tölvunarfræði hentar þeim sem hafa áhuga á að hanna hugbúnað og vefsíður, þróa tölvuleiki, læra stærðfræði og forritun, vinna í sýndarveruleika og margt fleira. Tölvunarfræði er fjölbreytt og lifandi grein sem skarast á við ýmis önnur fræðasvið eins og sálfræði, verkfræði, lífupplýsingafræði og viðskiptafræði.  

Rannsóknarmiðuð tölvunarfræði

Leggur aukna áherslu á fræðilegri hliðar tölvunarfræðinnar. Rannsóknarmiðað nám hentar vel þeim sem hafa góðan stærðfræðibakgrunn úr framhaldsskóla og sem vilja halda sem flestum möguleikum opnum fyrir framhaldsnám.

Spennandi áherslusvið

Nemendur geta valið eitt eða tvö áherslusvið í lok fyrsta árs í náminu ef þeir vilja.  Áherslusviðin eru:

• Gervigreind
• Fjártækni
• Vef- og viðmótshönnun
• Leikjaþróun
• Sálfræði
• Lögfræði
• Íþróttafræði

Lesa meira um áherslusviðin

Annað háskólanám metið til eininga

Sú færni og kunnátta sem nemendur öðlast með námi í tölvunarfræði nýtist mjög vel í bland við þekkingu sem nemendur hafa þegar aflað sér, jafnvel í greinum sem við fyrstu sýn virðast alls óskyldar tölvunarfræði. Tölvunarfræðideild vill hvetja sem flesta til að kanna hina fjölmörgu möguleika sem fagið veitir. Nemendur geta því fengið margvíslegt háskólanám sem þeir hafa lokið metið til eininga.

Starfsnám

Með starfsnámi öðlast nemendur dýrmæta reynslu. Nemendur geta sótt um að fara til Fraunhofer rannsóknarstofnunarinnar í Bandaríkjunum eða til CCP í Reykjavík. Frekari upplýsingar um starfsnámið veitir skrifstofa tölvunarfræðideildar: td@ru.is.

Fraunhofer

Nemendur geta sótt um að fara í starfsnám til hinnar virtu Fraunhofer-rannsóknarstofnunar, í Maryland í Bandaríkjunum. Við Fraunhofer eru stundaðar öflugar rannsóknir í nánu samstarfi við ýmsar stofnanir og fá nemendur að taka þátt í þeirri vinnu. Nemendur fá greidd laun meðan á starfsnáminu stendur. Starfsnámið getur verið metið til eininga.

CCP

CCP Games og Háskólinn í Reykjavík eru með samstarfssamning um rannsóknir og kennslu í tölvunarfræði. Hluti af þessum samningi er starfsnám nemenda í tölvunarfræði hjá fyrirtækinu.

Lokaverkefni með fyrirtækjum

Lokaverkefni nemenda í BSc-námi eru hópverkefni sem unnin eru í samstarfi við fyrirtæki. Undanfarin ár hafa nemendur unnið verkefni fyrir Icelandair, Advania, Isavia, Marel, Tempo, Netorku, Össur, Valitor, Neyðarlínuna og Landspítalann.

Alþjóðleg vottun 

BSc-námið í tölvunarfræði við HR hefur þá sérstöðu hér á landi að það hefur hlotið alþjóðlega gæðavottun (EQANIE).

Vísindamenn í fremstu röð

Helstu rannsóknarsvið deildarinnar eru gervigreind, fræðileg tölvunarfræði, máltækni og hugbúnaðar- og tölvukerfi. Rannsóknir fara að verulegu leyti fram innan sérstakra rannsóknarsetra þar sem nemendur geta unnið að spennandi verkefnum undir handleiðslu vísindamanna. 

Að námi loknu

Lögverndað starfsheiti

Nemendur öðlast réttindi til að nota lögverndaða starfsheitið tölvunarfræðingur að loknu grunnnámi. 

Fjölbreytt störf

Útskrifaðir nemendur starfa meðal annars við greiningu og hönnun kerfa, vef- og viðmótshönnun, forritun, gæðaprófanir og fleira. Í BSc-námi við tölvunarfræðideild er lögð áhersla á raunhæf verkefni sem eru góð þjálfun fyrir slík störf að námi loknu.

Meistaranám

Með því að ljúka meistaranámi (MSc) í framhaldi af grunnnámi (BSc) geta nemendur náð enn betra forskoti á vinnumarkaði, sérstaklega ef viðkomandi vill sinna stjórnunarstöðu. 

• Meistaranám í tölvunarfræði við HR

Aðstaða

Þjónusta og góður aðbúnaður

Í háskólabyggingu HR er aðstaða til verklegrar kennslu, rannsókna, hópavinnuherbergi, mötuneyti, náms- og starfsráðgjöf og önnur þjónusta við nemendur.

Ný þekking verður til

HR stendur framarlega á heimsvísu í rannsóknum, meðal annars í gervigreind og fræðilegri tölvunarfræði.

Svartholið

Þeir nemendur sem gera verkefni og stunda rannsóknir með vísindamönnum Gervigreindarseturs HR, CADIA, hafa afnot af aðstöðu setursins fyrir tilraunir og sérstaka þróun í margmiðlunartilraunaherbergi sem kallað er Svartholið. Þar eru margskonar tæki sem nýta má í samskiptum fólks og tölva, eins og sýndarveruleikabúnaður (Oculus Rift og HTC Vive), risaskjár (3m x 2m), tölvusjón (Kinect), stefnuvirkir hljóðnemar, tölvustýrð LED-lýsing, hátalarakerfi og hljóðblandari svo að fátt eitt sé nefnt. 

Þar er líka aðstaða fyrir hópavinnu nemenda og starfsmanna á öllum námsstigum. Þar eru borð (flestum úthlutað á hverri önn, en líka borð sem nemendur geta notað hluta vikunnar), geymsluaðstaða (skúffur, hillur, kassar), grunn tækjabúnaður (skjáir, snúrur o.s.frv.) og svo tússtöflur og afþreyingaraðstaða (sófi og leikjavélar).

Kennslustofur og lesherbergi

Húsnæði Háskólans í Reykjavík býður upp á afar góða aðstöðu til kennslu, lesturs og samvinnu nemenda. Kennslustofur eru vel búnar og nemendur geta nýtt sér hópavinnuherbergi. Almenn aðstaða er opin nemendum allan sólarhringinn. Nemendur í tölvunarfræði læra oft saman á ákveðnu svæði í Sólinni. Sjá fleiri myndir af aðstöðunni í HR.  

Þjónusta 

Í háskólabyggingunni er greiður aðgangur að náms- og starfsráðgjöf, alþjóðaskrifstofu og tækniaðstoð. Á bókasafninu er góð og fjölbreytt vinnuaðstaða. Safnið býður aðgang að bókum og fræðigreinum og upplýsingafræðingar eru með opna tíma þar sem nemendur geta litið við og fengið ráðleggingar og aðstoð vegna heimildavinnu. 

Verslanir og kaffihús

Í HR er Háskólabúðin sem selur nauðsynjavörur, kaffihús, æfingasalur World Class og Málið veitingasala.

Kennarar

Vísindamenn og sérfræðingar

Nemendur í tölvunarfræði njóta leiðsagnar öflugra vísindamanna og sérfræðinga á fagsviðinu, stundakennara og gestafyrirlesara með sérfræðiþekkingu úr atvinnulífinu. Kennarar við HR eru að jafnaði í miklum samskiptum við nemendur.

Stundakennarar

Meðal þeirra sem koma að kennslu í tölvunarfræði er fjöldi stundakennara sem færa atvinnulífið beint inn í skólastofunar og miðla fræðslu um verklag og verkefni sem þau eru að fást við hverju sinni.

Meðal kennara eru:

Skipulag náms

Uppbygging námsins

Tölvunarfræði BSc

Til að ljúka BSc í tölvunarfræði þarf að ljúka 180 ECTS einingum:

• Skyldunámskeið 114 ECTS
• Valnámskeið 66 ECTS

Hvert námskeið er 6 ECTS einingar, nema lokaverkefni sem er 12 ECTS einingar.

Dæmi um hvernig nám í staðarnámi er uppbyggt má sjá í meðfylgjandi töflu, en raða má námskeiðum á annan hátt ef undanfarareglum er fylgt.

Athugið að ef nemandi vill taka áherslulínu getur viðkomandi tekið áherslunámskeiðin hvenær sem er á námsferlinum svo lengi sem hann uppfyllir reglur um undanfara. 

1. ár - Haustönn	1. ár - Vorönn
Forritun                  Tölvuhögun  Strjál stærðfræði I  Greining og hönnun hugbúnaðar Verklegt námskeið 1 (3. vikna)	Gagnaskipan  Strjál stærðfræði II  Vefforritun  Gagnasafnsfræði Verklegt námskeið 2 (3. vikna)
2. ár - Haustönn	2. ár - Vorönn
Stærðfræðigreining og tölfræði  Reiknirit  Hugbúnaðarfræði  Valnámskeið  3. vikna valnámskeið	Forritunarmál  Stýrikerfi  Valnámskeið  Valnámskeið  Nýsköpun og stofnun fyrirtækja*
3. ár - Haustönn	3. ár - Vorönn
Tölvusamskipti  Valnámskeið  Valnámskeið  Valnámskeið  3. vikna valnámskeið	Valnámskeið  Valnámskeið  Valnámskeið  Lokaverkefni

^{* Skylduáfangi hjá þeim sem innrituðust haustið 2016 og eftir það. Nemendur sem innrituðust fyrir haustið 2016 þurfa ekki að taka námskeiðið Nýsköpun og stofnun fyrirtækja.}

Valnámskeið utan tölvunarfræðideildar

Nemendur taka 66 ECTS einingar í vali. Nemendur geta valið valnámskeið innan deildar eða utan deildar. Ef um val utan deildar er að ræða gildir eftirfarandi:

• Nemendur sem hafa lokið heildstæðu námi að lágmarki 60 ECTS einingar á háskólastigi í öðrum deildum geta sótt um að fá þær metnar, allt að 60 ECTS einingar til skrifstofu deildarinnar
• Ef ekki er um heildstætt nám að ræða geta nemendur sótt um að fá metnar allt að 36 ECTS einingar utan deildar.

Athugið að:

• Námskeiðin Hagnýt stærðfræði 1 og Hagnýt tölfræði 1 (í viðskiptadeild) og Stærðfræði I og Tölfræði I í tækni- og verkfræðideild skarast á við námskeiðið Stærðfræðigreining og tölfræði.

• Ekki er hægt að fá metna bæði Gagnavinnslu og Gagnasafnsfræði vegna skörunar.

• Ekki er hægt að fá metin bæði Stýrikerfi og Grunnatriði stýrikerfa vegna skörunar.
  

Ábendingar

• Í stað T-317-CAST - Stærðfræðigreiningar og tölfræði má taka T-101-STA1 – Stærðfræði I og T-302-TOLF – Tölfræði I í tækni- og verkfræðideild og Hagnýta stærðfræði og Hagnýta tölfræði i viðskiptadeild.
• Einnig er mögulegt að taka T-103-STST - Strjál stærðfræði fyrir verkfræðinema og T-211-LINA- Línuleg algebra í stað námskeiðanna T-117-STR1 - Strjál stærðfræði I og T-419-STR2 - Strjál stærðfræði II.
• Þetta val býður upp á fleiri möguleika á að taka þverfagleg námskeið úr verkfræðideild, en krefst þess að nemendur fullnægi undanfarareglum um stærðfræðiundirbúning úr framhaldsskóla til að taka námskeiðið T-101-STA1 – Stærðfræði I

Rannsóknarmiðuð tölvunarfræði BSc

Til að ljúka BSc í rannsóknamiðaðri tölvunarfræði þarf að ljúka 180 ECTS einingum:

• Skyldunámskeið: 132 ECTS
• Bundið val: 12 ECTS
• Frjálst val: 36 ECTS

Af 36 ECTS einingum í frjálsu vali mega vera 24 ECTS vera utan deildar, það er, tölvunarfræðideildar og tæknigreina í tækni- og verkfræðideild.

Hvert námskeið er 6 ECTS einingar, nema lokaverkefni sem er 12 ECTS einingar. Dæmi um hvernig nám er skipulagt má sjá í meðfylgjandi töflu, en raða má námskeiðum á annan hátt ef undanfarareglum er fylgt.

1. ár haust	1. ár vor
Forritun  Strjál stærðfræði fyrir verkfræðinema Stærðfræði I  Greining og hönnun hugbúnaðar Verklegt námskeið 1	Gagnaskipan  Línuleg algebra  Gagnasafnsfræði                           Vefforritun  Verklegt námskeið 2

2. ár haust	2. ár vor
Reiknirit  Valnámskeið  Hugbúnaðarfræði  Tölvuhögun  3. vikna valnámskeið	Forritunarmál  Stýrikerfi  Gagnagreining Valnámskeið  Nýsköpun og stofnun fyrirtækja*

3. ár haust	3. ár vor
Tölvusamskipti  Stöðuvélar og reiknanleiki                   Bundið val  Valnámskeið  3. vikna valnámskeið	Bundið  val                                     Valnámskeið  Valnámskeið  Lokaverkefni með rannsóknaráherslu

^{* Skylduáfangi hjá þeim sem innrituðust haustið 2016 og eftir það. Nemendur sem innrituðust fyrir haustið 2016 þurfa ekki að taka námskeiðið Nýsköpun og stofnun fyrirtækja.}

Athugasemdir:

• Athugið sérstaklega að námskeiðin Hagnýt stærðfræði 1 og Hagnýt tölfræði 1 (í viðskiptadeild) er ekki hægt að taka í vali vegna skörunar við skyldunámskeiðin Tölfræði I og Stærðfræði I. 

• Ekki er hægt að fá metin bæði Gagnavinnsla og Gagnasafnsfræði vegna skörunar. 

• Ekki er hægt að fá metin bæði Stýrikerfi og Grunnatriði stýrikerfa vegna skörunar.

Bundið val

Athugið að listinn er ekki tæmandi.

• Tölvunarstærðfræði	Rannsóknarmiðuð tölvunarfræði
  Gervigreind (Artificial Intelligence) Líkanagerð og sannprófun (Modeling and Verification) Málvinnsla (Natural Language Processing) Merkingafræði (Semantics) Reinforcement Learning Sýndarumhverfi (Virtual Environments) Tölvugrafík (Computer Graphics) Þýðendur (Compilers) Netafræði (Graph Theory) Computer Game Design & Development Vélrænt gagnanám (Introduction to Machine Learning) Samhliða og dreifð forritun ( Concurrent and Distributed Programming)	Gervigreind (Artificial Intelligence) Líkanagerð og sannprófun (Modeling and Verification) Málvinnsla (Natural Language Processing) Merkingafræði (Semantics) Reinforcement Learning Sýndarumhverfi (Virtual Environments) Tölvugrafík (Computer Graphics) Þýðendur (Compilers) Netafræði (Graph Theory) Computer Game Design & Development Vélrænt gagnanám (Introduction to Machine Learning) Samhliða og dreifð forritun ( Concurrent and Distributed Programming) Dulritun og talnafræði ( Cryptography and Number theory)
  Námskeið í tækni- og verkfræðideild	Námskeið í tækni- og verkfræðideild
  Aðgerðagreining (Operations Research) Lífupplýsingafræði (Bioinformatics) Merkjafræði (Signal Processing) Stærðfræði III (Mathematics III) Sameinda- og frumulíffræði (Molecular Cell Biology) Tölfræði II (Statistics II) Töluleg greining (Numerical Analysis) Vitvélar (Machine Learning) Eðlisfræði I	Aðgerðagreining (Operations Research) Lífupplýsingafræði (Bioinformatics) Merkjafræði (Signal Processing) Stærðfræði III (Mathematics III) Sameinda- og frumulíffræði (Molecular Cell Biology) Tölfræði II (Statistics II) Töluleg greining (Numerical Analysis) Vitvélar (Machine Learning) Eðlisfræði I

Valnámskeið í öðrum deildum

Þegar námskeið eru tekin í vali utan tölvunarfræðideildar og tækni- og verkfræðideildar ber að gæta þess að undanfarareglum viðkomandi deildar sé fylgt og að námsefni skarist ekki við aðrar einingar.

Undanfarar

Undanfara má sjá í kennsluskrá: https://www.ru.is/namid/kennsluskra/ Nemendur sem hafa ekki lokið undanfara námskeiða mega eiga von á því að vera skráðir úr því án frekari viðvörunar enda er það á ábyrgð nemenda að undanfarar séu uppfylltir. 

Samþykki Námsmatsnefndar þarf vegna námskeiða í öðrum deildum á sviði tölvunarfræði, upplýsingatækni eða stærðfræði. 

Annað háskólanám metið til eininga

Nemandi sem hefur lokið heildstæðu háskólanámi getur sótt um að fá það nám metið sem val, jafnvel þó það sé í óskyldri grein. Einnig geta nemendur fengið fyrra háskólanám metið í stað þess að ljúka skyldunámskeiði, ef það er samsvarandi þeim námskeiðum sem kennd eru í kjarna. Til að fá frekari upplýsingar um mat á fyrra námi, vinsamlega hafið samband við skrifstofu tölvunarfræðideildar. Allar beiðnir um mat á fyrra háskólanámi eru lagðar fyrir námsmatsnefnd.

Áherslusvið

Nemendum stendur til boða að velja áherslusvið í lok fyrsta árs.  Nemendur þurfa að ljúka a.m.k. 30 ECTS einingum til að geta útskrifast með viðkomandi áherslusvið. Nánari lýsingar á áherslusviðum má finna í upplýsingum fyrir nemendur .

Nemendur tilkynna áherslusvið

Það er á ábyrgð nemanda að tilkynna til deildarinnar ef hann vill útskrifast af ákveðnu áherslusviði. Við lok þriðja námsárs senda nemendur tölvupóst á verkefnastjóra deildarinnar með upplýsingum um:

• Nafn á áherslusviði sem nemandi vill útskrifast af
• Lista yfir námskeið sem nemandi hefur lokið og uppfylla kröfur áherslusviðsins

Lokaverkefni

Raunveruleg hugbúnaðarverkefni 

Lokaverkefni nemenda í tölvunarfræðideild eru tvenns konar, hefðbundin lokaverkefni og lokaverkefni með rannsóknaráherslu. Í hefðbundnum lokaverkefnum fá nemendur tækifæri til að vinna að raunverulegum hugbúnaðarverkefnum í nánum tengslum við atvinnulífið. Nemendur vinna í 2-4 manna hópum, undir leiðsögn verkefniskennara og fá aðstöðu hjá tilteknu fyrirtæki.

Frumkvæði að verkefnum hefur á undanförnum árum bæði komið frá fyrirtækjum og nemendum. Nemendur verða að hafa lokið a.m.k. 78 ECTS einingum og Verklegu námskeiði 2 og Hugbúnaðarfræði. Mælt er með að nemendur taki Lokaverkefni á 6. önn.

Nemendur skrifa greinargóða verkefnisskýrslu sem þeir leggja fram með hugbúnaðinum. Lokaverkefni er metið af verkefniskennara og tveimur prófdómurum frá HR. Verkefnisvinnunni lýkur formlega með opinni kynningu í skólanum.  

Nánari upplýsingar um lokaverkefni má finna hér

Dæmi um lokaverkefni nemenda:

Ground tester app
Samstarfsaðili: Icelandair

A Computer Game for Patient Education
Samstarfsaðili: Landspítalinn

Minjakort
Samstarfsaðili: Minjastofnun Íslands

Cloud Analytics
Samstarfsaðili: Marel - Innova

Quizup - Single Player Web App
Samstarfsaðili: Plain Vanilla

Dynamics AX og Internet of Things
Samstarfsaðili: Advania

Tempo Chrome Extension
Samstarfsaðili: Tempo ehf.

Raforkumarkaður á vefnum
Samstarfsaðili: Netorka

Inntökuskilyrði

Nauðsynlegur undirbúningur

Til að hefja nám í tölvunarfræði þurfa umsækjendur að hafa lokið stúdentsprófi, frumgreinaprófi eða sambærilegu prófi. Æskilegt er að nemendur hafi haldgóða þekkingu á stærðfræði, sér í lagi ef rannsóknarmiðaða námsleiðin er valin. Við mat á umsóknum er tekið tillit til einkunna á stúdentsprófi, frekari menntunar, starfsreynslu ofl. Umsækjendur eru því hvattir til að gera grein fyrir öllu því sem þeir telja geta orðið umsókn sinni til framdráttar.

Fylgigögn með umsókn

Allir umsækjendur verða að fylla út rafræna umsókn og fylgigögnum skal skila inn í umsóknarkerfið. Eftirfarandi gögn þurfa að fylgja umsókn:

• Afrit af stúdentsprófi sem skila þarf rafrænt í umsóknarkerfi HR
• Ferilskrá eða viðeigandi upplýsingar um starfsreynslu (kostur en ekki skylda).

Vantar þig grunninn? 

Þeim nemendum sem vilja hefja nám í tölvunarfræði en vantar nauðsynlegan undirbúning, til dæmis í stærðfræði er bent á háskólagrunn HR sem er undirbúningsnám fyrir háskóla. Þar er hægt að velja strax áherslulínu fyrir tölvunarfræði. 

• Lesa um háskólagrunn og undirbúning fyrir háskólanám

Mat á fyrra námi

Ef umsækjandi hefur lokið námskeiðum á háskólastigi er hægt að sækja um mat á fyrra námi til skrifstofu deildarinnar td@ru.is  

Getum við aðstoðað?

Frekari upplýsingar

• Getum við aðstoðað? Sendu skrifstofu tölvunarfræðideildar tölvupóst
• Um deildina
• Upplýsingar fyrir nemendur sem þegar eru í námi við tölvunarfræðideild
• Styrkir
• Skólagjöld
• Tvíund - félag nemenda við tölvunarfræðideild HR
• /sys/tur - félag kvenna við tölvunarfræðideild HR